ຫວຽດນາມສຳເລັດຄວາມຮັບຜິດຊອບດຳເນີນຕຳແໜ່ງເປັນປະທານຄະນະກຳມະການອາຊຽນ ຢູ່ ວໍຊິງຕັນ

07:50 | 20/12/2022

ທ່ານເອກອັກຄະລັດຖະທູດ ຫງວຽນກວັກຢຸງ ເປັນປະທານກອງປະຊຸມຄະນະກຳມະການອາຊຽນ ຢູ່ ວໍຊິງຕັນ ACW ແລະ ງານລ້ຽງເຮັດວຽກລະຫວ່າງ ACW ກັບຜູ້ຕາງໜ້າສະພາຄວາມໝັ້ນຄົງແຫ່ງຊາດ ແລະ ກະຊວງການຕ່າງປະເທດ ອາເມລິກາ.

	ສ້າງປະຊາຄົມຊາວຫວຽດນາມ ອາໄສຢູ່ຕ່າງປະເທດ ມີສະຖຽນລະພາບ, ພັດທະນາ, ເຊື່ອມເຊື່ອມໂຍງຢ່າງສຳເລັດຜົນ
	ຫວຽດນາມ ຢັ້ງຢືນຫຼັກໝັ້ນປັບປຸງຄວາມສາມັກຄີ, ເປັນເອກະພາບ ແລະ ບົດບາດເປັນໃຈກາງຂອງ ອາຊຽນ

ຫວຽດນາມສຳເລັດຄວາມຮັບຜິດຊອບດຳເນີນຕຳແໜ່ງເປັນປະທານຄະນະກຳມະການອາຊຽນ ຢູ່ ວໍຊິງຕັນ

ບັນດາປະເທດສະມາຊິກອາຊຽນສະແດງຄວາມຊົມເຊີຍຕໍ່ເລື່ອງຫວຽດນາມດຳລົງສຳເລັດຕຳແໜ່ງເປັນປະທານ ACW

ບັນດາການເຄື່ອນໄຫວມີການເຂົ້າຮ່ວມຂອງເອກອັກຄະລັດຖະທູດ, ອຸປະທູດບັນດາປະເທດ ອາຊຽນ, ຜູ້ປະສານງານມະຫາສະໝຸດອິນເດຍ - ປາຊີຟິກ Kurt Campbell , ທ່ານນາງ Melissa Brown ຮອງຜູ້ຊ່ວຍວຽກລັດຖະມົນຕີກະຊວງການຕ່າງປະເທດ ພ້ອມກັບເຈົ້າໜ້າທີ່ບາງທ່ານຂອງສະມາຄວາມໝັ້ນຄົງແຫ່ງຊາດ ແລະ ກະຊວງການຕ່າງປະເທດ ອາເມລິກາ.

ໃນຂອບເຂດ ACW, ບັນດາປະເທດ ອາຊຽນ ໄດ້ສະແດງຄວາມຊົມເຊີຍຕໍ່ ຫວຽດນາມ ເມື່ອຮັບດຳລົງສຳເລັດອາຍຸການເປັນປະທານ ACW ນັບແຕ່ເດືອນກັນຍາ ຫາ ເດືອນທັນວາ 2022, ສະແດງຄວາມເພິ່ງພໍໃຈຕໍ່ອາຍຸການຂອງ ຫວຽດນາມ, ຄະນະກຳມະການສືບຕໍ່ມີຫຼາຍການເຄື່ອນໄຫວທີ່ອຸດົມສົມບູນ ແລະ ແທດຈິງ, ປະກອບສ່ວນຢ່າງມີປະສິດທິຜົນໃຫ້ແກ່ການພົວພັນຄູ່ຮ່ວມມື ອາຊຽນ - ອາເມລິກາ ແລະ ຍົກສູງພາບພົດ, ອິດທິພົນຊື່ສຽງຂອງ ອາຊຽນ ຢູ່ ອາເມລິກາ.

ດ້ວຍອຳນາດການປົກຄອງ, ບັນດາການປຶກສາຫາລືລະຫວ່າງ ACW ແລະ ສະພາຄວາມໝັ້ນຄົງ ແຫ່ງຊາດ ແລະ ກະຊວງການຕ່າງປະເທດ ຈະສືບຕໍ່ຈັດຕັ້ງເປັນປະຈຳເພື່ອແລກປ່ຽນຂໍ້ມູນ ແລະ ປຶກສາຫາລືວຽກງານກະກຽມໃຫ້ແກ່ບັນດາການເຄື່ອນໄຫວຂອງການນຳຂັ້ນສູງ.

ພິເສດ, ຄະນະກຳມະການໄດ້ຈັດຕັ້ງ ແລະ ເຮັດວຽກກັບທ່ານເລຂາທິການໃຫຍ່ ອາຊຽນ Lim Jock Hoi, ກໍ່ຄືປຶກສາຫາລືລະຫວ່າງບັນດາຄະນະກຳມະການ, ທ່ານເລຂາທິການໃຫຍ່ ກັບສະພາຄວາມໝັ້ນຄົງ ແລະ ກະຊວງການຕ່າງປະເທດ.

ກ່າວຄຳເຫັນທີ່ກອງປະຊຸມ, ທ່ານເອກອັກຄະລັດຖະທູດ ຫງວຽນກວັກຢຸງ ໄດ້ສະແດງຄວາມຂອບອົກຂອບໃຈ ຕໍ່ສະຖານທູດ ບັນດາປະເທດ ອາຊຽນ, ບັນດາຄູ່ຮ່ວມມືອາເມລິກາ ໄດ້ສະໜັບສະໜູນ ແລະ ໜູນຊ່ວຍ ຫວຽດນາມ ປະຕິບັດສຳລັດອາຍຸການດຳລົງຕຳແໜ່ງເປັນປະທານ ACW.

ໂດຍຮັບຮູ້ບັນດາຄວາມຄືບໜ້າຢ່າງແຮງໃນການພົວພັນຄູ່ຮ່ວມມື ລະຫວ່າງ ອາຊຽນ - ອາເມລິກາ, ທ່ານເອກອັກຄະລັດຖະທູດ ຫງວຽນກວັກຢຸງ ໄດ້ຕີລາຄາວ່າ ການຮ່ວມມືສອງຝ່າຍມີຄວາມສາມາດບົ່ມຊ້ອນຫຼາຍຢ່າງ, ໃນສະພາບການອາຊຽນ ພວມຮີບດ່ວນປະຕິບັດສຳເລັດວິໄສທັດ 2025 ແລະ ກະກຽມກໍ່ສ້າງວິໄສທັດ ແລະ ແຜນການພັດທະນາໃໝ່, ທ່ານເອກອັກຄະລັດຖະທູດ ສະເໜີວ່າ ອາເມລິກາ ສືບຕໍ່ສະໜັບສະໜູນ ແລະ ໜູນຊ່ວຍ ອາຊຽນ ໃນການກໍ່ສ້າງປະຊາຄົມ, ກໍ່ຄືສະໜັບສະໜູນ ບັນດາຄວາມມານະພະຍາຍາມຂອງ ອາຊຽນເພື່ອແນໃສ່ຮັກສາສັນຕິພາບ, ຄວາມໝັ້ນຄົງ ແລະ ພັດທະນາຢູ່ພາກພື້ນ.

ບຸນຄົງ