 |
| ລົດໄຟ ເໜືອ-ໃຕ້ໄດ້ຈັດຢູ່ໃນອັນດັບທີ 9 ໃນລາຍຊື່ຂອງ The Travel ( ພາບ: tapchigiaothong.vn) |
ລົດໄຟ ເໜືອ - ໃຕ້ ຂອງຫວຽດນາມ ຖືເປັນກຽດທີ່ໄດ້ມີຊື່ ຢູ່ໃນລາຍຊື່ນີ້. ການເດີນທາງດ້ວຍລົດໄຟ ຮ່າໂນ້ຍ - ນະຄອນ ໂຮ່ຈີມິນ, The Travel ຈັດຢູ່ໃນອັນດັບທີ 9 ຂອງລາຍຊື່, ຢູ່ເທິງລະດັບການຈັດອັນດັບຖ້ຽວລົດໄຟທີ່ມີຊື່ສຽງຂອງ Venice Simlon-Orient-Express ຈາກ Paris ໄປ Venice.
ເມື່ອຕີລາຄາຕໍ່ການສໍາຜັດຢູ່ເທິງລົດໄຟທົ໋ງເຍິດ, The Travel ຂຽນວ່າ: “ຫວຽດນາມ ແມ່ນສະຖານທີ່ທີ່ນັກທ່ອງທ່ຽວມັກທີ່ສຸດ ເມື່ອມາຮອດ ອາຊີຕາເວັນອອກສ່ຽງໃຕ້. ລຽບຕາມພູມມີປະເທດທີ່ຍາວ ແລະ ແຄບນັ້ນ, ລົດໄຟແມ່ນພາຫະນາທີ່ສຸດຍອດເພື່ອເດີນທາງຈາກນະຄອນຫຼວງຮ່າໂນ້ຍເຊິ່ງຕັ້ງຢູ່ພາກເໜືອ ໄປຍັງ ນະຄອນໂຮ່ຈີມິນເຊິ່ງຕັ້ງຢູ່ພາກໃຕ້. ຖ້ຽວລົດໄຟນີ້ແທດເໝາະກັບບັນດານັກທ່ອງທ່ຽວທໍາມະດາ, ເສຍເງິນພຽງແຕ່ 26 USD ຕໍ່ຖ້ຽວໜຶ່ງ ໂດຍເວລາແກ່ຍາວແມ່ນ 32-37 ຊົ່ວໂມງ.
ໂດຍອີງຕາມຄ່າປີ້ລົດ ຜູ້ໂດຍສານສາມາດເລືອກລະດັບບ່ອນັ່ງ, ຈາກບ່ອນນັ່ງດ້ວຍໄມ້ແຂງໆ ເຖິງບ່ອນນັ່ງທີ່ອ່ອນໆມີແອເຢັນ, ຫ້ອງມີຕຽງນອນ 6 ຕຽງພ້ອມທັງມີແອເຢັນ ແລະແພງທີ່ສຸດແມ່ນຫ້ອງມີຕຽງນອນ 4 ຕຽງ ແລະ ແອເຢັນ".
ຫອມມາລາ
