ຫວ່າງແລ້ວນີ້, ຢູ່ຮ່າໂນ້ຍ, ກະຊວງຕຳຫຼວດຫວຽດນາມ ໄດ້ສົມທົບກັບກະຊວງພາຍໃນອັງກິດ ຈັດຕັ້ງການເຈລະຈາກ່ຽວກັບການ ອົບພະຍົບ ແລະ ການເຂົ້າ-ອອກເມືອງລະຫວ່າງ ຫວຽດນາມ-ອັງກິດ ຄັ້ງທີ 1.
ທ່ານພົນໂທ ເລືອງຕາມກວາງ ຮອງລັດຖະມົນຕີກະຊວງຕໍາຫຼວດຫວຽດນາມ ແລະ ທ່ານ Matthew Cycroft ຮອງລັດຖະມົນຕີກະຊວງພາຍໃນອັງກິດ ເປັນປະທານຮ່ວມການເຈລະຈາ.
 |
| ທ່ານພົນໂທ ເລືອງຕາມກວາງ ຮອງລັດຖະມົນຕີກະຊວງຕໍາຫຼວດຫວຽດນາມ ແລະ ທ່ານ Matthew Cycroft ຮອງລັດຖະມົນຕີກະຊວງພາຍໃນອັງກິດ.ພາບ: ສະຖານທູດອັງກິດ |
ທີ່ການເຈລະຈາ, ສອງຝ່າຍໄດ້ແລກປ່ຽນ, ປຶກສາຫາລື ແລະ ເຫັນດີເປັນ ເອກະພາບບັນດາບັນຫາໂຄສະນາສື່ສານກ່ຽວກັບການເຂົ້າ-ອອກເມືອງ ແລະ ການອົບພະຍົບຢ່າງປອດໄພ, ຖືກຕ້ອງຕາມກົດໝາຍ; ບັນດາບັນຫາກ່ຽວຂ້ອງ ເຖິງການກັບຄືນບ້ານເກີດເມືອງນອນ; ນະໂຍບາຍໃໝ່ກ່ຽວກັບການເຂົ້າ-ອອກເມືອງ; ການສະກັດກັ້ນ ແລະ ຕ້ານການຄ້າມະນຸດ…
ສອງຝ່າຍຍົກອອກມາດຕະການຕ່າງໆເພື່ອແນໃສ່ສະກັດກັ້ນການເຂົ້າ-ອອກເມືອງ, ການອົບພະຍົບແບບຜິດກົດໝາຍ, ສົ່ງເສີມການເຂົ້າ-ອອກເມືອງຢ່າງ ປອດໄພ, ຖືກຕ້ອງຕາມກົດໝາຍຜ່ານການເຄື່ອນໄຫວໂຄສະນາສື່ສານ, ຝຶກອົບ ຮົມຍົກສູງກໍາລັງຄວາມສາມາດການເຂົ້າ-ອອກເມືອງ ແລະ ແລກປ່ຽນຂໍ້ມູນຂ່າວສານ; ສືບຕໍ່ຮັກສາ ແລະ ຍົກສູງປະສິດທິຜົນການພົວພັນຮ່ວມມືຢ່າງແໜ້ນແຟ້ນໃນວຽກງານ ກັບຄືນບ້ານເກີດເມືອງນອນ.
ໃນຊຸມປີຜ່ານມາ, ການພົວພັນຮ່ວມມືລະຫວ່າງຫວຽດນາມ ແລະ ອັງກິດ ໄດ້ພັດທະນາຢ່າງບໍ່ຢຸດຢັ້ງໃນຫລາຍຂົງເຂດຄື. ປະຈຸບັນ ອັງກິດ ແມ່ນຄູ່ຮ່ວມມືຍຸດທະສາດສຳຄັນ ແລະ ເຊື່ອໝັ້ນຂອງຫວຽດນາມ.
ໃນຂົງເຂດປ້ອງກັນຄວາມສະຫງົບ, ການນຳ 2 ຝ່າຍເປັນປະຈຳການໂອ້ລົມສົນທະນາ ແລະ ແລກປ່ຽນຄະນະຜູ້ແທນຂັ້ນສູງເພື່ອແລກປ່ຽນປະສົບການ, ເພີ່ມທະວີການຮ່ວມມືປ້ອງກັນ, ຕ້ານອາດຊະຍາກຳຂ້າມຊາດ, ໃນນັ້ນມີອາດຊະຍາກຳກ່ຽວກັບຄົນເຂົ້າເມືອງ, ການເຂົ້າເມືອງຜິດກົດໝາຍ ແລະ ການຄ້າມະນຸດ ຊຸກຍູ້ການຮ່ວມມືລະຫວ່າງຫວຽດນາມ ແລະ ອັງກິດ ເວົ້າລວມ ແລະ ການພົວພັນລະຫວ່າງກະຊວງຕຳຫຼວດ ຫວຽດນາມ ແລະ ກະຊວງພາຍໃນ ອັງກິດ ເວົ້າສະເພາະ.
ບູນມີ
