| ຫວຽດນາມ - ລາວ ເພີ່ມທະວີການຮ່ວມມື ແລະ ແລກປ່ຽນບົດຮຽນໃນການຄຸ້ມຄອງລັດດ້ານສາສະໜາ | |
| ສ້າງເງື່ອນໄຂສະດວກໃຫ້ວິສາຫະກິດ ຢູ່ຕາແສງ ຕວຽນຮວາ ແລະ ນາກາຍ ໃນການຜະລິດ, ແລກປ່ຽນການຄ້າ |
ວັນທີ 19 ມິຖຸນານີ້, ຢູ່ນະຄອນຫຼວງວຽງຈັນ, ກອງປະຊຸມຄັ້ງທີ 28 ລະຫວ່າງຄະນະປະຕິບັດງານພິເສດລັດຖະບານ ສາທາລະນະລັດ ສັງຄົມນິຍົມ ຫວຽດນາມ ແລະ ຄະນະປະຕິບັດງານພິເສດລັດຖະບານ ສາທາລະນະລັດ ປະຊາທິປະໄຕ ປະຊາຊົນລາວ ກ່ຽວກັບການສືບຕໍ່ຊອກຄົ້ນ, ທ້ອນໂຮມ ແລະ ສົ່ງອັດຖິຂອງທະຫານ ແລະ ບັນດານັກຊ່ຽວຊານອາສາສະໝັກຫວຽດນາມ ທີ່ເສຍສະຫຼະຊີວິດຢູ່ ລາວໃນສະໄໝສົງຄາມ.
ສອງຝ່າຍໄດ້ຕີລາຄາສູງບັນດາໝາກຜົນທີ່ບັນລຸໄດ້ ຕາມເນື້ອໃນທີ່ໄດ້ວາງອອກໃນກອງປະຊຸມຄັ້ງທີ 27, ໂດຍເນັ້ນໜັກວ່າ ເຖິງວ່າເງື່ອນໄຂຂໍ້ມູນຂ່າວສານກ່ຽວກັບສະຖານທີ່ຝັງສົບນັກຮົບເສຍສະຫຼະຊີວິດເພື່ອຊາດ ນັບມື້ນັບຫຍຸ້ງຍາກກໍ່ຕາມ, ແຕ່ວຽກງານຊອກຄົ້ນ, ທ້ອນໂຮມອັັດຖິນັກຮົບ, ຊ່ຽວຊານຫວຽດນາມ ທີ່ເສຍສະຫຼະຊີວິດເພື່ອຊາດຢູ່ໃນລາວ ໃນສົງຄາມ ແມ່ນຍັງໄດ້ປະຕິບັດຢ່າງເຂັ້ມງວດ ແລະ ມີປະສິດທິຜົນ.
ໃນລະດູແລ້ງ 2022-2023, ບັນດາໜ່ວຍງານຂອງຫວຽດນາມ ໄດ້ຊອກຫາ, ທ້ອນໂຮມອັດຖິຂອງທະຫານ ແລະ ຊ່ຽວຊານອາສາສະໝັກ ຫວຽດນາມ 194 ຄົນທີ່ເສຍສະຫຼະຊີວິດຢູ່ລາວ, ໃນນັ້ນມີ 10 ຄົນມີຂໍ້ມູນຊື່ ແລະ ບ້ານເກີດ. Mùa khô 2022-2023.
 |
ສອງຝ່າຍຢືນຢັນວ່າ ຄະນະປະຕິບັດງານພິເສດຂອງລັດຖະບານ ແລະ ອຳນາດການປົກຄອງທຸກຂັ້ນຂອງ 2 ປະເທດ ໄດ້ສົມທົບກັນເປັນປະຈຳຢ່າງແໜ້ນແຟ້ນ ແລະ ທັນການ ໃນການແກ້ໄຂຄວາມຫຍຸ້ງຍາກໃນການຈັດຕັ້ງປະຕິບັດວຽກງານຊອກຄົ້ນ ແລະ ສົ່ງອັດຖິຂອງຜູ້ເສຍສະຫຼະຊີວິດເພື່ອຊາດກັບເມືອບ້ານເກີດ.
ນອກນີ້, ສອງຝ່າຍກໍ່ຈະໂຄສະນາເຜີຍແຜ່ ແລະ ຂົນຂວາຍປະຊາຊົນສອງປະເທດ ສະໜອງຂໍ້ມູນຂ່າວກ່ຽວກັບນັກຮົບເສຍສະຫຼະຊີວິດເພື່ອຊາດ, ນັກຮົບອາສາສະໝັກ ແລະ ນັກຊ່ຽວຊານຫວຽດນາມທີ່ເສຍສະຫຼະຊີວິດໃນສົງຄາມຢູ່ລາວ.…
ສິ້ນສຸດກອງປະຊຸມ, ສອງຝ່າຍໄດ້ລົງນາມໃນບົດບັນທຶກກອງປະຊຸມຄັ້ງທີ 28, ສົມທົບກັນຈັດຕັ້ງພິທີມອບລາງວັນໃຫ້ບັນດາບຸກຄົນ ແລະ $ູ່ຄະນະທີ່ມີຜົນງານດີເດັ່ນໃນການປະສານສົມທົບ, ຊີ້ນຳ ແລະ ເຂົ້າຮ່ວມການເຄື່ອນໄຫວຊອກຫາອັດຖິທະຫານອາສາສະໝັກຫວຽດນາມ ແລະ ຊ່ຽວຊານຫວຍດນາມ ທີ່ເສຍສະຫຼະຊີວິດໃນລາວ, ໄລຍະ 2013-2020.
ຄຳຮຸ່ງ
