| ຫຼາຍກິດຈະກຳຖືກຈັດຂຶ້ນເພື່ອສະເຫຼີມສະຫຼອງໄຊຊະນະບັ້ນຮົບ “ຮ່າໂນ້ຍ - ດ້ຽນບຽນຝູທາງອາກາດ” ຄົບຮອບ 50 ປີ | |
| ໄຊຊະນະດ້ຽນບຽນຝູ ຜ່ານການແຕ້ມຂອງຈິດຕະກອນ ມາຍຢຸຍມິງ |
 |
| ເວັບໄຊຂອງໜັງສືພິມ ປະຊາຊົນ (ພາບ:ຈິງຢຸງ) |
ບົດຂຽນໄດ້ຂຽນວ່າ, ປີ 1953, ການຕໍ່ສູ້ຂອງປະຊາຊົນ ສາມປະເທດ ອິນດູຈິນ ຕ້ານພວກລ່າເມືອງຂຶ້ນຝລັ່ງ ມາຮຸກຮານກ້າວເຂົ້າສູ່ປີທີ 8. ຄວາມສາມັກຄີ ແລະ ການຮ່ວມມືລະຫວ່າງສາມປະເທດ ອິນດູຈິນ ນັບມື້ນັບແໜ້ນແຟ້ນ. ບັນດາໄຊຊະນະອັນໃຫຍ່ຫຼວງໃນທົ່ວສະໜົມຮົບຂອງສາມປະເທດ ອິນດູຈິນ, ລວມມີ ລາວ, ຫວຽດນາມ ແລະ ກຳປູເຈຍ ໄດ້ເຮັດໃຫ້ສັດຕູຕົກເຂົ້າສູ່ສະພາບຕົກທ່າຮັບ ແລະ ນັບມື້ນັບອ່ອນແອລົງ.
ສຳລັບ ຫວຽດນາມ, ນັ້ນແມ່ນໄລຍະຊາດຫວຽດນາມ ຕ້ອງຕໍ່ສູ້ຕ້ານລັດທິຫົວເມືອງຂຶ້ນແບບເກົ່າ ດ້ວຍຄວາມຕັດສິນໃຈ “ຍອມເສຍສະຫຼະຊີວິດເພື່ອປະເທດຊາດ”. ບັນດາກຳລັງປະກອບອາວຸດຂອງ ຫວຽດນາມ ຍາດໄດ້ໄຊຊະນະໃນທຸກແນວຮົບ, ນັບແຕ່ໄຊຊະນະໃນບັ້ນຍຸດທະສາດ ຫວຽດບັກ (ປີ 1947), ກ້າວໄປສູ່ໄຊຊະນະໃນບັ້ນຍຸດທະສາດຊາຍແດນ (ປີ 1950), ບັ້ນຍຸດທະສາດ ຮ່ວາບິ່ງ (ແຕ່ປີ 1951 ຮອດ ປີ 1952) ແລະ ບັ້ນຍຸດທະສາດ ລາວສູງ (ປີ 1953).
ບັນດາໄຊຊະນະນັ້ນ ໄດ້ສ້າງທ່ວງທ່າ ແລະ ກຳລັງໃໝ່ໃຫ້ແກ່ການເຕີບໃຫຍ່ທີ່ເຂັ້ມແຂງກ່ຽວກັບຈຳນວນ ແລະ ຄຸນນະພາບຂອງທະຫານ ແລະ ປະຊາຊົນ ຫວຽດນາມ ໃນການເປັນເຈົ້າການບຸກໂຈມຕີສັດຕູໃນທຸກແນວຮົບ, ເຮັດໃຫ້ສັດຕູຕົກເຂົ້າສະພາບການທີ່ຕ້ອງປ້ອງກັນຕົວ.
ບຸນຄົງ
