| ສື່ມວນຊົນລາວ ຍ້ອງຍໍສັນລະສັນ 93 ປີແຫ່ງວັນສ້າງຕັ້ງພັກກອມມູນິດ ຫວຽດນາມ | |
| ຫວຽດນາມ ແລະ Trinidad & Tobago ສ້າງຕັ້ງການພົວພັນທາງການທູດ |
ວັນທີ 18 ມີນາ, ສະຖານທູດ ຫວຽດນາມ ປະຈຳ ກຳປູເຈຍ ໄດ້ສົມທົບກັບໂຮງໝໍເຈີໄຣ - ພະນົມເປັນ, ສະມາຄົມຂະແມ - ຫວຽດນາມ ປະຈຳ ກຳປູເຈຍ ແລະ ອຳນາດການປົກຄອງທ້ອງຖິ່ນຈັດຕັ້ງໂຄງການກວດປິ່ນປົວພະຍາດໂດຍບໍ່ເສຍຄ່າໃຫ້ແກ່ປະຊາຊົນກຳປູເຈຍ ແລະ ຊາວເຊື້ອຊາດ ຫວຽດນາມ ຢູ່ເມືອງ Borebo, ແຂວງ Kampong Chhnang, ລາຊະອານາຈັກ ກຳປູເຈຍ.
 |
| ກວດປິ່ນປົວພະຍາດໂດຍບໍ່ເສຍຄ່າໃຫ້ແກ່ປະຊາຊົນກຳປູເຈຍ (ພາບ: TTXVN) |
ນີ້ແມ່ນການກວດປິ່ນປົວພະຍາດຄັ້ງທຳອິດໃນປີ 2023 ຂອງໂຮງໝໍເຈີໄຣ ພະນົມເປັນ ຕາມໂຄງການຮ່ວມມືຮັບປະກັນຊີວິດສັງຄົມ ໂດຍສະຖານທູດ ຫວຽດນາມ ປະຈຳກຳປູເຈຍ ປຸກລະດົມ. ມີພໍ່ແມ່ປະຊາຊົນ 500 ຄົນໃນນັ້ນມີ ຊາວກຳປູເຈຍ 250 ຄົນ ແລະ ຊາວເຊື້ອຊາດ ຫວຽດນາມ 250 ຄົນ ພວມດຳລົງຊີວິດຢູ່ບໍລິເວນເມືອງ Borebo, ແຂວງ Kampong Chhnang ເຂົ້າຮ່ວມໂຄງການ.
ກ່າວຄຳເຫັນທີ່ພິທີ່, ທ່ານເອກອັກຄະລັດຖະທູດ ຫວຽດນາມ ປະຈຳ ກຳປູເຈຍ ຫງວຽນຮູຍຕັງ ໄດ້ສົ່ງຄຳຂອບອົກຂອບໃຈໄປຍັງອຳນາດການປົກຄອງ ແຂວງ Kampong Chhnang, ແລະ ອຳນາດການປົກຄອງເມືອງ Borebo ທີ່ຍາມໃດກໍ່ມີຄວາມເອົາໃຈໃສ່ໜູນຊ່ວຍ, ສ້າງເງື່ອນໄຂໃຫ້ແກ່ຊາວເຊື້ອຊາດຫວຽດນາມ ໃນບໍລິເວນເພື່ອໃຫ້ມີການດຳລົງຊີວິດທີ່ເປັນປົກກະຕິ, ຂອບໃຈຊາວກຳປູເຈຍທີ່ໄດ້ຊ່ວຍເຫຼືອ, ແບ່ງປັນກັບພໍ່ແມ່ປະຊາຊົນເຊື້ອຊາດຫວຽດນາມ ໃນບໍລິເວນທ້ອງຖິ່ນ.
ໃນໂອກາດນີ້, ທ່ານເອກອັກຄະລັດຖະທູດ ຫວຽດນາມ ປະຈຳ ກຳປູເຈຍ ໄດ້ມອບຂອງຂວັນ 500 ພູດໃຫ້ແກ່ຜູ້ຕາງໜ້າບັນດາຄອບຄົວທີ່ປະສົບກັບຄວາມຫຍຸ້ງຍາກຢູ່ເມືອງ Borebo, ແຂວງ Kampong Chhnang, ລາຊະອານາຈັກ ກຳປູເຈຍ.
ນີ້ແມ່ນການກະທຳອັນສູງສົ່ງ, ມີຄວາມໝາຍມະນຸດສະທຳຢ່າງເລິກເຊິ່ງຂອງບັນດາແພດໝໍໂຮງໝໍເຈີໄຣ - ພະນົມເປັນ.
ບຸນຄົງ
