| ສ້າງການຮ່ວມທຶນ ຫວຽດນາມ-ລາວ ເພື່ອສຶກສາ ແລະ ກໍ່ສ້າງເສັ້ນທາງລົດໄຟ ວຽງຈັນ-ຫວູງອ່າງ | |
| ລົດໄຟ ເໜືອ-ໃຕ້ ໄດ້ເຂົ້າທອບ 10 ຖ້ຽວລົດໄຟຂ້າມຄືນທີ່ດີທີ່ສຸດໃນໂລກ |
ລົດໄຟຂົນສົ່ງສິນຄ້າສາກົນຖ້ຽວທຳອິດ ຈາກນະຄອນ ສີເຈຍຈວງ - ແຂວງ ເຫີເປີ່ຍ (ຈີນ) ຫາ ຮ່າໂນ້ຍ - ຫວຽດນາມ ມີໄລຍະທາງຍາວ 2700 ກິໂລແມັດ, ໃຊ້ເວລາ 4-5 ວັນ ດ້ວຍ 23 ຕູ້, ບັນທຸກສິນຄ້າເກືອບ 800 ໂຕນ ປະກອບມີອຸປະກອນໂລຫະ, ສານເຄມີ ແລະ ປຸຍ.
ທາງລົດໄຟຈາກ ສີເຈຍຈວງ ໄປອຽນວຽນ ໄດ້ເປີດເສັ້ນທາງຂົນສົ່ງໃໝ່ໃຫ້ບັນດາຜູ້ຜະລິດ ແລະ ວິສາຫະກິດຂອງສອງປະເທດ; ເປັນຂີດໝາຍຄວາມມານະພະຍາຍາມເຊື່ອມໂຍງຂອງວິສາຫະກິດຂົນສົ່ງຂອງບໍລິສັດໃຫຍ່ທາງລົດໄຟຫວຽດນາມ ແລະ ບັນດາວິສາຫະກິດແຂວງ ເຫີເປີ່ຍ ໃນການຈັດຕັ້ງຖ້ຽວລົດໄຟໄປໂດຍກົງ, ເຮັດໃຫ້ເວລາຄົມມະນາຄົມສັ້ນລົງ ແລະ ສະດວກກວ່າໃນການປະຕິບັດບັນດາລະບຽບການນຳເຂົ້າ ແລະ ສົ່ງອອກສິນຄ້າ.
 |
ໃນພິທີ, ບັນດາຜູ້ເຂົ້າຮ່ວມ ໄດ້ເປັນສັກຂີພິຍານພິທີລົງນາມໃນສັນຍາການຮ່ວມມືຮອບດ້ານລະຫວ່າງບໍລິສັດຫຸ້ນສ່ວນການຂົນສົ່ງ ແລະ ການຄ້າທາງລົດໄຟ (Ratraco) ແລະ ບໍລິສັດຈັດເກັບສິນຄ້າ ທ່າກ່ຳປັ່ນສາກົນ ສີເຈຍຈວງ ຈຳກັດ. ຂໍ້ຕົກລົງຮ່ວມມືຮອບດ້ານ ໄດ້ຮັບການລົງນາມບົນພື້ນຖານສະເໝີພາບ ແລະ ຕ່າງຝ່າຍຕ່າງມີຜົນປະໂຫຍດ ເພື່ອແນໃສ່ຊຸກຍູ້ການພັດທະນາໃນຂົງເຂດການບໍລິການທີ່ກ່ຽວຂ້ອງເຖິງການຂົນສົ່ງສິນຄ້າລະຫວ່າງສອງປະເທດ.
ຕາມນັ້ນແລ້ວ, 2 ຝ່າຍກໍ່ເຫັນດີເພີ່ມທະວີການຮ່ວມມືໃນຂົງເຂດຂຸດຄົ້ນຊັບພະຍາກອນ; ການຂົນສົ່ງສິນຄ້າສອງສົ້ນ ໄປ-ກັບ ໂດຍກ່ຳປັ່ນພິເສດ; ການສ້າງລະບົບສາງ; ລະບົບການຂົນສົ່ງຫຼາຍຮູບຫຼາຍແບບ... ໃນໄລຍະຈະມາເຖິງ, ການຮ່ວມມືຈະໄດ້ຮັບການຜັນຂະຫຍາຍໂດຍການຈັດຕັ້ງຖ້ຽວລົດໄຟ 2 ໄປ-ກັບ ໂດຍອອກຈາກ ສີເຈຍຈວງ - ແຂວງ ເຫີເປີ່ຍ - ຈີນ ເຖິງ ອຽນວຽນ - ຮ່າໂນ້ຍ - ຫວຽດນາມ ແລະ ກັບຄືນ ດ້ວຍຈຳນວນລົດໄຟຕ່ຳສຸດ ແມ່ນ 1 ຖ້ຽວຕໍ່ອາທິດ, ຫຼັງຈາກນັ້ນ ແມ່ນອີງຕາມຄວາມຕ້ອງການຕົວຈິງ, ຈະເພີ່ມຈຳນວນຖ້ຽວຂອງລົດໄຟ.
ນະຄອນ ສີເຈຍຈວງ ເປັນເມືອງເອກຂອງແຂວງ ເຫີເປີ່ຍ ທີ່ມີພົນລະເມືອງຫຼາຍກວ່າ 11 ລ້ານຄົນ ແລະ ມີທີ່ຕັ້ງບົດບາດສຳຄັນໃນລະບົບທາງລົດໄຟແຫ່ງຊາດຂອງຈີນ ທີ່ເຊື່ອມຕໍ່ປັກກິ່ງ, ທຽນເຈິນ, ເຫີເປີ່ຍ. ໃນຊຸມປີມໍ່ໆມານີ້, ນະຄອນ ສີເຈຍຈວງ ໄດ້ກາຍເປັນຈຸດສຸມໃນການຈັດຕັ້ງທາງລົດໄຟສາກົນໄປຍັງ ລັດເຊຍ, ເອີລົບ, ອາຊີກາງ, ມົງໂກລີ ແລະ ບັນດາປະເທດອາຊຽນ.
ຄຳຮຸ່ງ
