| ປະທານສະພາແຫ່ງຊາດ ຫວຽດນາມ ເວືອງດິ່ງເຫ້ວ ຕ້ອນຮັບທ່ານຮອງປະທານສະພາຕ່ຳ ສ.ເຊັກໂກ | |
| ຫວຽດນາມ - ກຳປູເຈຍ ຖືເປັນສຳຄັນການຊຸກຍູ້ການຮ່ວມມືດ້ານກະສິກຳ 2 ຝ່າຍ |
ຕອນບ່າຍວັນທີ 2 ມິຖຸນາ, ຢູ່ນະຄອນປາກເຊ, ແຂວງຈໍາປາສັກ, ສະຖານກົງສຸນໃຫຍ່ ສສ ຫວຽດນາມ ປະຈໍາ ປາກເຊ ໄດ້ຈັດພິທີມອບຂອງຂວັນຂອງທ່ານປະທານສະພາແຫ່ງຊາດ ເວືອງດິ່ງເຫວ້ ໃຫ້ແກ່ປະຊາຄົມຊາວຫວຽດນາມ ຢູ່ 4 ແຂວງພາກໃຕ້ຂອງລາວ (ຈໍາປາສັກ, ອັດຕະປື, ສາລະວັນ ແລະ ເຊກອງ), ເພື່ອຮັບໃຊ້ການຮຽນການສອນພາສາຫວຽດນາມ ໃຫ້ລູກຫຼານຊາວຫວຽດນາມ ທີ່ພວມຮ່ຳຮຽນຢູ່ບັນດາໂຮງຮຽນມິດຕະພາບໂດຍສະມາຄົມ ຫວຽດນາມ ກໍ່ສ້າງ ແລະ ຄຸ້ມຄອງຢູ່ພາກໃຕ້ລາວ.
ເຂົ້າຮ່ວມ ແລະ ເປັນປະທານກອງປະຊຸມມີທ່ານ ຫງວຽນວັນຈູງ, ກົງສຸນໃຫຍ່ຫວຽດນາມ ປະຈຳນະຄອນປາກເຊ; ຜູ້ຕາງໜ້າສະມາຄົມວິສາຫະກິດຫວຽດນາມ; ຜູ້ຕາງໜ້າສະມາຄົມຊາວຫວຽດນາມ ຢູ່ 4 ແຂວງພາກໃຕ້ຂອງລາວ ແລະ ຊາວຫວຽດນາມອາໄສຢູ່ 4 ແຂວງດັ່ງກ່າວ ເປັນຈຳນວນຫຼວງຫຼາຍ. ນີ້ແມ່ນຄວາມເອົາໃຈໃສ່ຂອງບັນດາການນຳພັກ, ລັດ ແລະ ໂດຍສະເພາະແມ່ນທ່ານປະທານສະພາແຫ່ງຊາດ ເວືອງດິ່ງເຫວ້ ທີ່ມີຕໍ່ປະຊາຄົມ, ຍາດຕິພີ່ນ້ອງ ແລະ ຊາວຫວຽດນາມ ອາໄສຢູ່ 4 ແຂວງພາກໃຕ້ຂອງລາວ; ເປັນສິ່ງພິສູດໃຫ້ແກ່ນະໂຍບາຍທີ່ເປັນເອກະພາບ ແລະ ລຸລ່ວງ “ພັກ ແລະ ລັດ ຫວຽດນາມ ຍາມໃດກໍ່ຖືປະຊາຄົມຊາວຫວຽດນາມ ຢູ່ຕ່າງປະເທດ ແມ່ນສ່ວນໜຶ່ງທີ່ບໍ່ສາມາດຕັດແຍກອອກຈາກຊາດ ຫວຽດນາມ ໄດ້”.
 |
ປະທານສະພາແຫ່ງຊາດ ມອບຂອງຂວັນໃຫ້ແກ່ຊາວຫວຽດນາມ ຢູ່ 4 ແຂວງພາກໃຕ້ຂອງລາວ. (ພາບ: TTXVN) |
ທີ່ພິທີ, ສະຖານກົງສຸນໃຫຍ່ ສສ.ຫວຽດນາມ ປະຈໍາ ປາກເຊ ໄດ້ມອບຂອງຂວັນ 2 ໂຕນ, ໃນນັ້ນມີຄອມພີວເຕີ 8 ເຄື່ອງ, ເຄື່ອງສາຍຮູບເງົາ (ໂປເຈັກເຕີ) 1 ໜ່ວຍ, ສໍຂາວ 400 ກ່ອງ, ປຶ້ມນິທານ 1.000 ຫົວ, ອຸປະກອນການຮຽນພາສາຫວຽດນາມ 40 ຊຸດ, ອຸປະກອນການສອນຄະນິດສາດຊັ້ນປະຖົມ 40 ຊຸດ ແລະ ກະເປົ໋ານັກຮຽນ 400 ອັນ ໃຫ້ແກ່ຊຸມຊົນຊາວຫວຽດນາມ ຢູ່ 4 ແຂວງພາກໃຕ້ລາວ.
ຜູ້ຕາງໜ້າປະຊາຄົມຊາວຫວຽດນາມຢູ່ 4 ແຂວງພາກໃຕ້ຂອງລາວ, ທ່ານ ດົ່ງກົງຢຸງ ປະທານສະມາຄົມຊາວຫວຽດນາມ ຢູ່ແຂວງຈຳປາສັກ ໄດ້ສະແດງຄວາມຂອບອົກຂອບໃຈຢ່າງເລິກເຊິ່ງ ຕໍ່ຄວາມເອົາໃຈໃສ່ຂອງພັກ ແລະ ລັດ, ພິເສດແມ່ນທ່ານປະທານສະພາແຫ່ງຊາດ ຫວຽດນາມ ເວືອງດິ່ງເຫວ້ ທີ່ໃຫ້ຄວາມຮັກແພງ ແລະ ຄວາມເອົາໃຈໃສ່ເຖິງການພັດທະນາຂອງຊາວຫວຽດນາມ ທີ່ອາໄສຢູ່ພາກໃຕ້ຂອງລາວ; ສັນຍາວ່າຈະນຳໃຊ້ຂອງຂວັນທີ່ກ່າວມາຂ້າງເທິງນີ້ ເພື່ອຈຸດປະສົງທີ່ຖືກຕ້ອງ ແລະ ມີປະສິດທິຜົນ.
ຄຳຮຸ່ງ
