| ກະຊວງປ້ອງກັນປະເທດຫວຽດນາມ ມອບຂອງຂວັນໃຫ້ປະຊາຊົນເຂດຊາຍແດນສປປ.ລາວ | |
| ຊຸກຍູ້ການຮ່ວມມືລະຫວ່າງກຳລັງປ້ອງກັນຄວາມສະຫງົບ ຫວຽດນາມ - ລາວ |
ການຢ້ຽມຢາມໄດ້ດຳເນີນໄປຕາມຄຳເຊີນຂອງທ່ານເລຂາທິການໃຫຍ່ ຄະນະບໍລິຫານງານສູນກາງພັກປະຊາຊົນປະຕິວັດລາວ, ປະທານປະເທດ ສປປ.ລາວ ທອງລຸນ ສີສຸລິດ.
ຄາດວ່າໃນໄລຍະຢ້ຽມຢາມປະເທດ ລາວ, ທ່ານປະທານປະເທດ ຫວໍວັນເຖືອງ ຈະເຂົ້າຮ່ວມພິທີຕ້ອນຮັບຢ່າງເປັນທາງການ, ມີການພົບປະເຈລະຈາ ແລະ ພ້ອມກັບທ່ານເລຂາທິການໃຫຍ່, ປະທານປະເທດ ລາວ ເປັນສັກຂີພິຍານພິທີລົງນາມໃນເອກະສານຮ່ວມມື; ພົບປະກັບນາຍົກລັດຖະມົນຕີ ແລະ ປະທານສະພາແຫ່ງຊາດລາວ; ຕ້ອນຮັບທ່ານປະທານສູນກາງແນວລາວສ້າງຊາດ, ປະທານສູນກາງສະມາຄົມມິດຕະພາບລາວ-ຫວຽດນາມ; ເຂົ້າຮ່ວມພິທີຕ້ອນຮັບທ່ານເລຂາທິການໃຫຍ່, ປະທານປະເທດລາວ ຢ່າງເປັນທາງການ; ໄດ້ໄປຢ້ຽມຢາມສະຖານທູດຫວຽດນາມປະຈຳລາວ ແລະ ໄດ້ພົບປະກັບຜູ້ຕາງໜ້າຂອງປະຊາຄົມຊາວຫວຽດນາມຈຳນວນໜຶ່ງ.
 |
| ທ່ານປະທານປະເທດ ຫວໍວັນເຖືອງ |
ບັນດາການເຄື່ອນໄຫວສຳຄັນດັ່ງກ່າວ ຈະຊ່ວຍສ້າງກຳລັງແຮງໃໝ່ໃຫ້ແກ່ການຮ່ວມມືລະຫວ່າງ ຫວຽດນາມ - ລາວ ໃນທຸກຊ່ອງທາງ ແລະ ໃນຂົງເຂດການຮ່ວມມື; ປະກອບສ່ວນປະຕິບັດບັນດາຂໍ້ຕົກລົງຂັ້ນສູງລະຫວ່າງສອງພັກ ແລະ ສອງປະເທດຢ່າງມີປະສິດທິຜົນ, ໃນນັ້ນມີສັນຍາຮ່ວມມືຍຸດທະສາດຫວຽດນາມ - ລາວ ໄລຍະ 2021-2030 ແລະ ສັນຍາຮ່ວມມືສອງປະເທດຫວຽດນາມ - ລາວ ໄລຍະ 2021-2025.
ເນື່ອງໃນໂອກາດນີ້, ທ່ານເອກອັກຄະລັດຖະທູດຫວຽດນາມ ປະຈຳລາວ ຫງວຽນບ໊າຮຸ່ງ ໄດ້ໃຫ້ສຳພາດກ່ຽວກັບຄວາມໝາຍຂອງການຢ້ຽມຢາມລາວ ຂອງທ່ານປະທານປະເທດ ຫວໍວັນເຖືອງ.
ໂດຍໄດ້ຮັບຄຳເຊື້ອເຊີນຂອງທ່ານເລຂາທິການໃຫຍ່, ປະທານປະເທດ ສປປ.ລາວ ທອງລຸນ ສີສຸລິດ, ວັນທີ 10 ເມສາ, ທ່ານປະທານປະເທດ ຫວຽດນາມ ຫວໍວັນເຖືອງ ແລະ ຄະນະຜູ້ແທນຂັ້ນສູງ ຫວຽດນາມ ເລີ່ມຕົ້ນການຢ້ຽມຢາມ ສປປ.ລາວຢ່າງເປັນທາງການໃນເວລາ ສອງວັນ.
 |
| ທ່ານເອກອັກຄະລັດຖະທູດຫວຽດນາມ ປະຈຳລາວ ຫງວຽນບ໊າຮຸ່ງ |
ໂດຍຕອບສຳພາດຕໍ່ນັກຂ່າວສຳນັກຂ່າວສານ ຫວຽດນາມ ເນື່ອງໃນໂອກາດນີ້, ທ່ານເອກອັກຄະລັດຖະທູດ ຫວຽດນາມ ປະຈຳ ລາວ, ຫງວຽນບ໊າຮຸ່ງ ໄດ້ຢັ້ງຢືນວ່າ: ການຢ້ຽມຢາມດຳເນີນໃນສະພາບການພົວພັນລະຫວ່າງ ຫວຽດນາມ - ລາວ ພວມຢູ່ໃນທ່າພັດທະນາຢ່າງດີງາມ. ບັນດາຂໍ້ຕົກລົງຂອງການນຳຂັ້ນສູງສອງພັກ, ສອງລັດ, ບັນດາສັນຍາຮ່ວມມືສອງຝ່າຍພວມໄດ້ຮັບການຜັນຂະຫຍາຍຢ່າງຕັ້ງໜ້າລະຫວ່າງສອງປະເທດ ແລະ ບັນລຸໄດ້ໝາກຜົນສຳຄັນຫຼາຍຢ່າງໃນທຸກຂົງເຂດ. ເຖິງຢ່າງໃດກໍ່ຕາມ, ສະພາບການໂລກ ແລະ ພາກພື້ນ ພວມມີການຜັນແປຢ່າງສັບສົນ, ຍາກທີ່ຈະຄາດຄະເນລ່ວງໜ້າໄດ້, ກໍ່ຜົນປະທົບຫຼາຍແງ່ມູມຕໍ່ການພົວພັນລະຫວ່າງ ຫວຽດນາມ - ລາວ. ໃນສະພາບການນັ້ນ, ການຢ້ຽມຢາມລາວຂອງທ່ານປະທານປະເທດ ຫວໍວັນເຖືອງ ມີຄວາມໝາຍສຳຄັນທີ່ສຸດ, ສ້າງກຳລັງໜູນຢ່າງແຮງຕໍ່ການເພີ່ມທະວີປະສິດທິຜົນ ແລະ ຄວາມໝັ້ນຄົງຂອງການຮ່ວມມືສອງຝ່າຍ, ປະກອບສ່ວນເຮັດໃຫ້ການພົວພັນຮ່ວມມືຢ່າງຮອບດ້ານລະຫວ່າງ ຫວຽດນາມ ແລະ ລາວ ໃຫ້ມີປະສິດທິຜົນກ່ວາອີກ, ປະກອບສ່ວນເຂົ້າໃນການປັບປຸງສັນຕິພາບ, ຄວາມໝັ້ນຄົງ, ສະຖຽນລະພາບ ແລະ ການຮ່ວມມືໃນພາກພື້ນ ແລະ ໂລກ.
ຄຳຮຸ່ງ
