ນັກສຶກສາມາເລເຊຍ 70 ກວ່າຄົນເຂົ້າຮ່ວມຂະບວນການອາສາສະໝັກລະດູແລ້ງຢູ່ນະຄອນໂຮ່ຈີມິນ

	ສື່ມວນຊົນ ມາເລເຊຍ ຕີລາຄາສູງການເຄື່ອນໄຫວຈັດຕັ້ງ SEA Games 31 ຂອງ ຫວຽດນາມ
	ສະຖານທູດ ຫວຽດນາມ ປະຈຳ ມາເລເຊຍ ສືບຕໍ່ໜູນຊ່ວຍຊາວເຜົ່າຈຳ ແກ້ໄຂຄວາມຫຍຸ້ງຍາກ

ຄະນະຊາວໜຸ່ມນະຄອນໂຮ່ຈີມິນ ມອບຜ້າລາຍແຊກເປັນທີ່ລະນຶກໃຫ້ນັກສຶກສາອາສາສະໝັກມາເລເຊຍ. ພາບ: ຮົ່ງຢາງ

ກຳລັງນັກສຶກສາສາກົນທີ່ເຂົ້າຮ່ວມຂະບວນການອາສາສະໝັກລະດູແລ້ງສີຂຽວ ປີ 2022 ຂອງນະຄອນໂຮ່ຈີມິນ ລວມມີນັກສຶກສາມາເລເຊຍ 72 ຄົນແມ່ນພົນລະເມືອງມາເລເຊຍ, ສະມາຊິກຂອງອົງການນັກສຶກສາອາສາສະໝັກສາກົນມາເລເຊຍ. ໃນຂອບເຂດການເຄື່ອນໄຫວ, ກຳລັງນີ້ຈະສົມທົບກັບນັກສຶກສາອາສາສະໝັກຫວຽດນາມ 80 ກວ່າຄົນທີ່ມາຈາກ 5 ມະຫາວິທະຍາໄລໃນບໍລິເວນນະຄອນ ດ້ວຍບໍລິເວນເຄື່ອນໄຫວລວມມີເມືອງ 12 ແລະເມືອງ ບິ່ງແຈ໊ງ, ຍ່າແບ່ ແລະເກິ່ນເຢີ໋.

ເນື້ອໃນເຄື່ອນໄຫວຕົ້ນຕໍຂອງບັນດານັກສຶກສາອາສາສະໝັກສາກົນລວມມີ: ຈັດຕັ້ງກິດຈະກໍາເຄື່ອນໄຫວຊອກຮູ້ກ່ຽວກັບອົງການຈັດຕັ້ງຊາວໜຸ່ມ, ສະມາຄົມນັກສຶກສາຫວຽດນາມ ຢູ່ນະຄອນໂຮ່ຈີມິນ, ຊອກຮູ້ວັດທະນະທຳ, ເຂດປູສະນີຍະສະຖານປະຫວັດສາດ, ພົບປະແລກປ່ຽນກັບສະມາຊິກຊາວໜຸ່ມ, ຊາວໜຸ່ມທ້ອງຖິ່ນ... ຄຽງຂ້າງນັ້ນ, ບັນດານັກສຶກສາອາສາສະໝັກຍັງຈັດຕັ້ງບັນດາກິດຈະກຳສະຫວັດດີການສັງຄົມ, ກິດຈະກຳລະດູແລ້ງໃຫ້ເດັກນ້ອຍ, ສອນພາສາອັງກິດ, ໜູນຊ່ວຍກໍ່ສ້າງ ແລະສ້ອມແປງທາງຄົມມະນາຄົມຊົນນະບົດ, ກິດຈະກໍາຮັບໃຊ້ເຍົາວະຊົນ. ບັນດາກິດຈະກໍາດໍາເນີນເຖິງວັນທີ 5 ສິງຫາ.