| ການຮ່ວມມືປ້ອງກັນຕ້ານການຄ້າຂາຍຢາເສບຕິດລະຫວ່າງ ຫວຽດນາມ ແລະ ລາວ | |
| ຕໍາຫຼວດແຂວງເທື່ອທຽນ-ເຫວ້ ແລະກອງບັນຊາການປ້ອງກັນຄວາມສະຫງົບແຂວງສາລະວັນ ຮ່ວມມືດ້ານປ້ອງກັນຄວາມສະຫງົບ, ປ້ອງກັນຕ້ານຢາເສບຕິດ |
ກົມຕຳຫຼວດສືບສວນ-ສອບສວນອາຊະຍາກຳຢາເສບຕິດ ຝ່າຍຫວຽດນາມ ມີການເຂົ້າຮ່ວມຂອງ ສະຫາຍພັນໂທ ຮ່ວາງເຕີມຫ້ຽວ, ຮອງຫົວໜ້າກົມ. ຜູ້ຕາງໜ້າຕຳຫຼວດນະຄອນດ່ານັງ ແມ່ນ ສະຫາຍ ພັນເອກ ຫງວຽນວັນຕັງ, ຮອງຜູ້ອຳນວຍການ. ຝ່າຍລາວ, ມີ ສະຫາຍ ພັນເອກ ວົງເພັດ ແສນວົງສາ, ຮອງເລຂາຄະະນກຳມະການ ສະກັດກັ້ນ ແລະ ຕ້ານຢາເສບຕິດ. ແລະກໍຍັງມີບັນດາຄະນະຜູ້ແທນກອງບັນຊາການປ້ອງກັນ ແລະ ຕ້ານອາດຊະຍາກຳຢາເສບຕິດຂອງລາວ ເຂົ້າຮ່ວມນຳອີກ.
ຊຸດອົບຮົມໄດ້ດຳເນີນແຕ່ວັນທີ 14 – 19 ພຶດສະພາ 2023 ດ້ວຍ 6 ຫົວຂໍ້ຄື: ສະພາບລວມກ່ຽວກັບອາດຊະຍາກຳຢາເສບຕິດໃນໂລກ, ພາກພື້ນ ແລະ ເຂດຊາຍແດນ ຫວຽດນາມ - ລາວ; ສະພາບຢາເສບຕິດຢູ່ເຂດຊາຍແດນ ລາວ - ຫວຽດນາມ; ລະບົບກົດໝາຍປ້ອງກັນ ແລະ ຄວບຄຸມຢາເສບຕິດຢູ່ຫວຽດນາມ; ບົດຮຽນປະສົບການໃນການຕໍ່ສູ້ ແລະ ຈັບກຸມຜູ້ກໍ່ອາຊະຍາກຳຢາເສບຕິດດ້ວຍອາວຸດປຶນ; ສະກັດກັ້ນ ແລະ ຕ້ານອາດຊະຍາກຳການຜະລິດຢາເສບຕິດ, ວຽກງານການຄວບຄຸມການເຄື່ອນໄຫວກ່ຽວກັບຢາເສບຕິດທີ່ສອດຄ່ອງກັບກົດຫມາຍ – ສັນຍານທີ່ບົ່ງບອກກໍລະນີຂອງການຜະລິດຢາເສບຕິດ; ແນະນຳວຽກງານການປະເມີນກ່ຽວກັບສານຢາເສບຕິດຢູ່ຫວຽດນາມ, ແບບວິທີວິເຄາະ ແລະ ປະເມີນຢາເສບຕິດຂອງສະຖາບັນວິທະຍາສາດອາຍາ ຫວຽດນາມ ແລະ ອົງການປະເມີນອາຍາຂອງລາວ...ໃນໄລຍະດຳເນີນການຝຶກອົບຮົມ, ບັນດາຜູ້ແທນຈະມີການລົງຕົວຈິງຢູ່ພື້ນທີ່ປະຕິບັດວຽກງານຄວບຄຸມຢູ່ສະໜາມບິນສາກົນ ດ່ານັງ ແລະ ສູນປະເມີນຢາເສບຕິດຂອງສະຖາບັນວິທະຍາສາດອາຍາ ຫວຽດນາມ.
 |
ພັນໂທ ຮ່ວາງເຕີມຫ້ຽວ ເນັ້ນໜັກວ່າ ຊຸດຝຶກອົບຮົມແມ່ນໜຶ່ງໃນບັນດາການເຄື່ອນໄຫວຮ່ວມມືປະຈຳປີ ແລະ ແທດຈິງໃນຂອບເຂດຂອງສັນຍາ ແລະ ບົດບັນທຶກຄວາມເຂົ້າໃຈລະຫວ່າງລັດຖະບານ ແລະ ກະຊວງຕຳຫຼວດຂອງສອງປະເທດ. ໂດຍມີອາຈານ ແລະ ຊ່ຽວຊານທີ່ມີປະສົບການ, ຊີ້ນຳການທຳລາຍລ້າງບັນດາຄະດີຢາເສບຕິດລະຫວ່າງແຂວງ ແລະ ຂ້າມຊາດໂດຍກົງ ຈະຊ່ວຍໃຫ້ນັກຮຽນຍົກສູງຄວາມຮັບຮູ້ ແລະ ມີບັນດາຄວາມຮູ້ກ່ຽວກັບການປ້ອງກັນ ແລະ ຄວບຄຸມຢາເສບຕິດຕື່ມອີກ. ດ້ວຍການຮ່ວມມື ແລະ ຄວາມມານະພະຍາຍາມລວມຂອງບັນດາປະເທດ ຈະເປັນພື້ນຖານເພື່ອຫັນການປະຕິບັດເປົ້າໝາຍໃນການປົກປັກຮັກສາປະຊາຄົມຕ້ານອາດຊະຍາກຳຢາເສບຕິດໃຫ້ປະກົດຜົນເປັນຈິງ ເພື່ອຊ່ວຍໃຫ້ເສດຖະກິດ ແລະ ສັງຄົມພັດທະນາຢ່າງໝັ້ນຄົງ ແລະ ວັດທະນາຖາວອນ.
ພັນເອກ ວົງເພັດ ແສນວົງສາ, ໃນນາມຜູ້ຕາງໜ້າກຳລັງປ້ອງກັນ ແລະ ຄວບຄຸມຢາເສບຕິດຂອງລາວ ໄດ້ສະແດງຄວາມຂອບໃຈຕໍ່ການແບ່ງປັນ, ຖ່າຍທອດບັນດາຄວາມຮູ້ທາງທິດສະດີພື້ນຖານດ້ານວິຊາຊີບ, ປະສົບການຈາກການຕໍ່ສູ້ກັບອາຊະຍາກຳຢາເສບຕິດທີ່ຫຍຸ້ງຍາກ ແລະ ສັບສົນ. ຊຸດອົບຮົມບໍ່ພຽງແຕ່ແມ່ນຂໍ້ລິເລີ່ມໃນການຮ່ວມມືຮອບດ້ານເທົ່ານັ້ນ ຫາກຍັງໄດ້ສະແດງໃຫ້ເຫັນນ້ຳໃຈສາມັກຄີ, ສົມທົບກັນ ແລະ ຕິດພັນກັນຢ່າງແໜ້ນແຟ້ນລະຫວ່າງກຳລັງປ້ອງກັນ ແລະ ຕ້ານອາດຊະຍາກຳຢາເສບຕິດຂອງສອງປະເທດ, ປະກອບສ່ວນຍົກສູງກຳລັງຄວາມສາມາດ ແລະ ປະສິດທິພາບຂອງການປ້ອງກັນອາດຊະຍາກຳຢາເສບຕິດຂອງປະເທດລາວ.
ວັນເລື້ອງ
