ຫວຽດ​ນາມ​ສຳ​ເລັດ​ຄວາມ​ຮັບ​ຜິດ​ຊອບ​ດຳ​ເນີນ​ຕຳ​ແໜ່ງ​ເປັນ​ປະ​ທານ​ຄະ​ນະ​ກຳ​ມະ​ການ​ອາ​ຊຽນ​ ຢູ່ ວໍ​ຊິງ​ຕັນ
	ຫວຽດ​ນາມ​ໜູນ​ຊ່ວຍ​ລາວ ປະສົບຜົນ​ສຳ​ເລັດໃນການດຳລົງ​ບົດ​ບາດ​ເປັນ​ປະ​ທານ​ອາ​ຊຽນ

ເຂົ້າ​ຮ່ວມ​ກອງ​ປະ​ຊຸມ​ສຳ​ມະ​ນາ​ ມີ​ທ່ານນາງ​ສາ​ສະ​ດາ​ຈານ - ດ​ຣ ຫງວຽນ​ຖິລານເຮອືງ, ຮອງ​ລັດ​ຖະ​ມົນ​ຕີ​ກະ​ຊວງ​ສາ​ທາ​ລະ​ນະ​ສຸກ; ທ່ານນາງ Angela Pratt, ຜູ້ຕາງໜ້າ WHO ປະຈຳ ຫວຽດນາມ; ທ່ານນາງ Pauline Tamesis, ຜູ້ປະສານງານອົງການສະຫະປະຊາຊາດປະຈຳຫວຽດນາມ; ທ່ານ​ນາງ Park Mihyung, ຫົວໜ້າ​ຄະນະ​ຜູ້​ແທນ IOM ປະຈຳ ຫວຽດນາມ.

ກອງປະຊຸມໄດ້ດຶງດູດການນຳ, ນັກຊ່ຽວຊານ ແລະ ນັກຮຽນຮູ້ຢູ່ພາຍໃນ ແລະ ນອກຂະແໜງສາທາລະນະສຸກກວ່າ 160 ທ່ານ ທີ່ມາຈາກບັນດາປະເທດສະມາຊິກ ອາຊຽນ ເຂົ້າຮ່ວມແບບທາງໄກ ແລະ ເຊິ່ງໜ້າ. ກອງປະຊຸມສຳມະນາໂດຍກະຊວງສາທາລະນະສຸກ ຫວຽດນາມ ສົມທົບກັບຄະນະເລຂາ ອາຊຽນ ຈັດຂຶ້ນ, ດ້ວຍການໜູນຊ່ວຍຂອງອົງການຈັດຕັ້ງສາກົນເພື່ອການເຄື່ອນຍ້າຍຖິ່ນຖານ (IOM) ແລະ ອົງການອະນາໄມໂລກ (WHO).

ທ່ານນາງ​ສາ​ສະ​ດາ​ຈານ - ດ​ຣ ຫງວຽນ​ຖິລານເຮອືງ, ຮອງ​ລັດ​ຖະ​ມົນ​ຕີ​ກະ​ຊວງ​ສາ​ທາ​ລະ​ນະ​ສຸກ

ກ່າວຄຳເຫັນຢູ່ທີ່ນີ້, ທ່ານນາງຮອງລັດຖະມົນຕີກະຊວງສາທາລະນະສຸກ ຫວຽດນາມ ຫງວຽນທິລຽນເຮືອງ ເນັ້ນໜັກວ່າ, ກອງປະຊຸມສຳມະນານີ້ແມ່ນກາລະໂອກາດທີ່ດີໃຫ້ແກ່ບັນດາປະເທດສະມາຊິກ ອາຊຽນ ພ້ອມກັນສັງເກດສະພາບການຕົວຈິງ ແລະ ທ່າອ່ຽງອົບພະຍົບໃນພາກພື້ນ ແລະ ໃນໂລກ, ກໍ່ຄືຜົນກະທົບຂອງມັນຕໍ່ການພັດທະນາເສດຖະກິດ - ສັງຄົມ. ຫວຽດນາມ ແລະ IOM ສະໜັບສະໜູນການເພີ່ມທະວີການຮ່ວມມືໃນພາກພື້ນ ເພື່ອຍົກສູງສຸຂະພາບໃຫ້ແກ່ຊາວອົບພະຍົບ.

ສ່ວນທ່ານນາງ Park Mihyung, ຫົວໜ້າຄະນະຜູ້ຕາງໜ້າ IOM ປະຈຳ ຫວຽດນາມ, ໄດ້ຊົມເຊີຍການຮ່ວມມືລະຫວ່າງ IOM ແລະ ກະຊວງສາທາລະນະສຸກ. ຕາມທ່ານນາງ Park Mihyung ແລ້ວ, ໃນໂລກທີ່ຂະຫຍັນຂັນເຄື່ອນ ພ້ອມກັບຄວາມຕ້ອງການໄປມາທີ່ນັບມື້ນັບສູງຂອງມະນຸດ, ການຮ່ວມມື ແລະ ການພົວພັນຄູ່ຮ່ວມມືຢູ່ພາກພື້ນແມ່ນບັນດາປັດໄຈສຳຄັນ ເພື່ອຍົກສູງສຸຂະພາບ, ການດຳລົງຊີວິດໃຫ້ແກ່ຊາວອົບພະຍົບ.