| ກອງທະຫານຊ່າງເລກ 1 ໄດ້ສຳເລັດດີເດັ່ນໃນໜ້າທີ່ຢູ່ ຄະນະຜູ້ແທນ UNISFA | |
| ຮອງປະທານສະພາແຫ່ງຊາດຫວຽດນາມ ຕ້ອນຮັບຄະນະຜູ້ແທນສະພາແຫ່ງຊາດລາວ |
ຖະແຫຼງການຂອງກອງປະຊຸມໄດ້ຊີ້ແຈ້ງວ່າ: ພວກຂ້າພະເຈົ້າພ້ອມກັບສະມາຊິກລັດຖະສະພາໜຸ່ມ 200 ກວ່າຄົນເຂົ້າຮ່ວມກອງປະຊຸມສະມາຊິກລັດຖະສະພາໜຸ່ມທົ່ວໂລກ ຄັ້ງທີ 9 ແຕ່ວັນທີ 14-17 ກັນຍາ 2023 ຢູ່ຮ່າໂນ້ຍ, ຫວຽດນາມ ເພື່ອຢືນຢັນຄຳໝັ້ນສັນຍາໃນການຊຸກຍູ້ການປະຕິບັດບັນດາເປົ້າໝາຍພັດທະນາແບບຍືນຍົງ (SDGs), ພິເສດແມ່ນຜ່ານການຫັນປ່ຽນດີຈິຕອນ ແລະ ນະວັດຕະກຳ.
ເພື່ອຊ່ວຍຊຸກຍູ້ການປະຕິບັດ SDGs ໂດຍຜ່ານການຫັນປ່ຽນດີຈິຕອນ ແລະ ນະວັດຕະກຳ, ບັນດາສະມາຊິກລັດຖະສະພາໜຸ່ມ ໄດ້ສົນທະນາ ແລະ ສະເໜີບັນດາການກະທຳດັ່ງຕໍ່ໄປນີ້:
 |
| ທ່ານ Dan Carden, ປະທານເວທີສະມາຊິກລັດຖະສະພາໜຸ່ມ ແລະ ທ່ານນາງ ຮ່າເເອງເຟື່ອງ, ສະມາຊິກສະພາແຫ່ງຊາດ ຫວຽດນາມ ໄດ້ສະເໜີຮ່າງຖະແຫຼງການຂອງກອງປະຊຸມ. (ພາບ: Quochoi.vn) |
ໃນຂົງເຂດຫັນປ່ຽນດີຈິຕອນ, ບັນດາສະມາຊິກລັດຖະສະພາໜຸ່ມຮຽກຮ້ອງ ແລະ ສະເໜີບັນດາສະມາຊິກລັດຖະສະພາຄື: ອັບເດດບັນດາຂໍ້ກຳນົດ ແລະ ວິທີເຮັດວຽກຂອງລັດຖະສະພາ ເພື່ອໃຫ້ບັນດາສະມາຊິກລັດຖະສະພາ ອາດຈະເຂົ້າຮ່ວມ ແລະ ນຳໃຊ້ທາງອອນລາຍ, ຫັນເປັນຫັນປ່ຽນດີຈີຕອນຫຼາຍກວ່າ, ນຳໃຊ້ບັນດາພື້ນຖານການກະທົບຊຶ່ງກັນ ແລະ ກັນເພື່ອໜູນຊ່ວຍການເຈລະຈາໂດຍກົງລະຫວ່າງຜູ້ມີສິດເລືອກຕັ້ງ ແລະ ບັນດາສະມາຊິກລັດຖະສະພາໜຸ່ມ, ຊຸກຍູ້ການເຂົ້າຮ່ວມຂອງບັນດາກຸ່ມ, ໂດຍສະເພາະແມ່ນໄວໜຸ່ມໃນການເຄື່ອນໄຫວຂອງລັດຖະສະພາ;
ຮັບປະກັນໃຫ້ບັນດາສະມາຊິກລັດຖະສະພາໄດ້ຮັບການປະກອບຄວາມຮູ້ທີ່ຈຳເປັນ ແລະ ໄດ້ຮັບການຊ່ວຍເຫຼືອດ້ານເຕັກນິກທີ່ຈໍາເປັນເພື່ອເຂົ້າຮ່ວມຢ່າງເຕັມສ່ວນໃນວິວັດລະບຽບການສ້າງກົດໝາຍອອນໄລ; ເພີ່ມທະວີການນໍາໃຊ້ພື້ນຖານຜູ້ຊ່ວຍສະເໝືອນເພື່ອໜູນຊ່ວຍບັນດາສະມາຊິກລັດຖະສະພາໜຸ່ມ; ໃຊ້ເຄື່ອງມື AI ເພື່ອຍົກສູງຄຸນນະພາບການສ້າງກົດໝາຍ; ແລະ ສ້າງຫໍສະໝຸດດີຈິຕອນສຳລັບເອກະສານກົດໝາຍແຫ່ງຊາດ;
ປະກາດໃຊ້ບັນດາເອກະສານກົດໝາຍ ແລະ ນະໂຍບາຍເພື່ອຮັດແຄບໄລຍະຫ່າງດີຈິຕອນ ແລະ ຮັບປະກັນຄວາມສາມາດໃນການເຂົ້າເຖິງສຳລັບທຸກຄົນ, ໂດຍຜ່ານບັນດາວຽກຕ່າງໆ ລວມມີ ຄ່າໃຊ້ຈ່າຍໃນການເຂົ້າເຖິງຍັງຕ່ຳ, ການສ້າງບັນດາພື້ນຖານໂຄງລ່າງດ້ານເຕັກນິກ ແລະ ປັບປຸງທັກສະວິຊາສະເພາະ;
ສ້າງກອບກົດໝາຍທີ່ເໝາະສົມ ແລະ ເພີ່ມທະວີການຮ່ວມມືສາກົນໃນການປົກປ້ອງອະທິປະໄຕດີຈິຕອນຂອງບັນດາປະເທດ ເພື່ອນຳໄປສູ່ສະພາບແວດລ້ອມເຄືອຂ່າຍທີ່ປອດໄພ, ປອດໃສ ແລະ ພັດທະນາແບບຍືນຍົງ; ປະກາດໃຊ້ບັນດານະໂຍບາຍ ແລະ ລະບຽບການທີ່ເໝາະສົມເພື່ອປ້ອງກັນ ແລະ ຮັບມືກ່ຽວກັບບັນດາຮູບການສ້າງຄວາມວຸ່ນວາຍ ແລະ ຄວາມຮຸນແຮງໃນອິນເຕີເນັດໃຫ້ສຳລັບບັນດາສະມາຊິກລັດຖະສະພາ, ລວມທັງຄວາມຮຸນແຮງຕໍ່ສະມາຊິກລັດຖະສະພາຍິງ;
ໃນຂົງເຂດນະວັດຕະກຳ ແລະ ການເລີ່ມປະກອບການ, ບັນດາສະມາຊິກລັດຖະສະພາໜຸ່ມສະເໜີ ແລະ ຮຽກຮ້ອງໃຫ້ບັນດາສະມາຊິກລັດຖະສະພາ ປັບປຸງລະບົບນິເວດນະວັດຕະກຳ ແລະ ການເລີ່ມການປະກອບການ, ຜ່ານການສ້າງກອບນິຕິກຳ ແລະ ເພີ່ມທະວີງົບປະມານໃຫ້ແກ່ຂົງເຂດນີ້.
ໃນຂົງເຂດວັດທະນະທຳ, ບັນດາສະມາຊິກລັດຖະສະພາໜຸ່ມກໍ່ຮຽກຮ້ອງ ແລະ ສະເໜີໃຫ້ບັນດາສະມາຊິກລັດຖະສະພາພັດທະນາວິທີການເຂົ້າເຖິງລວມ ຂອງລັດຖະສະພາເພື່ອສ້າງຕັ້ງຂອບເຂດບັນດາຫຼັກການ, ຄຸນຄ່າໃນການຕັດສິນໃຈ, ຄົ້ນຄວ້າ ແລະ ພັດທະນາວິທະຍາສາດ ແລະ ເຕັກໂນໂລຊີ, ເປັນຕົ້ນແມ່ນກົດແຫ່ງການປະພຶດຂອງ IPU ກ່ຽວກັບຈັນຍາບັນວິທະຍາສາດ ແລະ ເຕັກໂນໂລຊີ, ເພື່ອຮັບປະກັນການພັດທະນາ ແລະ ການນໍາໃຊ້ວິທະຍາສາດ ແລະ ເຕັກໂນໂລຊີ ໄດ້ປະຕິບັດຢ່າງມີຄວາມຮັບຜິດຊອບ, ມີຈັນຍາບັນ ແລະ ຍືນຍົງ;
ເນື້ອໃນຖະແຫຼງການຂອງກອງປະຊຸມຍັງໄດ້ສະແດງຄວາມຂອບໃຈເຖິງສະພາແຫ່ງຊາດຫວຽດນາມ ທີ່ເປັນເຈົ້າພາບຈັດຕັ້ງກອງປະຊຸມສະມາຊິກລັດຖະສະພາໜຸ່ມທົ່ວໂລກ ຄັ້ງທີ 9 ຢ່າງລອບຄອຍຖີ່ຖ້ວນ, ເປັນມືອາຊີບ ແລະ ສຳເລັດຜົນ ແລະ ສະໜັບສະໜູນການເຂົ້າຮ່ວມຂອງສະມາຊິກລັດຖະສະພາໜຸ່ມ, ຊາວໜຸ່ມກໍ່ຄືຊຸກຍູ້ການປະຕິບັດ SDG, ຜ່ານ IPU ແລະ ບັນດາກົນໄກລະຫວ່າງລັດຖະສະພາສາກົນ ແລະ ພາກພື້ນ. ພ້ອມກັນນັ້ນ, ກໍ່ຢືນຢັນຈະຢູ່ຄຽວຂ້າງກັນ ເພື່ອຮັກສາຄຳໝັ້ນສັນຍາໃນຖະແຫຼງການຮ່າໂນ້ຍ ປີ 2015 ແລະ ຕອບສະໜອງຄຳຮຽກຮ້ອງທີ່ຮີບດ່ວນຂອງໂຄງການດຳເນີນງານ ປີ 2030.
ດີງເລື້ອງ
