| ອາຊຽນ ໃຫ້ຄຳໝັ້ນສັນຍາ ຈະບັນລຸເປົ້າໝາຍພັດທະນາແບບຍືນຍົງ | |
| ກອງປະຊຸມລັດຖະມົນຕີຂໍ້ມູນຂ່າວສານອາຊຽນ: “ການສື່ສານ: ຈາກຂໍ້ມູນຂ່າວສານໄປສູ່ຄວາມຮູ້ເພື່ອອາຊຽນຢືດຢຸ່ນ ແລະ ເໝາະສົມ” |
ທີ່ການພົບປະກັບທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດລາວ ສະເຫຼີມໄຊ ກົມມະສິດ, ທ່ານລັດຖະມົນຕີການຕ່າງປະເທດ ຫວຽດນາມ ບຸ່ຍແທງເຊີນ ໄດ້ຕີລາຄາສູງການພັດທະນາອັນດີຂອງການພົວພັນລະຫວ່າງ ຫວຽດນາມ - ລາວ, ພິເສດແມ່ນການແລກປ່ຽນຄະນະຜູ້ແທນ ແລະ ການພົວພັນລະດັບສູງກໍ່ຄືການຊຸກຍູ້ການຈັດຕັ້ງປະຕິບັດບັນດາໂຄງການຮ່ວມມືຈຸດສຸມໃນໄລຍະມໍ່ໆມານີ້.
 |
| ຕອນເຊົ້າວັນທີ 20 ກັນຍາ, ຢູ່ນະຄອນນິວຢອກ, ອາເມລິກາ, ທ່ານ ບຸ່ຍແທງເຊີນ ລັດຖະມົນຕີການຕ່າງປະເທດ ຫວຽດນາມ ໄດ້ພົບປະກັບ ທ່ານ ສະເຫຼີມໄຊ ກົມມະສິດ, ຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ລາວ. (ພາບ: ກະຊວງການຕ່າງປະເທດ) |
ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດລາວ ໄດ້ຕີລາຄາສູງຕໍ່ສຳເລັດຜົນຂອງການເຄື່ອນໄຫວແລກປ່ຽນຄະນະຜູ້ແທນຂອງສອງປະເທດ, ພິເສດແມ່ນການພົບປະລະຫວ່າງການນຳ 3 ຝ່າຍ ຫວຽດນາມ - ລາວ - ກຳປູເຈຍ ເມື່ອວັນທີ 6 ກັນຍາ ທີ່ຜ່ານມາຢູ່ ຮ່າໂນ້ຍ.
2 ຝ່າຍເປັນເອກະສັນກັນຈະສົມທົບກັນຢ່າງແໜ້ນແຟ້ນ ແລະ ກະກຽມໃຫ້ບັນດາການເຄື່ອນໄຫວຂັ້ນສູງໃນບັນດາຊ່ອງທາງຂອງພັກ ແລະ ລັດຖະບານ ກໍ່ຄືບັນດາກົນໄກຮ່ວມມືລະຫວ່າງ 2 ປະເທດໃນໄລຍະຈະມາເຖິງ ແລະ ບັນດາໂຄງການຮ່ວມມືຫຼາຍຢ່າງລະຫວ່າງ 2 ປະເທດໃຫ້ເປັນຢ່າງດີ; ສົມທົບກັນຢ່າງແໜ້ນແຟ້ນ ແລະ ສະໜັບສະໜູນເຊິ່ງກັນ ແລະ ກັນຢູ່ບັນດາເວທີປາໄສຫຼາຍຝ່າຍ.
ທ່ານລັດຖະມົນຕີ ບຸ່ຍແທງເຊີນ ຢືນຢັນວ່າ ຫວຽດນາມ ສະໜັບສະໜູນ ແລະ ຈະມານະພະຍາຍາມໜູນຊ່ວຍປະເທດລາວ ເພື່ອດຳລົງບົດບາດເປັນປະທານອາຊຽນ ໃນປີ 2024 ໃຫ້ເປັນຢ່າງດີ.
ດີງເລື້ອງ
