 |
ສະແດງຄວາມຮູ້ບຸນຄຸນຕໍ່ກັບນັກຮົບວິລະຊົນທີ່ເສຍສະຫຼະເພື່ອຊາດ. (ພາບ: ຍື-ກວິ່ງ)
ເຂົ້າຮ່ວມໃນງານປະກອບມີ: ທ່ານ ເຈິ່ນວັນຕຸ່ຍ ຄະນະກຳມະການ ບໍລິຫານງານສູນກາງພັກ ຄະນະກຳມະການ ປະຈຳການ ສະພາແຫ່ງຊາດ ຫົວໜ້າຄະນະຮັບຜິດຊອບຜູ້ແທນສະພາແຫ່ງຊາດ ຮອງຫົວໜ້າ ຄະນະຈັດຕັ້ງສູນກາງພັກ, ປະທານສະມາຄົມມິດຕະພາບຫວຽດນາມ-ລາວ; ທ່ານພົນໂທ ຫງວ໋ຽນະຕ໋ຽນລ໋ອງ, ອາດີດການນຳຂອງກອງພັນ ທີ 3 , ຮອງຄະນະກຳມະການ ປະຈຳການ ຄະນະພົວພັນທົ່ວປະເທດ ທະຫານອາສາ ແລະ ຊ່ຽວຊານທະຫານຫວຽດນາມ ຢູ່ ລາວ; ທ່ານ ຫງວ໋ຽນວັນມີ໋ ຫົວໜ້າພະແນກ ອາຊີ-ອາບຟະລິກກາ, ສະຫະພັນອົງການມິດຕະພາບ ຫວຽດນາມ ເລຂາທິການສູນກາງ ສະມາຄົມມິດຕະພາບ ຫວຽດນາມ - ລາວ ; ທ່ານ ຫງວ໋ຽນວັນຕ໋ວນ ກຳມະການ ປະຈຳການຂັ້ນແຂວງ , ປະທານ ແນວໂຮມແຫ່ງຊາດ ຫວຽດນາມ ແຂວງແທັງຫ໋ວາ ປະທານສະມາຄົມ ຫວຽດນາມ - ລາວ ແຂວງແທັງຫວ໋າ ພ້ອມທັງບັນດາພະນັກງານ, ສະມາຊິກສະມາຄົມ, ສະມາຊິກຊາວໜຸ່ມ ຂອງສະມາຄົມມິດຕະພາບ ຫວຽດນາມ-ລາວ, ສະຫະພັນອົງການມິດຕະພາບຫວຽດນາມ, ອາດີດທະຫານອາສາ ແລະ ຊ່ຽວຊານ ທະຫານຫວຽດນາມ ຢູ່ລາວ, ສະມາຊິກ ສະໂມສອນສິນລະປະ ມິດຕະພາບ ຫວຽດນາມ-ລາວ ດອກຈຳປາ.
ສຸສານວິລະຊົນສາກົນ ດົ່ງເຕິມ (ຂື້ນກັບບ້ານດົ່ງເຕິມ ຕາແສງ ທ໋ຽດອົງ, ເມືອງບ໋າເທື໋ອກ, ແຂວງ ແທັງຫວ໋າ) ແມ່ນສະຖານທີ່ບັນຈຸອັດຖິຂອງ ນັກຮົບ 2.027 ຄົນ. ປະກອບມີປະຊາຊົນຫວຽດນາມ ແລະ ທະຫານປົດປ່ອຍ, ປະຊາຊົນລາວ ທີ່ໄດ້ເສຍສະຫຼະຊີວິດ ໃນສອງບັ້ນຮົບຕໍ່ຕ້ານຈັກກະພັດຝລັ່ງ ແລະ ອາເມລິກາ.
 |
ປະທານສະມາຄົມມິດຕະພາບຫວຽດນາມ-ລາວ ເຈິ່ນວັນຕຸ໋ຍ ກ່າວຄຳປາໄສ. (ພາບ: ຍື-ກວິ່ງ)
ກ່າວຄຳປາໄສ ໃນການເຂົ້າວາງພວງມາລາຄັ້ງນິ້ ປະທານສະມາຄົມມິດຕະພາບ ຫວຽດນາມ-ລາວ ເຈີ່ນວັນຕຸ໋ຍ ໃຫ້ຮູ້ວ່າ: ນີ້ແມ່ນການເຄື່ອນໄຫວເພື່ອສະແດງເຖິງຄວາມຮູ້ບຸນຄຸນ ຕໍ່ກັບຜູ້ທີ່ມີຄຸນງາມຄວາມດີແກ່ປະເທດຊາດ ຫວຽດນາມ-ລາວ ສະແດງເຖິງມູນເຊື້ອ ປະເພນີ ກິນໝາກໃຫ້ຄິດເຖິງຜູ້ປູກ ຂອງປະຊາຊົນຫວຽດນາມ.
ທ່ານປະທານ ເຈິ່ນວັນຕຸ໋ຍ ໄດ້ເນັ້ນໜັກວ່າ: ສາຍສຳພັນມິດຕະພາບ ຫວຽດນາມ-ລາວ ໂດຍທ່ານ ໂຮ່ຈີ໋ມິງ ແລະ ປະທານ ໄກສອນ ພົມວິຫານ, ປະທານ ສຸພານຸວົງ ສ້າງຮາກຖານ, ໄດ້ຮັບການສືບທອດໂດຍບັນດາການນຳ ແລະ ປະຊາຊົນສອງຊາດ ອອກເຮື່ອເທແຮງ ເພີ່ມພູນຄູນສ້າງ, ໄດ້ຮັບການຝຶກຝົນຫຼໍ່ຫຼອມໂດຍຫຼາຍສິ່ງທ້າທາຍ ແລະ ໄດ້ຮັບການ ຫຼໍ່ຫຼອມດ້ວຍເຮື່ອແຮງ ແລະ ເລືອດເນື້ອຂອງຄົນຫຼາຍລຸ້ນອ້າຍນ້ອງນັກຮົບວິລະຊົນຜູ້ອົງອາດກ້າຫານ. ນັ້ນມັນໄດ້ກາຍເປັນສາຍພົວພັນອັນເປັນແບບຢ່າງ, ຊື່ສັດ, ຜ່ອງໃສ, ຫາຍາກໃນປະຫວັດສາດສາຍພົວພັນສາກົນ, ເປັນຊັບສິນອັນລ້ຳຄ່າຫາອັນປຽບບໍ່ໄດ້ ຂອງປະຊາຊົນສອງຊາດ, ເປັນປັດໄຈສຳຄັນປະກອບສ່ວນເຂົ້າໃນການເຮັດໄດ້ໄຊຊະນະອັນສະຫງ່າງາມຂອງການປະຕິວັດແຕ່ລະປະເທດ.
ຕ່າງໜ້າອາດີດທະຫານ ອາສາ ແລະ ຊ່ຽວຊານຫວຽດນາມ ເຂົ້າຮ່ວມກອງທະຫານຫວຽດນາມ ຢູ່ ລາວ ແລະ ບັນດາພະນັກງານ, ສະມາຊິກ, ສະມາຊິກຊາວໜຸ່ມ ຂອງ ສະຫະພັນອົງການມິດຕະພາບຫວຽດນາມ ແລະ ສະມາຄົມຫວຽດນາມ -ລາວ ປະທານສະມາຄົມຫວຽດນາມ-ລາວ ທ່ານເຈິ່ນວັນຕຸ໋ຍ ສະແດງຄວາມເຄົາລົບ ແລະ ຮູ້ບຸນຄຸນຢ່າງສຸດຊຶ້ງຕໍ່ກັບບັນນັກວິລະຊົນຜູ້ອົງອາດກ້າຫານ, ບັນດາລູກທີ່ມີຄວາມຊື່ສັດຕໍ່ທັງສອງປະຊາຊົນບັນດາເຜົ່າຫວຽດນາມ - ລາວ ໄດ້ມີຄວາມກ້າຫານເສຍສະຫຼະເພື່ອພາລະກິດຕໍ່ສູ້ປົດປ່ອຍປະຊາຊົນບັນດາເຜົ່າ ແລະ ເພື່ອພາລະກິດປະຕິວັດຂອງສອງຊາດລາວ ຫວຽດນາມ.
ແບ່ງປັນກັບນັກຂ່າວ: ເລຂາ ຄະນະຊາວໜຸ່ມ ຂອງສະຫະພັນອົງການມິດຕະພາບຫວຽດນາມ ທ່ານນາງ ຮວ່າງທິຍືຮວາ ໃຫ້ຮູ້ວ່າ: ຜ່ານກິດຈະກຳນີ້ ລາວແຫ່ງຮັບຮູ້ຢ່າງເລິກຊື່ງຕື່ມ ກ່ຽວກັບສາຍພົວພັນສາມັກຄີມິດຕະພາບ ຂອງ ສອງຊາດ ຫວຽດນາມ-ລາວ ແລະ ຮູ້ສຶກຕື້ນຕັນໃຈເມື່ອໄດ້ຮັບຝັງເລື່ອງເລົ່າ ການຄົ້ນຫາ, ທ້ອນໂຮມ ອັດຖິ ນັກຮົບວິລະຊົນຈາກສະໜາມຮົບ ລາວ ກັບສູ່ບ້ານເກີດ.
“ສັນຕິພາບ ແມ່ນເປັນສິ່ງທີ່ປະຈັກແຈ້ງ ແຕ່ເພື່ອຈະໄດ້ມັນມາ ແລະ ຮັກສາສິ່ງດັ່ງກ່າວ ແມ່ນວ່າຕ້ອງໄດ້ໄດ້ເສຍສະຫຼະ ບັນດາຊົນຊັ້ນນັກຮົບທີ່ນຳໜ້າພາທາງໄປກ່ອນ. ຄຸນງາມຄວາມດີອັນໃຫຍ່ຫຼວງນັ້ນຈະຍືນຍົງຄົງຕົວຢູ່ ແລະ ບັນດາຊາວໜຸ່ມຄົນລຸ້ນໃໝ່ຮັບຮູ້ ແລະ ຮູ້ບຸນຄຸນ. ໃນຄະນະພວກເຮົາໃຜກໍ່ຮູ້ສຶກໂຊກດີເມື່ອໄດ້ເຂົ້າຮ່ວມໃນການເຄື່ອນໄຫວດັ່ງກ່າວນີ້ ແລະ ນັບມື້ນັບມີຄວາມຕື່ນຕົວກ່ວາເກົ່າຕໍ່ກັບຄວາມຮັບຜິດຊອດຂອງຕົນໃນວຽກງານການປະກອບສ່ວນສ້າງສາປະເທດຊາດ”, ທ່ານນາງ ຮວ່າງທິຍືຮວາ ໄດ້ກ່າວຄວາມຮູ້ສຶກ.
ໃນມື້ດຽວກັນ ຢູ່ເມືອງ ບ໋າເທືອກ ຄະນະຜູ້ແທນສູນກາງ ສະມາຄົມ ຫວຽດນາມ-ລາວ ປະສານສົມທົບ ກັບ ສະມາຄົມຫວຽດນາມ-ລາວ ແຂວງແທັງຫ໋ວາ ໄດ້ຈັດຕັ້ງການພົບປະໂອ້ລົມກັນ ລະຫວ່າງ ສະມາຄົມ ນັກຮົບເກົ່າ ເມືອງບ໋າເທືອກ ແລະ ມອບຂອງຂວັນໃຫ້ບັນດານັກຮົບເກົ່າ.
ຮູບພາບໃນການເຂົ້າວາງພວງມາລາ, ຈູດທູບທຽນ ທີ່ສຸສານ.
 |
ວາງພວງມາລາຕໍ່ໜ້າດວງວິນຍານນັກຮົບວິລະຊົນທີ່ເສຍສະຫຼະເພື່ອຊາດ. (ພາບ: ຍື-ກວິ່ງ)
 |
 |
ຊາວໜຸ່ມສະຫະພັນອົງການມິດຕະພາບຫວຽດນາມ ວາງດອກໄມ້, ຈູດທູບທຽນ ອາໄລຕໍ່ພໍ່ແມ່ລຸ້ນກ່ອນທີ່ເສຍສະຫຼະຊີວິດເພື່ອຊາດ. (ພາບ: ຍື-ກວິ່ງ)
 |
 |
ບັນເລງບົດເພງແຫ່ງມິດຕະພາບຫວຽດນາມ-ລາວ. (ພາບ: ຍື-ກວິ່ງ)
 |
ມອບຂອງຂັວນໃຫ້ແກ່ນັກຮົບເກົ່າ.(ພາບ: ຍື-ກວິ່ງ)
（ຫັດທະບູນ）
