| ງານບຸນເສື້ອຍາວເດັກນ້ອຍຫວຽດນາມ ປີ 2022 | |
| ປົກປ້ອງເດັກນ້ອຍຕໍ່ໜ້າໄພທຳມະຊາດ, ໂລກລະບາດ |
 |
| ພາບປະກອບ: ກົມໃຫຍ່ການທ່ອງທ່ຽວ |
ວາລະສານການທ່ອງທ່ຽວ Condé Nast Traveler ຫວ່າງມໍ່ໆມານີ້ ໄດ້ມີການຄັດເລືອກ 50 ເທດສະບານນ້ອຍທີ່ງາມທີ່ສຸດໃນໂລກ, ໃນນັ້ນມີເທດສະບານ ຊາປາ ຂອງ ຫວຽດນາມ ຍ້ອນມີຄວາມດຶງດູດໃຈ ແລະ ສະເໜ່ສະເພາະສຳລັບແຂກທ່ອງທ່ຽວສາກົນ.
ໂດຍຕັ້ງຢູ່ຫ່າງໄກຈາກຫາດຊາຍທີ່ມີຊື່ສຽງ, ບັນດານະຄອນໃຫຍ່ ແລະ ບັນດາມໍລະດົກໂລກ, ຊາປາ ແມ່ນເທດສະບານເຂດພູສູງທີ່ສະຫງົບສຸກ ຢູ່ແຂວງ ລາວກາຍ, ທາງທິດຕາເວັນຕົກສ່ຽງເໜືອຂອງ ຫວຽດນາມ.
ຕາມ Condé Nast Traveler ແລ້ວ, ຊາປາ ແມ່ນສະຖານທີ່ທີ່ມີທິວທັດທຳມະຊາດທີ່ໃຫຍ່ໂຕມະໂຫຖານ, ບັນດານາຂັ້ນໄດທີ່ກວ້າງໃຫຍ່ໄພສານ, ນ້ຳຕົກຕາດ ແລະ ເສັ້ນທາງທີ່ສວຍງາມ. ບັນດາສະຖານທີ່ທ່ອງທ່ຽວທີ່ສວຍງາມຢູ່ອ້ອມແອ້ມເທດສະບານ ພວມລໍຖ້າແຂກທ່ອງທ່ຽວມາຢ້ຽມຢາມ.
ໄປຄຽງຄູ່ກັບການຮັບຊົມທຳມະຊາດທີ່ສວຍສົດງົດງາມ, ແຂກທ່ອງທ່ຽວອາດຈະແບ່ງເວລາເພື່ອຄົ້ນຫາບັນດາສະຖານທີ່ດຶງດູດໃຈທີ່ບໍ່ອາດພາດໄດ້ ເມື່ອມາ ຊາປາ ຄື: check-in ຢູ່ຫໍບູຊາຫີນ ຊາປາ, ຊື້ເຄື່ອງຢູ່ເຂດຕະຫຼາດຊາປາ, ຄົ້ນຫາກ່ຽວກັບການດຳລົງຊີວິດຂອງປະຊາຊົນຢູ່ທີ່ນີ້ ຫຼື ໄປຊົມວິວຢູ່ເທດສະບານ...
ບຸນຄົງ
