| ສາສະໜາພຸດ: ສາດສະໜາ ມີຄວາມສຳພັນກັບຊີວິດຂອງຄົນລາວ | |
| ກອງປະຊຸມກ່ຽວກັບເສລີພາບໃນການເຊື່ອຖື ແລະ ສາສະໜາ ລະຫວ່າງລາວ - ຫວຽດນາມ |
ທີ່ການພົບປະເຈລະຈາ, ສອງຝ່າຍຕີລາຄາສູງສາຍພົວພັນສາມັກຄີທີ່ເປັນມູນເຊື້ອແບບພິເສດ ທີ່ໄດ້ຮັບການເພີ່ມພູນຄູນສ້າງໂດຍການນຳ ແລະ ປະຊາຊົນສອງປະເທດຫຼາຍລຸ້ນຄົນ, ກາຍເປັນຊັບສົມບັດອັນລ້ຳຄ່າ. ສອງຝ່າຍໄດ້ແຈ້ງໃຫ້ກັນຊາບກ່ຽວກັບສະພາບການທົ່ວໄປຂອງແຕ່ລະປະເທດ; ແລກປ່ຽນສະພາບການສາສະຫນາ, ບົດຮຽນປະສົບການໃນການຄຸ້ມຄອງລັດດ້ານສາສະຫນາ, ໝາກຜົນແຫ່ງການຜັນຂະຫຍາຍຂໍ້ຕົກລົງຮ່ວມມືດ້ານສາສະໜາ ແລະ ທິດທາງການຮ່ວມມືໃນໄລຍະຈະມາເຖິງ.
ທັງສອງຝ່າຍຮັບຮູ້ການຈັດຕັ້ງປະຕິບັດຂໍ້ຕົກລົງຮ່ວມມືທີ່ບັນລຸໄດ້ໝາກຜົນໃດໜຶ່ງທີ່ແນ່ນອນ ໂດຍຜ່ານການແລກປ່ຽນຄະນະຜູ້ແທນ, ການຮ່ວມມືໃນການບຳລຸງພະນັກງານທີ່ເນັດວຽກໃນວຽກງານສາສະໜາ, ສົມທົບກັນຈັດຕັ້ງກອງປະຊຸມແລກປ່ຽນປະສົບການໃນວຽກງານສາສະໜາ ລະຫວ່າງບັນດາແຂວງເຂດຊາຍແດນຫວຽດນາມ - ລາວ ຢ່າງສຳເລັດຜົນ; ສ້າງເງື່ອນໄຂສະດວກໃຫ້ແກ່ອົງການພຸດທະສາສະໜາຂອງສອງປະເທດເພີ່ມທະວີການແລກປ່ຽນ ແລະ ການຮ່ວມມື.
 |
ຫວຽດນາມ - ລາວ ເພີ່ມທະວີການຮ່ວມມື ແລະ ແລກປ່ຽນບົດຮຽນໃນການຄຸ້ມຄອງລັດດ້ານສາສະໜາ |
ຕາມທ່ານຮອງລັດຖະມົນຕີກະຊວງພາຍໃນ ວຸຈຽນທັ໋ງ ແລ້ວ, ໃນສະຖານະການພາຍໃນ ແລະ ໂລກທີ່ມີຄວາມຫຍຸ້ງຍາກ ແລະ ເສຍຜົນປະໂຫຍດ, ພັກ ແລະ ລັດຖະບານຫວຽດນາມ ໄດ້ຊີ້ນຳຢ່າງຂ້ຽວຂາດ ເພື່ອແກ້ໄຂຄວາມຫຍຸ້ງຍາກ,ກະຕຸ້ນການພັດທະນາເສດຖະກິດ, ຮັບປະກັນຊີວິດສັງຄົມ, ຮັກສາການປ້ອງກັນຊາດ, ຄວາມໝັ້ນຄົງເຂັ້ມແຂງ. ປະຊາຊົນເຊື່ອໝັ້ນການນຳພາຂອງພັກ ແລະ ລັດຖະບານ, ບໍ່ເກີດມີບັນຫາສັບສົນດ້ານຄວາມໝັ້ນຄົງ ແລະ ຄວາມເປັນລະບຽບຮຽບຮ້ອຍ.
ທ່ານຮອງປະທານຄະນະກຳມະການສູນກາງແນວລາວສ້າງຊາດ ຈັນເພັງ ສຸດທິວົງ ໃຫ້ຮູ້ໂດຍພື້ນຖານບັນດາ ອົງການຈັດຕັ້ງທາງສາສະໜາ ແລະ ສາສະນິກະຊົນປະຕິບັດຕາມຂໍ້ກຳນົດກົດໝາຍ, ບໍ່ມີການແບ່ງແຍກທາງສາສະຫນາ. ບັນດາສາສະໜາພ້ອມກັນເຂົ້າຮ່ວມການຊ່ວຍເຫຼືອສັງຄົມ, ຮັກສາວັດທະນະທຳອັນດີງາມຂອງຊາດລາວ.
ໂດຍປະຕິບັດຕົກລົງກັນຮ່ວມມືໃນຂົງເຂດສາສະໜາ, ໃນໄລຍະຈະມາເຖິງ ,ກະຊວງພາຍໃນ (ຄະນະສາສະໜາລັດຖະບານ) ເເລະ ຄະນະກຳມະການສູນກາງແນວລາວສ້າງຊາດ ຈະເພີ່ມທະວີການແລກປ່ຽນຄະນະຜູ້ແທນ, ການຮ່ວມມືດ້ານການຝຶກອົບຮົມ ແລະ ບຳລຸງສ້າງພະນັກງານໃນຂົງເຂດວຽກງານສາສະໜາ, ສະໜັບສະໜູນສະມາຄົມພຸດທະສາສະໜາຂອງສອງປະເທດໃນການເຄື່ອນໄຫວທາງສາສະໜາ.
ດີງເລື້ອງ
