ເຖິງວ່າສະພາບອາກາດຈະບໍ່ເອື້ອອຳນວຍປານໃດ, ແຕ່ໃນງານສັບປະດາດັ່ງກ່າວທີ່ໄດ້ຈັດຂື້ນຢູ່ ສະໂມສອນຂອງໂຮງຮຽນ ມີບ່ອນນັ່ງເກືອບ 1.000 ແມ່ນເຕັມໜົດ ດ້ວຍແຂກຕ່າງປະເທດ, ພໍ່ແມ່ປະຊາຊົນຊາວ Oita , ບັນດາຊາວໜຸ່ມ-ນ້ອງນັກຮຽນຫວຽດນາມ ທີ່ກຳລັງດຳລົງຊີວິດ ແລະ ຮ່ຳຮຽນຢູ່ ແຂວງ Oita ແລະ ແຂວງອ້ອມຂ້າງ.
 |
ລະຄອນເວທີ ໃນຫົວຂໍ້ "ຄວາມລັບຂອງສວນ ເລະຈີ" ຫວຽດນາມ.
ວັນສັບປະດາ ວັດທະນະທຳ ຄັ້ງນີ້ປະກອບມີ ການໂຄສະນາເຜີຍແຜ່ດ້ານວັດທະນະທຳ, ສິລະປະ, ອາຫານທີ່ເປັນເອກກະລັກຊົນເຜົ່າຄື: ລາຍການ ບຸນບ້ານ, ຂະບວນແຫ່ອ້ອມຮອບເດີ່ນໂຮງຮຽນ, ລາຍການ ຮ່າໂນ້ຍ-ທັງລອງ, ແນະນຳອາຫານຫວຽດນາມ, ການຫຼິ້ນແບບພື້ນເມືອງ… ຈຸດທີ່ພິເສດຂອງກິດຈະກຳແມ່ນ ລະຄອນເວທີພາກຄ່ຳໃນຫົວຂໍ້ “ຄວາມລັບຂອງ ສວນ ເລະຈີ”.
ລະຄອນເວທີ ເຕົ້າໂຮມເອົາບັນນັກຮຽນຈາກບັນດາປະເທດຕ່າງໆ ປະມານ 200 ຄົນ, ແນະນຳຕໍ່ເພື່ອນບ້ານຜູ້ຊົມ ຢີປຸ່ນກ່ຽວກັບປະເທດ, ປະຊາຊົນ ແລະ ວັດທະນະທຳຫວຽດນາມ ຜ່ານລາຍການສະແດງອັນເກົ່າແກ່ ແລະ ທັນສະໄໝ ບໍ່ວ່າຈະເປັນ: ການເດີນແບບ(ແຟຊັ້ນໂຊ) ໂດຍງານການອອກແບບຂອງ ນັກອອກແບບທີ່ໂດ່ງດັງ - ເລທິລານເຮືອງ , ບົດຟ້ອນແບບພະລາດຊະວັງ, ບົດຟ້ອນແພໄໝ, ລຳມວຍຕ່າງໆ…
 |
ຄະນະກຳມະການຈັດງານໄດ້ໃຫ້ຮູ້ວ່າຈະກະກຽມໃຫ້ແກ່ບັນດາກິດຈະກຳດັ່ງກ່າວແມ່ນກິນເວລາປະມານ 1ປີ ດ້ວຍການປະກອບສ່ວນຊ່ວຍເຫຼືອຈາກຫຼາຍອົງການຈັດຕັ້ງ ແລະ ຄວາມມານະພະຍາຍາມຂອງນັກຮຽນຫວຽດນາມໝົດທຸກຄົນ ຢູ່ ມະຫາວິທະຍາໄລ APU. ວັນສັບປະດານີ້ໄດ້ສ້າງຄວາມປະທັບໃຈອັນດີງາມ ໃຫ້ແກ່ບັນດານັກຮຽນສາກົນຫຼາຍພັນຄົນ ແລະ ປະຊາຊົນທ້ອງຖິ່ນ ປະກອບເຂົ້າໃນການເພີ່ມທະວີການແລກປ່ຽນລະຫວ່າງ ປະຊາຊົນຂອງສອງປະເທດ ແລະ ເຮັດໃຫ້ສາຍພົວພັນຮ່ວມມືຍຸດທະສາດ ມີຄວາມເລິກເຊິ່ງ ກ້ວາຂວາງ ລະຫວ່າງຫວຽດນາມ ແລະ ຢີປຸ່ນ.
 |
ສິນລະປະບົດຟ້ອນທີ່ເພື່ອນບ້ານສາກົນໃຫ້ຄວາມສົນໃຈ.
ມະຫາວິທະຍາໄລ Ritsumeikan ອາຊີ- ຕາເວັນອອກສ່ຽງໃຕ້ ສ້າງຕັ້ງຂື້ນໃນປີ 200 ຢູ່ແຂວງ Oita ປະເທດ ຢີປຸ່ນ ແມ່ນໜຶ່ງໃນມະຫາວິທະຍາໄລ ສາກົນ ທີ່ມີແນວທາງນະໂຍບາຍ ເຊື່ອມໂຍງສາກົນ ປະສົບຜົນສຳເລັດທີ່ສຸດ ຢູ່ ຢີປຸ່ນ, ມີນັກຮຽນສາກົນປະມານ 3.000 ຄົນ ມາຈາກ 90 ປະເທດໃນໂລກ ແລະ ນັກຮຽນຢີປຸ່ນອີກປະມານ 3.000ຄົນ.
ມາຮອດປະຈຸບັນ ໄດ້ມີນັກຮຽນຈາກ 144 ປະເທດ ທີ່ເຂົ້າຮຽນໃນມະຫາວິທະຍາໄລແຫ່ງນີ້. ມະຫາວິທະຍາໄລແຫ່ງນີ້ ກໍ່ເປັນໂຮງຮຽນໜື່ງທີ່ມີນັກຮຽນຫວຽດນາມ ສຶກສາຮ່ຳຮຽນຫຼາຍຕິດອັນດັບຕົ້ນໆຂອງຢີປຸ່ນ ເຊິ່ງມີປະມານ 500ຄົນ.
（ຫັດທະບູນ）
