ສະມາຄົມ​ມິດຕະພາບ​ຫວຽດນາມ - ​ໄທ: ​ເພີ່ມ​ທະວີ​ການເຊື່ອມ​ຕໍ່​ວິ​ສາ​ຫະ​ກິດ, ການ​ພົບ​ປະ​ແລກປ່ຽນ​ປະຊາຊົນ

	ປະຊາຊົນ ຕວັກກີ ກໍຄືບັນດາທິມງານກູ້ໄພກູ້ຊີບສາກົນ ຕີລາຄາສູງຕໍ່ການເຄື່ອນໄຫວເບື້ອງຕົ້ນຂອງສອງໜ່ວຍງານກູ້ໄພກູ້ຊີບ ຫວຽດນາມ
	ຄວາມ​ສາມາດ​ບົ່ມ​ຊ້ອນ​ໃນ​ການ​ຮ່ວມ​ມື ​ແລະ ການ​ພົບ​ປະ​ແລກປ່ຽນ​ປະຊາຊົນ​ລະຫວ່າງ ຫວຽດນາມ ​ແລະ ອີຣານ ຍັງ​ຄົງ​ມີຫຼາຍຄວາມ​ໝັ້ນ​ໝາຍ

ຕອນ​ເຊົ້າ​ວັນ​ທີ 6 ມີນາ, ຢູ່​ຮ່າ​ໂນ້ຍ, ທ່ານ ຫງວຽນ​ວັນ​ແທ່ງ, ປະທານ​ສະມາຄົມ​ມິດຕະພາບ ຫວຽດນາມ - ​ໄທ ​ໄດ້​ມີ​ການ​ເຮັດ​ວຽກ​ກັບ​ຄະນະ​ຜູ້​ແທນ​ສະມາຄົມ​ມິດຕະພາບ​ໄທ - ຫວຽດນາມ ​ໂດຍ​ທ່ານ Sanan Angubolkul ປະທານ​ສະມາຄົມເປັນ​ຫົວ​ໜ້າ​ຄະ​ນະ. ສອງຝ່າຍ​ເຫັນ​ດີ​ເປັນ​ເອກະ​ພາບ​ຊຸກຍູ້​ບົດບາດ​ຂອງ​ສະມາຄົມ​ມິດຕະພາບ​ສອງ​ປະ​ເທດ​ໃນ​ການ​ເຊື່ອມ​ຕໍ່​ບັນດາ​ວິ​ສາ​ຫະກິດ, ພິ​ເສດ​ແມ່ນ​ວິ​ສາ​ຫະກິດ​ເອກະ​ຊົນ, ຊຸກຍູ້​ການ​ພົວພັນ​ແລກປ່ຽນ​ປະຊາຊົນ​ລະຫວ່າງ 2 ປະ​ເທດ.

ທີ່​ການ​ພົບ​ປະ, ການ​ນຳ​ສະມາຄົມ​ມິດຕະພາບ​ຫວຽດນາມ - ​ໄທ ​ໄດ້​ແຈ້ງ​ໃຫ້​ກັນ​ຊາບ​ກ່ຽວ​ກັບ​ໂຄງການ​ເຄື່ອນ​ໄຫວ​ປີ 2023, ​ແລະ ປຶກສາ​ຫາລື​ຫຼາຍ​ເນື້ອ​ໃນ​ການ​ຮ່ວມ​ມື​ 2 ຝ່າຍ ເມື່ອ 2 ປະເທດ​ສະ​ເຫຼີ​ມສະຫຼອງ 10 ປີ​ແຫ່ງ​ວັນ​ສ້າງ​ຕັ້ງການພົວພັນຮ່ວມມື​ຍຸດ​ທະ​ສາດ ​ລະ​ຫວ່າງ ຫວຽດ​ນາມ ແລະ ໄທ.

ການ​ເຮັດ​ວຽກ​ລະ​ຫວ່າງ​ສອງ​ຝ່າຍ (ພາບ: ທູ​ຮ່າ)

ຕາມ​ທ່ານ ຫງວຽນ​ວັນ​ແທ່ງ ​ແລ້ວ, ຄາດ​ວ່າ​ໃນ​ທ້າຍ​ໄຕ​ມາດ 3 ປີ 2023, ສະມາຄົມ​ຈະ​ເປັນ​ປະທານ​ກອງ​ປະຊຸມ​ປະຈຳ​ປີ​ລະຫວ່າງ 2 ສະມາຄົມ ​ຄັ້ງ​ທີ 12, ພ້ອມທັງສົມທົບ​ກັນ​ຈັດ​ຕັ້ງ​ງານ​ບຸນ​ມິດຕະພາບ​ປະຊາຊົນ​ສອງ​ປະ​ເທດ ​ຄັ້ງ​ທີ 2 . ທ້າຍ​ໄຕ​ມາດ​ 4 ປີ 2023, ສູນ​ກາງສະ​ມາ​ຄົມ​​ຈະ​ສົມທົບ​ກັບ​ສະ​ມາ​ຄົມ​ມິດ​ຕະ​ພາບ​ຫວຽດ​ນາມ - ໄທ ແຂວງ​ເທື່ອ​ທຽນ​ເຫ້ວ ຈັດ​ຕັ້ງ​ກອງ​ປະ​ຊຸມ​ວິ​ທະ​ຍາ​ສາດ.

ສູນກາງສະ​ມາ​ຄົມ​ໄດ້​ສືບຕໍ່ສົ່ງ​ເສີມ​ການ​ສ້າງ​ສະ​ມາ​ຄົມ​ມິດ​ຕະ​ພາບ ຫວຽດ​ນາມ - ໄທ ແຂວງ​ທ໊າຍງວຽນ, ປະ​ກອບ​ສ່ວນ​ຊຸກ​ຍູ້​ກາ​ນ​ພົວ​ພັນ​ມິດ​ຕະ​ພາບ, ການ​ຮ່ວມ​ມື​ລະ​ຫວ່າງ​ສອງ​ແຂວງ​ແຮກ​ສ່ຽວ ທ໊າຍງວຽນ ແລະ ອຸ​ດອນ​ທາ​ນີ. ຄາດ​ວ່າ​ ກາງ​ເດືອນ​ພຶດ​ສະ​ພາ ປີ 2023, ຈະ​ມີ​ຄະ​ນະ​ປະ​ຕິ​ບັດ​ງານ ສະ​ມາ​ຄົມ​ມິດ​ຕະ​ພາບ ຫວຽດ​ນາມ - ໄທ ໂດຍ​ປະ​ທານ​ສະ​ມາ​ຄົມ​ນຳ​ໜ້າ​ມາ​ຢ້ຽມຢາມ ແລະ ເຮັດ​ວຽກ​ຢູ່​ໄທ.

ໄປ​ຄຽງ​ຄູ່​ກັນ​ນັ້ນ, ທ່ານ ຫງວຽນ​ວັນ​ແທັງ ໃຫ້​ຮູ້​ວ່າ ໃນ​ສະ​ພາບ​ການ​ເກີດ​ບັນ​ດາ​ບັນ​ຫາ​ຄວາມ​ໝັ້ນ​ຄົງ​ແບບ​ໃໝ່​ຄື: ມົນ​ລະ​ພິດ, ໄພ​ທຳ​ມະ​ຊາດ, ພະ​ຍາດ​ໂຄວິດ - 19, ການ​ອົບ​ພະ​ຍົບ​ແບບ​ເສ​ລີ, ອາດ​ຊະ​ຍາ​ກຳ​ຂ້າ​ມ​ຊາດ, ການ​ຄ້າ​ມະ​ນຸດ, ອາດ​ຊະ​ຍາ​ກຳ​ເສດ​ຖະ​ກິດ​ສາ​ກົນ…ນັບ​ມື້​ນັບ​ເພີ່ມ​ຂຶ້ນ ໄດ້​ຮຽກ​ຮ້ອງ​ບັນ​ດາ​ປະ​ເທດ​ຕ້ອງ​ເປັນ​ເຈົ້າ​ການ​ຮ່ວມ​ມື, ພິ​ເສດ​ແມ່ນ​ໃນ​ຂົງ​ເຂດ​ການ​ທູດ​ປະ​ຊາ​ຊົນ, ເພື່ອ​ຮັບ​ມື, ຫຼຸດ​ຜ່ອນ​ຄວາມ​ສ່ຽງ​ຕໍ່​ບັນ​ດາ​ປະ​ເທດ, ເຂດ​ແຄ້ວນ ແລະ ປະ​ຊາ​ຄົມ​ປະ​ຊາ​ຊົນ.

​ທ່ານເນັ້ນ​ໜັກ​ວ່າ ​ເຖິງ​ວ່າ​ຈະ​ປະສົບ​ກັບ​ຄວາມ​ຫຍຸ້ງຍາກ ​ແລະ ສິ່ງ​ທ້າ​ທາຍ​ຫຼາຍ​ຢ່າງກໍ່ຕາມ, ​ແຕ່​ການ​ຮ່ວມ​ມື​ອັນ​ຍາວ​ນານ ​ແລະ ຄວາມ​ມານະ​ພະຍາຍາມ​ຂອງ​ລັດຖະບານ, ວິ​ສາ​ຫະກິດ ​ແລະ ປະຊາຊົນ ​ແມ່ນ​ພື້ນຖານ​ສຳຄັນ​ເພື່ອ​ສືບ​ຕໍ່​ນຳ​ການ​ພົວພັນ ຫວຽດນາມ - ​ໄທ ​ຂຶ້ນ​ສູ່​ບາດກ້າວ​ພັດທະນາ​ໃໝ່.

ກ່າວ​ຄຳ​ເຫັນ​ທີ່​ການ​ພົບ​ປະ, ທ່ານ Sanan Angubolkul, ປະທານ​ສະມາຄົມ​ມິດຕະພາບ​ໄທ - ຫວຽດນາມ, ປະທານ​ຫ້ອງ​ການການ​ຄ້າ ​ແລະ ສະພາ​ການ​ຄ້າ​ໄທ ຢືນຢັນ​ວ່າ ສະມາຄົມ​ສອງ​ປະ​ເທດ ມີ​ບົດບາດ​ສຳຄັນ​ໃນ​ການ​ຊຸກຍູ້ ​ແລະ ສົ່ງ​ເສີມການ​ພົວພັນ​ໄທ - ຫວຽດນາມ ໃນ​ທຸກ​ຂົງ​ເຂດ, ພິ​ເສດ​ແມ່ນ​ລະ​ຫວ່າງກຸ່ມ​ວິ​ສາ​ຫະ​ກິດ​ເອ​ກະ​ຊົນ ແລະ ການພົບ​ປະ​ແລກ​ປ່ຽນ​ປະ​ຊາ​ຊົນ​ລະ​ຫວ່າງ 2 ປະ​ເທດ.

ຂໍ້​ມູນ​ກ່ຽວ​ກັບ​ແຜນ​ການ​ດຳ​ເນີນ​ງານ​ຂອງ​ສະມາຄົມ​ມິດຕະພາບ​ໄທ - ຫວຽດນາມ ​ໃນ​ປີ 2023, ທ່ານ Sanan Angubolkul ​ໃຫ້​ຮູ້​ວ່າ ປະຈຸ​ບັນ, ຂໍ້​ຕົກລົງ​ຮ່ວມ​ມື​ລະຫວ່າງ​ແຂວງ ​ອຸດອນ​ທານີ (​ໄທ) ​ແລະ ​ແຂວງ​ທ໊າຍ​ງວຽນ (ຫວຽດນາມ) ພວມ​ລໍຖ້າ​ການ​ອະນຸມັດ. 2 ສະມາຄົມ​ຕ້ອງ​ກຽມພ້ອມ​ເພື່ອ​ໃຫ້​ພາຍຫຼັງ​ບົດ​ບັນທຶກ​ຄວາມ​ເຂົ້າ​ໃຈ (MOU) ກ່ຽວ​ກັບ​ການ​ຮ່ວມ​ມື​ລະຫວ່າງ 2 ທ້ອງ​ຖິ່ນ​ດັ່ງກ່າວ​ໄດ້​ຮັບ​ການ​ລົງ​ນາມ​, ບັນດາ​ໂຄງການ​ຮ່ວມ​ມື​ຈະສາມາດ​ໄດ້​ຮັບ​ການ​ຜັນ​ຂະຫຍາຍ​ຢ່າງ​ທັນ​ທີ. 2 ຝ່າຍ​ສາມາດ​ສົມທົບ​ກັນ​ຜັນ​ຂະຫຍາຍ​ບັນດາ​ການ​ເຄື່ອນ​ໄຫວ​ເຊື່ອມຕໍ່​ບັນດາ​ວິ​ສາ​ຫະກິດ​ຂະໜາດ​ກາງ ​ແລະ ນ້ອຍ​ຂອງ​ໄທ ​ແລະ ຫວຽດນາມ ​ໂດຍ​ໄວ; ບັນດາໂຄງ​ການກ່ຽວກັບ​ຜົນ​ປະ​ໂຫຍດ​ຂອງ​ປະຊາຄົມ...