ທີ່ກອງປະຊຸມ, ສອງຝ່າຍໄດ້ຮັບຮູ້ ແລະ ຕີລາຄາການຈັດຕັ້ງປະຕິບັດຂໍ້ຕົກລົງການຮ່ວມມືໃນໄລຍະທີ່ຜ່ານມາ ທີ່ໄດ້ບັນລຸໝາກຜົນ ໂດຍຜ່ານການເຄື່ອນໄຫວແລກປ່ຽນສະຫະພັນ, ປະສານສົມທົບແລກປ່ຽນປະສົບການ, ວຽກງານສາສະໜາ ລະຫວ່າງບັນດາແຂວງແບ່ງປັນເຂດຊາຍແດນຫວຽດນາມ - ລາວ, ສ້າງເງື່ອນໄຂໃຫ້ພຸດທະສາສະໜາ ຂອງສອງປະເທດ ໄດ້ເພີ່ມທະວີການແລກປ່ຽນ ແລະ ການຮ່ວມມື.
 |
ຫົວໜ້າຄະນະສາສະໜາ ລັດຖະບານ ຫວຽດນາມ ວູ໋ຈຽນທັ໋ງ ແລະ ຮອງປະທານ ຄະນະກຳມະການສູນກາງແນວລາວສ້າງຊາດ Som Ock Kingsada ທີ່ກອງປະຊຸມ
ຜົນສຳເລັດຂອງການປະຕິບັດບັນດາການເຄື່ອນໄຫວຮ່ວມມືລະຫວ່າງສອງຝ່າຍ ໄດ້ປະກອບສ່ວນຢ່າງແທດຈິງເຂົ້າໃນວຽກງານສາສະໜາ ຂອງແຕ່ລະປະເທດ, ສ້າງເງື່ອນໄຂໃຫ້ສອງອົງການເພີ່ມທະວີການແລກປ່ຽນຂໍ້ມູນຂ່າວສານ, ນະໂຍບາຍສາສະໜາ, ແບ່ງປັນບົດຮຽນ ກ່ຽວກັບການຄຸ້ມຄອງລັດກ່ຽວກັບສາສະໜາ ໃນສະພາບປະຈຸບັນ ເພື່ອປັບປຸງປະສິດທິຜົນຂອງການຄຸ້ມຄອງລັດກ່ຽວກັບສາສະໜາ ຫວຽດນາມ - ລາວ; ພ້ອມກັນນີ້, ຍັງປະກອບສ່ວນເຂົ້າໃນການເສີມຂະຫຍາຍສາຍພົວພັນມິດຕະພາບທີ່ເປັນມູນເຊື້ອ ແລະ ການຮ່ວມມືຮອບດ້ານ ຫວຽດນາມ - ລາວ, ຮັດແໜ້ນ ສາຍພົວພັນສະໜິດຕິດພັນລະຫວ່າງສາສະໜາພຸດຫວຽດນາມ ແລະ ສາສະໜາພຸດ ລາວ.
ຮອງປະທານ ຄະນະກຳມະການສູນກາງແນວລາວສ້າງຊາດ Som Ock Kingsada ໃຫ້ຮູ້ກ່ຽວກັບສະພາບເສດຖະກິດ, ການເມືອງ, ວັດທະນະ ທຳ - ສັງຄົມຂອງລາວ ແລະ ບາງກິດຈະກຳ ຂອງແນວລາວສ້າງຊາດໃນແຕ່ລະໄລຍະ.
ຫົວໜ້າຄະນະສາສະໜາ ລັດຖະບານ ຫວຽດນາມ ວູ໋ຈຽນທັ໋ງ ເນັ້ນໜັກວ່າ ຄະນະກຳມາທິການສາສະໜາ ຂອງລັດຖະບານຫວຽດນາມ ແລະ ຄະນະກຳມະການສູນກາງແນວລາວສ້າງຊາດ ໃຫ້ເປັນເອກະພາບເພື່ອສືບຕໍ່ເພີ່ມທະວີການເຄື່ອນໄຫວຕ່າງໆຂອງການແລກປ່ຽນຄະນະຜູ້ແທນ ແລະ ຮ່ວມມືໃນການຝຶກອົບຮົມ ທີ່ເຮັດວຽກໃນສາສະໜາ ແລະ ສະໜັບສະໜູນ ບັນດາສັງຄະສະມາຄົມພຸດທະສາສະ ຂອງສອງປະເທດໃນບັນດາການເຄື່ອນໄຫວທາງພຸດທະສາສະໜາ.
（ຄຳຮຸ່ງ）
