| ຫວຽດນາມ ເຂົ້າຮ່ວມກອງປະຊຸມຂັ້ນສູງ APEC ຄັ້ງທີ 12 ກ່ຽວກັບດ້ານສາທາລະນະສຸກ ແລະ ເສດຖະກິດ | |
| ສະໝຸດສຸຂະພາບຂອງຜູ້ອົບພະຍົບ ເຊິ່ງໜູນຊ່ວຍຂໍ້ມູນດ້ານສາທາລະນະສຸກໃຫ້ແກ່ແຮງງານ |
ນີ້ແມ່ນລາງວັນອັນລ້ຳຄ່າທີ່ລັດລາວມອບໃຫ້, ຢືນຢັນບົດບາດສຳຄັນຂອງມະຫາວິທະຍາໄລແພດສາດ ແລະ ການຢາ ໄທບິ່ງ ເວົ້າສະເພາະ ແລະ ຫວຽດນາມ ເວົ້າລວມ ໃນການຮ່ວມມື ແລະ ບຳລຸງສ້າງຊັບພະຍາກອນມະນຸດໃນຂະແໜງສາທາລະນະສຸກ ໃນໄລຍະເຄິ່ງສະຕະວັດທີ່ຜ່ານມາ.
ທ່ານ ແສງເພັດ ຮຸ່ງບຸນຍວງ - ເອກອັກຄະລັດຖະທູດລາວ ປະຈໍາ ຫວຽດນາມ ໄດ້ຮັບຮູ້ ແລະ ຕີລາຄາສູງບັນດາຜົນງານດີເດັ່ນຂອງມະຫາວິທະຍາໄລແພດສາດ ແລະ ການຢາ ໄທບິ່ງ ໃນຕະຫຼອດໄລຍະສ້າງສາ ແລະ ພັດທະນາ. ໂດຍສະເພາະແມ່ນນັບແຕ່ປີ 1969 ມາຮອດປັດຈຸບັນ, ໂຮງຮຽນ ໄດ້ເອົາໃຈໃສ່ ແລະ ອຳນວຍຄວາມສະດວກໃນການບຳລຸງສ້າງຊັບພະຍາກອນການແພດໃຫ້ແກ່ ສາທາລະນະລັດ ປະຊາທິປະໄຕ ປະຊາຊົນລາວ. ມາຮອດປະຈຸບັນ, ມີພະນັກງານການແພດລາວ ຈຳນວນ 400 ກວ່າຄົນ ໄດ້ຮັບການບຳລຸງສ້າງຈາກມະຫາວິທະຍາໄລແພດສາດ ແລະ ການຢາ ໄທບິ່ງ, ມີນັກສຶກສາສາກົນຫຼາຍຄົນ ພວມສືບຕໍ່ຮ່ຳຮຽນຢູ່ໂຮງຮຽນ. ພາຍຫຼັງໄດ້ຮັບການຝຶກອົບຮົມ, ບັນດາແພດໝໍ, ພະຍາບານໄດ້ປະກອບສ່ວນຢ່າງຕັ້ງໜ້າເຂົ້າໃນການຍົກສູງສຸຂະພາບຂອງປະຊາຊົນ.
 |
ມະຫາວິທະຍາໄລແພດສາດ ແລະ ການຢາ ໄທບິ່ງ ໄດ້ຮັບການສ້າງຕັ້ງຂຶ້ນໃນປີ 1968. ຫຼັງຈາກ 1 ປີ, ໃນປີ 1969, ໂຮງຮຽນໄດ້ຮັບມອບໝາຍໜ້າທີ່ບຳລຸງສ້າງແພດໝໍ ໃຫ້ແກ່ສາທາລະນະລັດ ປະຊາທິປະໄຕ ປະຊາຊົນລາວ. ນັບແຕ່ນັ້ນມາ, ໂຮງຮຽນໄດ້ຮັບຄວາມໄວ້ເນື້ອເຊື່ອໃຈ ແລະ ມອບໝາຍໜ້າທີ່ບຳລຸງສ້າງພະນັກງານການແພດ ໃຫ້ແກ່ລາຊະອານາຈັກກຳປູເຈຍ, ສາທາລະນະລັດ Mozambique ແລະ ສ.ເກົາຫຼີ.
ແລະ ກໍ່ໃນວັນດຽວກັນ, ມະຫາວິທະຍາໄລແພດສາດ ແລະ ການຢາ ໄທບິ່ງ ກໍ່ໄດ້ຈັດພິທີມອບໃບປະກາດສະນີຍະບັດສາຂາແພດສາດຫຼາຍຂະແໜງ ໃຫ້ນັກສຶກສາສາກົນ 72 ຄົນ, ໃນນັ້ນມີນັກສຶກສາລາວ 55 ຄົນ ແລະ ນັກສຶກສາກຳປູເຈຍ 17 ຄົນ.
ຄຳຮຸ່ງ
