ເຂົ້າ​ຮ່ວມ​ກອງປະຊຸມແລກປ່ຽນ ​ມີ​ທ່ານ​ນາງ ຮ່ວາງ​ທິທູ​ຈາງ, ຫົວໜ້າ​ພະ​ແນ​ກຍຸຕິ​ທຳແຂວງ ເຫງ້​ອານ; ທ່ານ ມົນຕີ ສີອຸດົມ - ຫົວໜ້າພະແນກຍຸຕິທຳ ແຂວງຊຽງຂວາງ ພ້ອມດ້ວຍບັນດາຜູ້ແທນທັງສອງແຂວງເຂົ້າຮ່ວມ.

ໄລຍະ 2017-2022, ພະແນກຍຸຕິທຳໄດ້ຈັດຕັ້ງປະຕິບັດເນື້ອໃນບົດບັນທຶກຄວາມເຂົ້າໃຈລະຫວ່າງພະແນກຍຸຕິທຳ ແຂວງ ເຫ້ງອານ ກັບ ພະແນກຍຸຕິທຳ ແຂວງຊຽງຂວາງ ແລະ ບັນລຸໄດ້ໝາກຜົນຫຼາຍຢ່າງ.

ຕາມ​ນັ້ນ​ແລ້ວ, ​ໃນ​ແຕ່ລະ​ປີ, ພະແນກ​ຍຸຕິ​ທຳ​ແຂວງ ເຫງ້ອານ ​ໄດ້​ປະກາດ​ໃຊ້​ແຜນການ, ​ເຜີຍ​ແຜ່ ​ແລະ ສຶກສາ​ກົດໝາຍ​ຢູ່​ບໍລິເວນ ເວົ້າລວມ. ພິ​ເສດ​ແມ່ນ​ສຸມ​ໃສ່​ປະຕິບັດ​ບັນດາ​ເນື້ອ​ໃນ​ເຜີຍ​ແຜ່​ກົດໝາຍ, ຍົກ​ສູງ​ຄວາມ​ຮັບ​ຮູ້ ​ແລະ ສະຕິໃນການປະຕິບັດ​ກົດໝາຍ​ໃຫ້​ແກ່​ປະຊາຊົນ​ບັນດາ​ເຜົ່າ​ທີ່​ດຳລົງ​ຊີວິດ​ຢູ່​ເຂດ​ຊາຍ​ແດນ ຫວຽດນາມ - ລາວ.

ຫົວໜ້າພະແນກຍຸຕິທຳຂອງສອງແຂວງໄດ້ລົງນາມໃນບົດບັນທຶກຄວາມເຂົ້າໃຈການຮ່ວມມືລະຫວ່າງພະແນກຍຸຕິທຳແຂວງເຫ້ງອານ ແລະ ແຂວງຊຽງຂວາງ.

​ເນື້ອ​ໃນ​ທີ່ໄດ້ຮັບຄວາມ​ສົນ​ໃຈ​ໃນ​ການ​ໂຄສະນາ​ເຜີຍ​ແຜ່​ແມ່ນບັນດາ​ເອກະສານຂໍ້ກຳນົດກົດໝາຍທີ່ກ່ຽວຂ້ອງເຖິງ​ນະ​ໂຍບາຍ​ຊົນ​ເຜົ່າ, ສັນຊາດ, ໜູນ​ຊ່ວຍ​ການ​ພັດທະນາ, ຍົກສູງ​ຊີວິດ​ທາງ​ດ້ານ​ວັດຖຸ ​ແລະ ລະດັບຄວາມຮູ້ໃຫ້ແກ່ປະຊາຊົນ, ​ເອກະສານ​ກົດໝາຍ​ກ່ຽວຂ້ອງກັບການປ້ອງກັນ ແລະ ຕ້ານບັນດາອາດຊະຍາ​ກຳ, ຕ້ອງ​ເລືອກ​ເຟັ້ນ ​ແລະ ຜັນ​ຂະຫຍາຍ​ບັນດາ​ຮູບ​ແບບການເຜີຍແຜ່​ສຶກສາ​ດ້ານ​ກົດໝາຍທີ່​ເໝາະ​ສົມ ​ເພື່ອ​ໃຫ້​ປະຊາຊົນ​ໄດ້ຮັບເອົາ, ເຄົາລົບ ເເລະ ປະຕິບັດ​ໄດ້​ງ່າຍ, ພິເສດສຳລັບ​​ຜູ້​ທີ່​ເປັນ​ຊາວ​ລາວ ໂດຍ​ປະທານ​ປະ​ເທດຕົກລົງ​ໃຫ້ຖື​ສັນຊາດ​ຫວຽດນາມ.

ວຽກ​ງານສຳມະໂນຄົວ, ສັນຊາດ ​ແລະ ​ແກ້​ໄຂ​ບັນຫາ​ຄົນ​ອົບພະຍົບ​ເສລີ ​ແລະ ການ​ແຕ່ງງານແບບ​ຜິດ​ກົດໝາຍ​ຢູ່​ເຂດ​ຊາຍ​ແດນ​ຂອງ 2 ປະ​ເທດ ​ແມ່ນໄດ້ຮັບການ​ສຸມ​ໃສ່​ປະຕິບັດ. ໃນ 3 ປີ 2019, 2020, 2021, ບັນດາເມືອງຊາຍແດນໄດ້ສົມທົບກັບພະແນກຍຸຕິທໍາ ດໍາເນີນຂັ້ນຕອນການສະເໜີຂໍສັນຊາດຫວຽດນາມ ໃຫ້ພົນລະເມືອງລາວ 201 ຄົນ ຕາມລະບຽບການ.

ໂດຍໄດ້ຮັບການມອບສິດຂອງ​ທ່ານ​ປະທານ​ປະ​ເທດ, ຄະນະ​ກຳມະການ​ປະຊາຊົນ​ແຂວງ ເຫ້ງອານ, ພະແນກ​ຍຸຕິ​ທຳ ​ໄດ້​ຈັດ​ຕັ້ງ​ພິທີ​ມອບຕົກລົງ​​ຂອງ​ປະທານ​ປະ​ເທດ ສາທາລະນະ​ລັດ ສັງຄົມ​ນິຍົມ ຫວຽດນາມ ​ໃຫ້ 201 ກໍລະນີ​ໄດ້ຖືສັນຊາດ​ ຫວຽດນາມ.

​ເຫດການ​ນີ້ໄດ້ສ້າງ​ເປັນ​ຂີດ​ໝາຍ​ອັນ​ໃຫຍ່​ຫຼວງສຳລັບແຕ່ລະ​ສ່ວນບຸກຄົນ ເວົ້າ​ສະ​ເພາະ ​ແລະ ສຳລັບອຳນາດການປົກຄອງຫວຽດນາມ ​ແລະ ລາວ ​ເວົ້າ​ລວມ, ​ໄດ້​ປົກປ້ອງສິດທິ ​ແລະ ຜົນ​ປະ​ໂຫຍ​ດອັນ​ຊອບ​ທຳ​ຂອງ​ຜູ້ອົບພະຍົບແບບເສລີ ​ແລະ ​ແຕ່ງງານແບບຜິດກົດໝາຍ​ຢູ່​ເຂດ​ຊາຍ​ແດນ​ ຫວຽດນາມ - ລາວ. ພ້ອມ​ກັນ​ນັ້ນ, ກໍ່​ສ້າງ​ເງື່ອນ​ໄຂ​ສະດວກ​ໃຫ້​ແກ່​ການ​ດຳລົງ​ຊີວິດ​ຢ່າງເປັນປົກກະຕິ, ​ເຊື່ອມ​ໂຍງ​ເຂົ້າ​ກັບ​ຊີວິດທາງດ້ານ​ເສດຖະກິດ, ວັດທະນະທຳ, ສັງຄົມ; ສ້າງ​ພື້ນຖານ​ໃຫ້​ແກ່​ການ​ຮັກສາ​ສະຖຽນ​ລະ​ພາບ​ດ້ານ​ການ​ເມືອງ, ຮັບປະກັນ​ຄວາມ​ໝັ້ນຄົງໃນການ​ປ້ອງ​ກັນ​ຢູ່​ເຂດ​ຊາຍ​ແດນ.

2 ພະແນກຍຸຕິທຳ​ໄດ້​ວາງ​ອອກ​ທິດ​ທາງ ​ແລະ ​ເນື້ອ​ໃນ​ການ​ຮ່ວມ​ມື​ໄລຍະ 2023-2028 ດ້ວຍ​ເນື້ອ​ໃນ​ຄື: ເປັນເອກະພາບໃຫ້​​ສອງພະແນກ​ຜັດປ່ຽນກັນ​ຈັດ​ຕັ້ງ​ກອງ​ປະຊຸມ​ແລກປ່ຽນ​ບົດຮຽນ​ໃນ​ທຸກໆ 3 ປີ/ເທື່ອ.

ເປັນເອກະພາບ​ສ້າງ​ເງື່ອນ​ໄຂ​ອຳນວຍ​ຄວາມ​ສະດວກ​ໃຫ້ບັັນດາຫ້ອງການຍຸຕິ​ທຳ​ເມືອງທີ່ຕິດກັບ​ຊາຍ​ແດນ ມີການ​ພົວພັນ​ຮ່ວມ​ມືທາງດ້ານວິຊາສະເພາະ, ໜູນ​ຊ່ວຍ​ດ້ານ​ກົດໝາຍ​ໃຫ້​ປະຊາຊົນ​ສອງ​ແຂວງ, ໂຄສະນາ​ເຜີຍ​ແຜ່​ກົດໝາຍ, ​ເກັບ​ກຳ​ຂໍ້ມູນກ່ຽວ​ກັບ​ການອົບພະຍົບແບບເສລີ ​ແລະ ການ​ແຕ່ງງານ​ແບບຜິດ​ກົດໝາຍ...ຢ່າງເປັນປະຈຳ.