ປະຊາຊົນ ຕວັກກີ ກໍຄືບັນດາທິມງານກູ້ໄພກູ້ຊີບສາກົນ ຕີລາຄາສູງຕໍ່ການເຄື່ອນໄຫວເບື້ອງຕົ້ນຂອງສອງໜ່ວຍງານກູ້ໄພກູ້ຊີບ ຫວຽດນາມ

	ສະຖານທູດຫວຽດນາມ ໜູນຊ່ວຍໜ່ວຍກູ້ໄພ ແລະ ເຮັດວຽກງານປົກປ້ອງພົນລະເມືອງ
	ກອງທັບນຳໃຊ້ທຸກທ່າແຮງເຂົ້າໃນການກອບກູ້ໄພພິບັດຢູ່ 6 ແຂວງພາກກາງ ແລະ ພາກໃຕ້

ທ່ານປະທານາທິບໍດີ ຊີຣີ Bashar al – Assad ໄດ້ເຫັນດີອະນຸຍາດໃຫ້ ສປຊ ຂົນສົ່ງເຄື່ອງຂອງອຸປະຖຳເຖິງເຂດຕາເວັນຕົກສ່ຽງເໜືອ ຊີຣີ ໂດຍຝ່າຍຄ້ານຄວບຄຸມຜ່ານດ່ານຊາຍແດນ

ປະຊາຊົນ ຕວັກກີ ກໍຄືບັນດາທິມງານກູ້ໄພກູ້ຊີບສາກົນ ຕີລາຄາສູງຕໍ່ການເຄື່ອນໄຫວເບື້ອງຕົ້ນຂອງສອງໜ່ວຍງານກູ້ໄພກູ້ຊີບ ຫວຽດນາມ, ບໍ່ພຽງແຕ່ກ່ຽວກັບກຳລັງຄວາມສາມາດເທົ່ານັ້ນ, ຫາກນັບທັງຄວາມດຸໝັ່ນຂະຫຍັນພຽນ, ຄວາມພະຍາຍາມໃນຕະຫຼອດໄລຍະທີ່ມີໜ້າຢູ່ສະຖານທີ່ເກີດເຫດອີກດ້ວຍ.

ໄລ່ຮອດເວລາ 14 ໂມງ (ຕາມເວລາ UTC) ຂອງວັນທີ 13 ກຸມພາ, ຈຳນວນຜູ້ເສຍຊີວິດຍ້ອນເຫດແຜ່ນດິນໄຫວຢູ່ ຕວກກີ ແລະ ຊີີຣີ ໄດ້ຂຶ້ນເຖິງກ່ວາ 37.000 ຄົນ. ຢູ່ຕວກກີ, ຄາດວ່າຜົນເສຍຫາຍຍ້ອນເຫດແຜ່ນດິນໄຫວອາດຈະຂຶ້ນເຖິງຕົວເລກກ່ວາ 84 ຕື້ USD.

ວັນທີ 15 ກຸມພາ, ຄະນະກູ້ໄພກູ້ຊີບຂອງກອງທັບປະຊາຊົນ ຫວຽດນາມ ໄດ້ເຂົ້າຮ່ວມການຊ່ວຍເຫຼືອແກ້ໄຂຜົນຮ້າຍຢ້ອນຫຼັງຈາກເຫດແຜ່ນດິນໄຫວຢູ່ແຂວງ Hatay, ຕວັກກີ, ໂດຍໄດ້ແບ່ງເປັນ 2 ໜ່ວຍງານ

ວັນທີ 13 ກຸມພາ, ທ່ານເລຂາທິການໃຫຍ່ ສປຊ Antonio Guterres ໃຫ້ຮູ້ວ່າ: ທ່ານປະທານາທິບໍດີ ຊີຣີ Bashar al – Assad ໄດ້ເຫັນດີອະນຸຍາດໃຫ້ ສປຊ ຂົນສົ່ງເຄື່ອງຂອງອຸປະຖຳເຖິງເຂດຕາເວັນຕົກສ່ຽງເໜືອ ຊີຣີ ໂດຍຝ່າຍຄ້ານຄວບຄຸມຜ່ານດ່ານຊາຍແດນ ສອງແຫ່ງເພີ່ມເຕີມຈາກ ຕວກກີ ໃນຮອບເວລາ 3 ເດືອນ. ສ່ວນຢູ່ ຕວກກີ, ວຽກງານກູ້ໄພກູ້ຊີບພວມໄດ້ດຳເນີນໄປຢ່າງຮີບດ່ວນ.

ວັນທີ 14 ກຸມພາ, ສະຖານທູດ ຫວຽດນາມ ປະຈຳ ຕວກກີ ໄດ້ຮັບພະນັກງານ, ທະຫານ ຫວຽດນາມ 76 ຄົນ ໄປເຂົ້າຮ່ວມວຽກງານກູ້ໄພກູ້ຊີບ ແລະ ຕິດຕໍ່ພົວພັນກັບອົງການປ້ອງກັນຄວາມສະຫງົບຢູ່ປະເທດປະຈຳຖິ່ນເພື່ອມີມາດຕະການຮັບປະກັນຄວາມປອດໄພໃຫ້ແກ່ຄະນະປະຕິບັດງານ ຫວຽດນາມ.

ໃນຂະນະນັ້ນ, ວັນທີ 13 ກຸມພາ, ພາຍຫຼັງໄປຮອດສະຖານທີ່ຮັບເຄາະຮ້າຍແຫ່ງໃໝ່ຈາກເຫດແຜ່ນດິນໄຫວຢູ່ເຮືອນເລກທີ 2801 ຖະໜົນ Yeni Sanayi, ນະຄອນ Adiyaman (ປະເທດ ຕວກກີ) ກຳລັງກູ້ໄພກູ້ຊີບຂອງກະຊວງຕຳຫຼວດ ຫວຽດນາມ ໄດ້ນຳໃຊ້ເຄື່ອງອຸປະກອນຊອກຫາດ້ວຍຣາດາ ເພື່ອຊອກຫາຜູ້ປະສົບເຄາະຮ້າຍ ແລະ ໄດ້ພົບເຫັນ 4 ຊາກສົບ. ຄະນະກູ້ໄພກູ້ຊີບ ຕຳຫຼວດ ຫວຽດນາມ ໄດ້ສົມທົບກັບບັນດາກົມກອງຂອງປະເທດປະຈຳຖິ່ນນຳໃຊ້ເຄື່ອງອຸປະກອນເພື່ອຮັບປະກັນ ແລະ ຊ່ວຍຍູ້ໄວຄວາມຄືບໜ້າໃນການຊອກຫາກູ້ໄພກູ້ຊີບ. ຢູ່ສະຖານທີ່ເກີດເຫດ, ຊາວ ຕວກກີ ມີຄວາມສະເທືອນໃຈໂດຍແບ່ງປັນວ່າ:

“ຂ້າພະເຈົ້າຂໍສະແດງຄວາມຂອບອົກຂອບໃຈພວກເພື່ອນທີ່ໄດ້ມາຊ່ວຍເຫຼືອ, ກອບກູ້ເອົາຊີວິດ ບັນດາຜູ້ປະສົບເຄາະຮ້າຍ”.

ກ່ອນໜ້ານັ້ນ, ຢູ່ຖະໜົນ 531, Adiyaman Merkez, ນະຄອນ Adiyaman, ກຳລັງກູ້ໄພກູ້ຊີບຂອງກະຊວງຕຳຫຼວດໄດ້ສົມທົບກັບກອງກູ້ໄພກູ້ຊີບຂອງກອງທັບ ປາກິດສະຖານ ໄດ້ກອບກູ້ເອົາຊີວິດຂອງເດັກຊາຍອາຍຸ 14 ປີ ແລະ ນຳ 2 ຊາກສົບອອກຈາກຊາກຫັກພັງດັ່ງກ່າວ.

ວັນທີ 15 ກຸມພາ, ຄະນະກູ້ໄພກູ້ຊີບຂອງກອງທັບປະຊາຊົນ ຫວຽດນາມ ໄດ້ເຂົ້າຮ່ວມການຊ່ວຍເຫຼືອແກ້ໄຂຜົນຮ້າຍຢ້ອນຫຼັງຈາກເຫດແຜ່ນດິນໄຫວຢູ່ແຂວງ Hatay, ຕວັກກີ, ໂດຍໄດ້ແບ່ງເປັນ 2 ໜ່ວຍງານ ເພື່ອຊຸກຍູ້ວຽກງານຊອກຫາຜູ້ປະສົບເຄາະຮ້າຍ. ກຳລັງຂອງກອງທັບປະຊາຊົນ ຫວຽດນາມ ໄດ້ດຳເນີນການສືບສວນ 8 ບ່ອນ, ໃນນັ້ນ ພົບເຫັນ 3 ບ່ອນມີຜູ້ປະສົບເຄາະຮ້າຍ. ໃນວັນດຽວກັນ, ທ່ານ ໂດະເຊີນຫາຍ ເອກອັກຄະລັດຖະທູດ ຫວຽດນາມ ປະຈຳ ຕວັກກີ ໃຫ້ຮູ້ວ່າ ປະຊາຊົນ ຕວັກກີ ກໍຄືບັນດາທິມງານກູ້ໄພກູ້ຊີບສາກົນ ຕີລາຄາສູງຕໍ່ການເຄື່ອນໄຫວເບື້ອງຕົ້ນຂອງສອງໜ່ວຍງານກູ້ໄພກູ້ຊີບ ຫວຽດນາມ, ບໍ່ພຽງແຕ່ກ່ຽວກັບກຳລັງຄວາມສາມາດເທົ່ານັ້ນ, ຫາກນັບທັງຄວາມດຸໝັ່ນຂະຫຍັນພຽນ, ຄວາມພະຍາຍາມໃນຕະຫຼອດໄລຍະທີ່ມີໜ້າຢູ່ສະຖານທີ່ເກີດເຫດອີກດ້ວຍ.

ສຳລັບການເຄື່ອນໄຫວຊ່ວຍເຫຼືອ, ສະຖານທູດ ຫວຽດນາມ ປະຈຳ ຕວັກກີ ແລະ ສະຖານທູດ ຫວຽດນາມ ປະຈຳ ອີຣານ ທັງຮັບຜິດຊອບ ຊີຣີ ຫາກໍສົ່ງຈົດໝາຍຢື້ຢາມຖາມຂ່າວ ແລະ ແຈ້ງໃຫ້ລັດຖະບານປະເທດປະຈຳຖິ່ນຮັບຊາບວ່າ ກ່ຽວກັບເລື່ອງລັດຖະບານ ຫວຽດນາມ ຕົກລົງໜູນຊ່ວຍເງິນໃຫ້ ຕວັກກີ ແລະ ຊີຣີ ປະເທດລະ 100.000 USD.