| ນັກຮຽນ ຫວຽດນາມ ຢູ່ອາເມລິກາ ຂົວເຊື່ອມຕໍ່ສຳຄັນລະຫວ່າງປະຊາຊົນ ຫວຽດນາມ - ອາເມລິກາ | |
| ຍົກລະດັບການຮ່ວມມືລະຫວ່າງ ຫວຽດນາມ ກັບສິງກະໂປ ແລະ ບຣູໄນ ດາຣູຊາລາມ |
 |
| ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ແລະ ທ່ານນາຍົກລັດຖະມົນຕີ ລາວ ສອນໄຊ ສີພັນດອນ (ພາບ: VGP) |
ຕາມຂໍ້ມູນຂອງທ່ານນາຍົກລັດຖະມົນຕີ ລາວ ສອນໄຊ ສີພັນດອນ ແບ່ງປັນໃນການພົບປະກັບທ່ານນາຍົກລັດຖະມົນຕີ ຟ້າມມິງຈິງ ເນື່ອງໃນໂອກາດເຂົ້າຮ່ວມກອງປະຊຸມສຸດຍອດ ອາຊຽນ ຄັ້ງທີ 42.
ທີ່ການພົບປະທີ່ໄດ້ດຳເນີນໃນຕອນເຊົ້າວັນທີ 10 ພຶດສະພາ ກັບທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ, ທ່ານນາຍົກລັດຖະມົນຕີ ລາວ ສອນໄຊ ສີພັນດອນ ໄດ້ສະແດງຄວາມຂອບອົກຂອບໃຈ ຫວຽດນາມ ທີ່ໄດ້ໜູນຊ່ວຍ ແລະ ຮ່ວມມືກັບ ລາວ ຢ່າງມີປະສິດທິຜົນໃນການພັດທະນາເສດຖະກິດ - ສັງຄົມ.
ທ່ານນາຍົກລັດຖະມົນຕີ ລາວ ຢັ້ງຢືນວ່າ ການເປີດນຳໃຊ້ໂຄງການສະໜາມບິນ ໜອງຄ້າງ ຢູ່ແຂວງ ຫົວພັນ ແລະ ໂຄງການໂຮງໝໍມິດຕະພາບຢູ່ແຂວງ ຊຽງຂວາງ ໃນເດືອນພຶດສະພານີ້ ສະແດງໃຫ້ເຫັນນ້ຳໃຈສາມັກຄີ, ມິດຕະພາບອັນດີງາມລະຫວ່າງການນຳສອງພັກ, ສອງລັດຖະບານ. ທ່ານນາຍົກລັດຖະມົນຕີ ລາວ ໄດ້ເປັນກຽດສົ່ງຄຳຢຶ້ຢາມຖາມຂ່າວຂອງບັນດາສະຫາຍການນຳພັກ, ລັດ ລາວ ໄປຍັງບັນດາສະຫາຍການນຳພັກ, ລັດ ຫວຽດນາມ.
ໃນນັ້ນ, ໂຄງການສະໜາມບິນ ໜອງຄ້າງ ໄດ້ເລີ່ມລົງມືກໍ່ສ້າງນັບແຕ່ປີ 2013 ດ້ວຍຍອດເງິນລົງທຶນ 82 ລ້ານ USD. ນີ້ແມ່ນສະໜາມບິນທີ່ໄດ້ຮັບການກໍ່ສ້າງຕາມມາດຖານຂອງກົມການບິນພົນລະເຮືອນ (MOS 2009) ດ້ວຍມາດຕະຖານສາກົນ (ICAO).
ການປະຕິບັດສຳເລັດ ແລະ ນຳສະໜາມບິນໜອງຄ້າງເຂົ້າເຄື່ອນໄຫວ ຈະຊ່ວຍໃຫ້ລາວ ດຶງດູດບັນດານັກລົງທຶນຕ່າງປະເທດ, ຊຸກຍູ້ການຮ່ວມມືດ້ານການທ່ອງທ່ຽວ ແລະ ສ້າງມູນຄ່າເພີ່ມໃຫ້ແກ່ພື້ນຖານເສດຖະກິດຕື່ມອີກ, ຈາກນັ້ນ ກໍ່ຍົກສູງຊີວິດການເປັນຢູ່ຂອງປະຊາຊົນ.
ບຸນຄົງ
