 |
| ທ່ານນາຍົກລັດຖະມົນຕີ ຟ້າມມິງຈິງ (ພາບ: TTXVN) |
ຍົກລະດັບການຮ່ວມມືລະຫວ່າງ ຫວຽດນາມ ກັບສິງກະໂປ ແລະ ບຣູໄນ ດາຣູຊາລາມ
ການຢ້ຽມຢາມສິງກະໂປ ແລະ ບຣູໄນ ດາຣູຊາລາມ ຂອງທ່ານນາຍົກລັດຖະມົນຕີ ຟ້າມມິງຈິງ ແມ່ນການເດີນທາງຄັ້ງທຳອິດຂອງທ່ານນາຍົກລັດຖະມົນຕີ ໄປຍັງສິງກະໂປ ພາຍຫຼັງ 5 ປີ ແລະ ໄປ ບຣູໄນ ພາຍຫຼັງ 15ປີ.
ໂດຍຕອບຮັບຄຳເຊື້ອເຊີນຂອງທ່ານນາຍົກລັດຖະມົນຕີ ສ.ສິງກະໂປ ລີຊຽນລຸງ ແລະ ສົດເດັດ Sultan Haji Hassanal Bolkiah ແຫ່ງ ບຣູໄນ ດາຣູຊາລາມ, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ແລະ ພັນລະຍາ ພ້ອມກັບຄະນະຜູ້ແທນຂັ້ນສູງ ຫວຽດນາມ ໄດ້ໄປຢ້ຽມຢາມ ປະເທດ ສ.ສິງກະໂປ ແລະ ບຣູໄນ ດາຣູຊາລາມ ຢ່າງເປັນທາງການແຕ່ວັນທີ 8 – 11 ກຸມພາ ປີ 2023
ນີ້ແມ່ນການຢ້ຽມຢາມສິງກະໂປງ ແລະ ບຣູໄນ ດາຣູຊາລາມ ຂອງທ່ານນາຍົກລັດຖະມົນຕີ ຟ້າມມິງຈິງ ແມ່ນການເດີນທາງຄັ້ງທຳອິດຂອງທ່ານນາຍົກລັດຖະມົນຕີ ໄປຍັງສິງກະໂປ ພາຍຫຼັງ 5 ປີ ແລະ ໄປ ບຣູໄນ ພາຍຫຼັງ 15ປີ. ການຢ້ຽມຢາມສິງກະໂປ ຂອງທ່ານນາຍົກລັດຖະມົນຕີ ຟ້າມມິງຈິງ ໄດ້ດຳເນີນໃນສະພາບການພົວພັນຄູ່ຮ່ວມມືຍຸດທະສາດ ຫວຽດນາມ - ສິງກະໂປ ພັດທະນາຢ່າງຂະຫຍັນຂັນເຄື່ອນ, ຢ່າງແຮງໃນທຸກຂົງເຂດ.
ປີ 2023, ສອງປະເທດສະເຫຼີມສະຫຼອງ 50 ປີແຫ່ງການສ້າງຕັ້ງການພົວພັນທາງການທູດ ແລະ 10 ປີແຫ່ງການສ້າງຕັ້ງການພົວພັນຄູ່ຮ່ວມມືຍຸດທະສາດ.
ສຳລັບ ບຣູໄນ ດາຣູຊາລາມ ແລ້ວ,ການຢ້ຽມຢາມຂອງທ່ານນາຍົກລັດຖະມົນຕີ ໄດ້ດຳເນີນໃນສະພາບການການພົວພັນຄູ່ຮ່ວມມືຍຸດທະສາດລະຫວ່າງສອງປະເທດມີການພັດທະນາອັນດີງາມ. ສອງປະເທດໄດ້ສະເຫຼີມສະຫຼອງ 30 ປີແຫ່ງວັນສ້າງຕັ້ງການພົວພັນທາງການທູດ ໃນປີ 2022.
ການຢ້ຽມຢາມເພື່ອແນໃສ່ຍົກລະດັບການພົວພັນຄູ່ຮ່ວມມືສອງຝ່າຍ ຫວຽດນາມ - ສິງກະໂປ ແລະ ຫວຽດນາມ - ບຣູໄນ ດາຣູຊາລາມ
ການແລກປ່ຽນຄະນະ, ພົບປະຂັ້ນສູງ ແລະ ບັນດາຂັ້ນລະຫວ່າງສອງປະເທດໄດ້ຮັບການຮັກສາເປັນປະຈຳ, ມີປະສິດທິຜົນ, ພິເສດແມ່ນໃນປີ 2022 ຜ່ານມາ ການຢ້ຽມຢາມສິງກະໂປ ທາງລັດຖະກິດຂອງທ່ານປະທານປະເທດ ຫງວຽນຊວັນຟຸກ (ເດືອນກຸມພາ 2022), ການຢ້ຽມຢາມ ຫວຽດນາມ ຢ່າງເປັນກທາງການຂອງທ່ານປະທານສະພາແຫ່ງຊາດ ສິງກະໂປ Tan Chuan-Jin (ເດືອນພຶດສະພາ ປີ 2022), ທ່ານຮອງນາຍົກລັດຖະມົນຕີ, ລັດຖະມົນປະສານງານນະໂຍບາຍດ້ານເສດຖະກິດ ສິງກະໂປ Heng Swee Keat ຢ້ຽມຢາມຫວຽດນາມຢ່າງເປັນທາງການໃນເດືອນກັນຍາ ປີ 2022, ທ່ານປະທານາທິບໍດີ ສິງກະໂປ Halimah Yacob ຢ້ຽມຢາມ ຫວຽດນາມ ທາງລັດຖະກິດ ໃນເດືອນຕຸລາ ປີ 2022.
ກ່ຽວກັບການລົງທຶນ, ການຄ້າ, ສິງກະໂປແມ່ນຄູ່ຮ່ວມມືເສດຖະກິດສຳຄັນແຖວໜ້າຂອງ ຫວຽດນາມ ໃນພາກພື້ນ.
ຍອດວົງເງິນການຄ້າປີ 2022 ບັນລຸປະມານ 9 ຕື້ USD, ເພີ່ມຂຶ້ນ 10,1% ເມື່ອທຽບໃສ່ກັບປີ 2021 (ປີ 2021 ບັນລຸ 8,3 ຕື້ USD)
ສ່ວນ ຫວຽດນາມ ແລະ ບຣູໄນ ໄດ້ສ້າງຕັ້ງການພົວພັນທາງການທູດໃນວັນທີ 29 ກຸມພາ ປີ 1992, ຍົກລະດັບການພົວພັນຄູ່ຮ່ວມມືຍຸດທະສາດຢ່າງຮອບດ້ານເນື່ອງໃນໂອກາດການຢ້ຽມຢາມທາງລັດຖະກິດຫວຽດນາມ ຂອງກະສັດ ບຣູນໄນ ດາຣູຊາແລມໃນເດືອນ ມີນາ 2019.
ການຢ້ຽມຢາມສິງກະໂປ ແລະ ບຣູໄນ ຢ່າງເປັນທາງການຂອງທ່ານນາຍົກລັດຖະມົນຕີ ຟ້າມມິງຈິງ ແລະ ພັນລະຍາ ສະແດງໃຫ້ເຫັນຄວາມຖືເປັນສຳຄັນ ແລະ ຄວາມຫວັງຢາກສ້າງກຳລັງໜູນໃໝ່ໃຫ້ແກ່ການພົວພັນລະຫວ່າງ ຫວຽດນາມ ແລະ ສອງປະເທດ ບ້ານໃກ້ເຮືອນຄຽງໃນອາຊຽນ, ແລກປ່ຽນບັນດາມາດຕະການເພື່ອແນໃສ່ເພີ່ມທະວີຄວາມໄວ້ເນື້ອເຊື່ອໃຈທາງການເມືອງ ແລະ ຊຸກຍູ້ການຄ້າ, ການລົງທຶນ… ກ່ວາອີກ, ຮ່ວມມື, ປະສານາົມທົບໃນບັນດາບັນຫາພາກພື້ນ ແລະ ສາກົນທີ່ຕ່າງຝ່າຍຕ່າງມີຄວາມສົນໃຈ. ໃນນັ້ນມີການສົມທົບກັນໃນອາຊຽນ ແລະ ບັນດາເວທີປາໄສ, ອົງການພາກພື້ນ ແລະ ສາກົນ.
ບຸນຄົງ
