| ທາງລົດໄຟ ກາດລີງ - ຮ່າໂດງ: ຮູບພາບການພົວພັນຫວຽດນາມ - ຈີນ | |
| ທາງລົດໄຟຫວຽດນາມ ຈະເຊື່ອມຕໍ່ກັບ ຈີນ, ລາວ ແລະ ກໍາປູເຈຍ |
ຕອນບ່າຍວັນທີ 28 ກຸມພານີ້, ຢູ່ນະຄອນຫຼວງວຽງຈັນ, ທ່ານ ໂຮ່ມິນຮວ່າງ, ປະທານກຸ່ມບໍລິສັດ ເດວກ້າ ແລະ ທ່ານ ຈັນທອນ ສິດທິໄຊ ປະທານບໍລິສັດ PTL Holding ໄດ້ລົງນາມໃນສັນຍາຮ່ວມທຶນກໍ່ສ້າງໂຄງການເສັ້ນທາງລົດໄຟ ວຽງຈັນ-ຫວູງອ່າງ ໃນພາກດິນແດນຂອງຫວຽດນາມ.
 |
ສ້າງຕັ້ງການຮ່ວມທຶນ ຫວຽດນາມ-ລາວ ເພື່ອສຶກສາ ແລະ ກໍ່ສ້າງທາງລົດໄຟ ວຽງຈັນ-ຫວູງອ່າງ. (ພາບ: baodautu) |
ທ່ານ ຈັນທອນ ສິດທິໄຊ ໃຫ້ຮູ້ວ່າ: “ຄວາມປາດຖະໜາຂອງລັດຖະບານລາວ ແມ່ນຢາກມີການເຊື່ອມຕໍ່ ແລະ ຮ່ວມມືກັບວິສາຫະກິດຫວຽດນາມ. ກຸ່ມບໍລິສັດ PTL ມີຄວາມສົນໃຈເຖິງກິດຈະກຳຄົມມະນາຄົມຕິດພັນກັບທະເລ ເພື່ອພັດທະນາ logictics ແລະ ການບໍລິການອື່ນໆ. ຫວູງອ່າງ ຂອງຫວຽດນາມ ແມ່ນທ່າກຳປັ່ນທະເລ ທີ່ໃກ້ທີ່ສຸດກັບນະຄອນຫຼວງວຽງຈັນ. ບັນດາການນຳຂອງ PTL Holding ໄດ້ຕີລາຄາສູງບັນດາຜົນສຳເລັດທີ່ ກຸ່ມບໍລິສັດ ເດວກ້າ ບັນລຸໄດ້ຢູ່ຫວຽດນາມ ແລະ ເຊື່ອໝັ້ນຢ່າງສູງຕໍ່ຜົນສຳເລັດຂອງການຮ່ວມມືລະຫວ່າງ ກຸ່ມບໍລິສັດ ເດວກ້າ ກັບ ກຸ່ມບໍລິສັດ PTL.
ເສັ້ນທາງລົດໄຟແຕ່ວຽງຈັນ (ລາວ) ຫາ ຫວູງອ່າງ (ຫວຽດນາມ) ມີຄວາມຍາວທັງໝົດ 554,7 ກິໂລແມັດ, ຍາວຢຽດຜ່ານລາວ ແລະ ຫວຽດນາມ. ໂຄງການມີເປົ້າໝາຍກໍ່ສ້າງເສັ້ນທາງລົດໄຟຄູ່ ມີຄວາມໄວ 150 ກິໂລແມັດຕໍ່ຊົ່ວໂມງ, ດ້ວຍຍອດຈຳນວນເງິນລົງທຶນປະມານ 149.550 ຕື້ດົ່ງ.
ເສັ້ນທາງລົດໄຟສາຍນີ້ ຈະເຊື່ອມຕໍ່ນະຄອນຫຼວງວຽງຈັນ ຫາທ່າກຳປັ່ນທະເລ ຫວູງອ່າງ, ເຊື່ອມຕໍ່ກັບທາງລົດໄຟ ລາວ-ຈີນ, ຄາດວ່າຈະສ້າງເສັ້ນທາງຂົນສົ່ງສິນຄ້າ ຂະຫຍາຍໄປພາກເໜືອ ແລະ ພາກໃຕ້ຂອງຈີນ. ທ່າກຳປັ່ນທະເລ ຫວູງອ່າງ ຂອງຫວຽດນາມ ສວມບົດບາດເປັນສຳຄັນໃນການຊຸກຍູ້ການເຄື່ອນໄຫວເສດຖະກິດຂອງ 2 ປະເທດຜ່ານການແລກປ່ຽນການຄ້າ ແລະ ການຂົນສົ່ງທາງທະເລ, ມຸ່ງໄປເຖິງບັນດາຕະຫຼາດພາກຕາເວັນອອກສ່ຽງເໜືອຂອງໄທ, ຕະຫຼາດ ຈີນ, ສ.ເກົາຫຼີ ແລະ ຍີ່ປຸ່ນ.
ທ່ານ ຫງວຽນບ໋າຮຸ່ງ, ສະຖານທູດຫວຽດນາມ ປະຈຳລາວ ຕີລາຄາວ່າ: “ເສັ້ນທາງລົດໄຟ ມູຢາ – ຫວູງອ່າງ ແມ່ນໂຄງການສຳຄັນພິເສດ, ແມ່ນໜຶ່ງໃນບັນດາບຸລິມະສິດຂອງລັດຖະບານ ຫວຽດນາມ - ລາວ ໃນຂະບວນການປະຕິບັດບັນດາຂໍ້ຕົກລົງຂັ້ນສູງ ລະຫວ່າງສອງປະເທດ ແລະ ສອງລັດກ່ຽວກັບການພັດທະນາເສດຖະກິດ ແລະ ການພັດທະນາພື້ນຖານໂຄງລ່າງ. ນີ້ແມ່ນໂຄງການທີ່ມີຄວາມຫຍຸ້ງຍາກຫຼາຍຢ່າງ, ແຕ່ຂ້າພະເຈົ້າເຊື່ອໝັ້ນວ່າ ການສົມທົບກັນຂອງກຸ່ມບໍລິສັດ ເດວກ້າ ແລະ ກຸ່ມບໍລິສັດ Petroleum Trading Lao ຈະປະຕິບັດໂຄງການໄດ້ເປັນຢ່າງດີ, ສົມກັບທີ່ໄດ້ຮັບຄວາມໄວ້ເນື້ອເຊື່ອໃຈ ຈາກລັດຖະບານຂອງສອງປະເທດ.
ຄຳຮຸ່ງ
