| ເວທີປາໄສການເຊື່ອມຕຈອດຊຸກຍູ້ການລົງທຶນ, ການຄ້າ ແລະ ການທ່ອງທ່ຽວ ລາວ-ຫວຽດນາມ-ໄທ | |
| ຊຸກຍູ້ການລົງທຶນ ແລະ ການຄ້າ ຫວຽດນາມ - ກຳປູເຈຍ |
ຕາມນັ້ນແລ້ວ, 2 ຝ່າຍຈະຊຸກຍູ້ ແລະ ສ້າງເງື່ອນໄຂສະດວກໃຫ້ບັນດາວິສາຫະກິດ ລົງທຶນຜະລິດ, ດຳເນີນທຸລະກິດ ແລະ ການຄ້າລະຫວ່າງ 2 ເມືອງ, ປະກອບສ່ວນກໍ່ສ້າງສາຍພົວພັນມິດຕະພາບທີ່ເປັນມູນເຊື້ອໃຫ້ນັບມື້ນັບສວຍສົດງົດງາມ, ມີຄວາມສາມັກຄີ ແລະ ພັດທະນາ.
 |
ສ້າງເງື່ອນໄຂສະດວກໃຫ້ວິສາຫະກິດ ຢູ່ຕາແສງ ຕວຽນຮວາ ແລະ ນາກາຍ ໃນການຜະລິດ, ແລກປ່ຽນການຄ້າ. |
ໃນບົດບັນທຶກຊ່ວຍຈຳ, 2 ຝ່າຍໄດ້ເຫັນດີເປັນເອກະພາບກັນ: ເພີ່ມທະວີການຮ່ວມມືພັດທະນາ, ຮັບປະກັນຄວາມປອດໄພຢູ່ເຂດຊາຍແດນ, ບົນຈິດໃຈມິດຕະພາບ, ຄວາມສາມັກຄີ ແລະ ການຮ່ວມມືຮອບດ້ານລະຫວ່າງ 2 ເມືອງ ຕວຽນຮວາ - ນາກາຍ; ປະຕິບັດອະນຸສັນຍາກ່ຽວກັບເສັ້ນຊາຍແດນຫວຽດນາມ - ລາວ, ສັນຍາວ່າດ້ວຍລະບຽບການຄຸ້ມຄອງຊາຍແດນ ແລະ ດ່ານຊາຍແດນທາງບົກ ລະຫວ່າງລັດຖະບານ 2 ປະເທດ, ສັນຍາວ່າດ້ວຍການແກ້ໄຂບັນຫາການອົບພະຍົບຢ່າງເສລີ ແລະ ການແຕ່ງງານທີ່ບໍ່ມີທະບຽນແຕ່ງງານຢູ່ເຂດຊາຍແດນ ຫວຽດນາມ-ລາວ.
ທ່ານ ຫງວຽນຮວ່າຍນາມ, ເລຂາຄະນະພັກເມືອງ ຕວຽນຮວາ ປາດຖະໜາວ່າ ໃນໄລຍະຈະມາເຖິງ, 2 ເມືອງ ຈະສືບຕໍ່ດຳເນີນການພົບປະເຈລະຈາໃນທຸກໆ 2 ປີ ເພື່ອປຶກສາຫາລືກ່ຽວກັບສະພາບການຂອງ 2 ຝ່າຍ; ໂຄສະນາເຜີຍແຜ່ການສຶກສາ ກ່ຽວກັບຮີດຄອງປະເພນີຂອງການຮ່ວມມື ແລະ ມິດຕະພາບອັນພິເສດລະຫວ່າງສອງພັກ, ສອງລັດ ແລະ ປະຊາຊົນສອງປະເທດ ຫວຽດນາມ - ລາວ ເວົ້າລວມ, ແລະ ເສີມຂະຫຍາຍບັນດາຄຸນຄ່າວັດທະນະທຳ, ປະຫວັດສາດ, ຄວາມສາມາດບົ່ມຊ້ອນດ້ານການທ່ອງທ່ຽວ, ການຮ່ວມມືດ້ານການລົງທຶນລະຫວ່າງ 2 ເມືອງ ຕວຽນຮວາ - ນາກາຍ ເວົ້າສະເພາະ.
2 ທ້ອງຖິ່ນກໍ່ເຫັນດີສືບຕໍ່ເພີ່ມທະວີການຮ່ວມມື ແລະ ແລກປ່ຽນຂໍ້ມູນຂ່າວສານ, ແກ້ໄຂສະພາບການທີ່ເກີດຂຶ້ນແບບກະທັນຫັນ ແລະ ຄວາມສັບສົນທີ່ເກີດຂຶ້ນຢູ່ເຂດຊາຍແດນຮ່ວມຢ່າງທັນການ. ພ້ອມກັນນັ້ນ, ກໍ່ຊຸກຍູ້ ແລະ ສ້າງເງື່ອນໄຂສະດວກໃຫ້ບັນດາວິສາຫະກິດລົງທຶນທຳການຜະລິດ, ດຳເນີນທຸລະກິດ ແລະ ແລກປ່ຽນການຄ້າລະຫວ່າງ 2 ເມືອງ, ປະກອບສ່ວນກໍ່ສ້າງສາຍພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີແບບພິເສດ ແລະ ພັດທະນາ.
ຄຳຮຸ່ງ
