| ໄວໜຸ່ມນະຄອນໂຮ່ຈີມິນຈັດການເຄື່ອນໄຫວອາສາສະໝັກຢູ່ ລາວ | |
| ນັກສຶກສາມາເລເຊຍ 70 ກວ່າຄົນເຂົ້າຮ່ວມຂະບວນການອາສາສະໝັກລະດູແລ້ງຢູ່ນະຄອນໂຮ່ຈີມິນ |
ຕອນບ່າຍວັນທີ 17 ພຶດສະພາ, ຢູ່ສຸສານນັກຮົບເສຍສະຫຼະຊີວິດເພື່ອຊາດ ບາຢົກ (ຕາແສງ ຫຼີແຈັກ, ເມືອງ ໂບ້ແຈັກ), ຄະນະກຳມະການປະຊາຊົນແຂວງ ກວາງບິ່ງ ໄດ້ຈັດພິທີໄຫວ້ອາໄລ ແລະ ເຮັດພິທີກຳທາງສາສະໜາສຳລັບອັດຖິທະຫານອາສາສະໝັກ ຫວຽດນາມ ທີ່ເສຍສະຫຼະຊີວິດຢູ່ລາວ 19 ອັດຖິ.
ອັດຖິທະຫານທີ່ເສຍສະຫຼະຊີວິດເພື່ອຊາດໄດ້ເຕົ້າໂຮມເປັນເວລາ 7 ເດືອນໃນລະດູແລ້ງ 2022-2023. ກົມກອງ 589 (ກອງບັນຊາການທະຫານແຂວງ ກວາງບິ່ງ) ໃຫ້ຮູ້ວ່າ: ການເຕົ້າໂຮມອັດຖິ ໄດ້ປະສົບກັບຄວາມຫຍຸ້ງຍາກດ້ານພູມສັນຖານ, ສະພາບດິນຟ້າອາກາດ, ແຕ່ກໍໄດ້ຮັບການສະໜັບສະໜູນຢ່າງສຸດຈິດສຸດໃຈຈາກປະຊາຊົນລາວ. ນີ້ແມ່ນຄັ້ງທີ 44 ທີ່ ກວາງບິ່ງ ໄດ້ຮັບອັດຖິຂອງທະຫານທີ່ເສຍສະຫຼະຊີວິດຢູ່ລາວ ກັບເມືອບ້ານເກີດເມືອງນອນ.
 |
ພິທີຝັງອັດຖິຂອງທະຫານອາສາສະໝັກ 115 ຄົນ ທີ່ເສຍສະຫຼະຊີວິດຢູ່ລາວ. (ພາບ: vnexpress) |
ທ່ານ ໂຮ່ອານຟອງ, ຮອງປະທານແຂວງ ກວາງບິ່ງ ໄດ້ສະແດງຄວາມກະຮູ້ບຸນຄຸນ ແລະ ຂໍສະແດງຄວາມເສຍໃຈກັບຄອບຄົວຂອງທະຫານທີ່ເສຍສະຫຼະຊີວິດ. “ບັນດານັກຮົບ, ທະຫານອາສາສະໝັກ, ນັກຊ່ຽວຊານຫວຽດນາມ ໄດ້ເສຍສະຫຼະຊີວິດເພື່ອເສລີພາບ, ເອກະລາດ, ສັນຕິພາບ ແລະ ຄວາມຜາສຸກຂອງປະຊາຊົນ 2 ປະເທດ, ສ້າງເປັນສາຍພົວພັນມິດຕະພາບແບບພິເສດ ແລະ ຄວາມສາມັກຄີ ຫວຽດນາມ - ລາວ”. ທ່ານຟອງ ກ່າວ.
ແລະກໍ່ໃນວັນດຽວກັນ, ແຂວງ ເງະອານ ກໍ່ໄດ້ຈັດພິທີຮັບ 96 ອັດຖິຂອງນັກຮົບເສຍສະຫຼະຊີວິດເພື່ອຊາດ ຢູ່ 3 ແຂວງຊຽງຂວາງ, ວຽງຈັນ ແລະ ໄຊສົມບູນ (ລາວ). ຕາມແຜນການ, ອັດຖິຈະໄດ້ມອບໃຫ້ພະແນກແຮງງານ, ທະຫານເສຍອົງຄະ ແລະ ສັງຄົມ ເພື່ອເກັບຕົວຢ່າງຊີວະພາບ, ກ່ອນເຮັດພິທີທາງສາສະໜາໃນວັນທີ 19 ພຶດສະພາ.
ໃນປີ 2022, ມີ ອັດຖິຂອງນັກຊ່ຽວຊານ, ອາສາສະໝັກຫວຽດນາມ ທີ່ເສຍສະຫຼະຊີວິດຢູ່ລາວ 103 ອັດຖິກັບຄືນເມືອນະຄອນ ເງ້ອານ.
ວັນເລື້ອງ
