| ຫວຽດນາມ ແມ່ນສະຖານທີ່ເຊິ່ງນັກທ່ອງທ່ຽວກຳປູເຈຍ ນິຍົມທີ່ສຸດຢູ່ອາຊີຕາເວັນອອກສ່ຽງໃຕ້ | |
| ຊຸກຍູ້ການຮ່ວມມືຫວຽດນາມ - ນອກແວ |
ທີ່ການພົບປະ, ທ່ານລັດຖະມົນຕີການຕ່າງປະເທດ ບູຍແທັງເຊີນ ໄດ້ໃຫ້ການຕ້ອນຮັບການເຂົ້າຢ້ຽມຢາມ ຂອງທ່ານລັດຖະມົນຕີກະຊວງການຕ່າງປະເທດ ນອກແວ; ຢືນຢັນວ່າ ຫວຽດນາມ ຖືເປັນສຳຄັນການຮ່ວມມືທີ່ເປັນມູນເຊື້ອກັບ ນອກແວ ແລະ ສະແດງຄວາມຊົມຊື່ນວ່າ 2 ຝ່າຍໄດ້ພັດທະນາການພົວພັນອັນດີງາມໃນຫຼາຍຂົງເຂດ, ທັງໃນຂົງເຂດສອງຝ່າຍ ແລະ ຫຼາຍຝ່າຍ.
ໂດຍຕີລາຄາວ່າ ຫວຽດນາມ ແລະ ນອກແວ ມີຄວາມສາມາດບົ່ມຊ້ອນຫຼາຍຢ່າງ ໃນການຮ່ວມມືໃນໄລຍະຈະມາເຖິງ, ທ່ານລັດຖະມົນຕີ ບູຍແທັງເຊີນ ສະເໜີໃຫ້ສອງກະຊວງການຕ່າງປະເທດ ສືບຕໍ່ສົມທົບກັນຢ່າງແໜ້ນແຟ້ນ, ຊຸກຍູ້ການແລກປ່ຽນຄະນະຜູ້ແທນທຸກຂັ້ນ; ຊຸກຍູ້ວິວັດການເຈລະຈາສັນຍາການຄ້າເສລີ (FTA) ລະຫວ່າງຫວຽດນາມ ແລະ ກຸ່ມ EFTA (ປະກອບມີ 4 ປະເທດ ໄອແລນ, ເລັກເຕນສະເຕນ, ນອກແວ, ສະວິດ).
 |
| ທ່ານລັດຖະມົນຕີການຕ່າງປະເທດ ບູຍແທັງເຊີນ ໄດ້ໃຫ້ການຕ້ອນຮັບການເຂົ້າຢ້ຽມພົບປະຂອງທ່ານລັດຖະມົນຕີກະຊວງການຕ່າງປະເທດ ນອກແວ |
ທ່ານລັດຖະມົນຕີການຕ່າງປະເທດ ນອກແວ Erling Rimestad ໄດ້ສະແດງຄວາມຍິນດີທີ່ມາຢ້ຽມຢາມຫວຽດນາມ, ໃນສະພາບການມິດຕະພາບທີ່ເປັນມູນເຊື້ອອັນດີງາມລະຫວ່າງສອງປະເທດ; ຢືນຢັນວ່າ ນອກແວ ຖື ຫວຽດນາມ ແມ່ນຄູ່ຮ່ວມມືບຸລິມະສິດ ຢູ່ອາຊີຕາເວັນອອກສ່ຽງໃຕ້ ແລະ ປາດຖະໜາຢາກຮັດແໜ້ນການພົວພັນລະຫວ່າງ 2 ປະເທດ ໃຫ້ແໜ້ນແຟ້ນກ່ວາອີກ.
ບົນພື້ນຖານການພົວພັນອັນດີງາມໃນປະຈຸບັນ, ທ່ານລັດຖະມົນຕີການຕ່າງປະເທດ Erling Rimestad ສະແດງຄວາມເຫັນດີເປັນເອກະພາບ ຈະສືບຕໍ່ຊຸກຍູ້ການພົວພັນດ້ານການເມືອງ ແລະ ແລກປ່ຽນຄະນະຜູ້ແທນທຸກຂັ້ນ; ພະຍາຍາມເຈລະຈາບົນຈິດໃຈທີ່ມີໄຫວພິບ ແລະ ຕ່າງຝ່າຍຕ່າງມີຜົນປະໂຫຍດເພື່ອສາມາດລົງນາມໃນສັນຍາ EFTA; ເປີດກວ້າງການຮ່ວມມືກັບບັນດາຂົງເຂດທີ່ມີຄວາມສາມາດບົ່ມຊ້ອນ ແລະ ຕ່າງຝ່າຍຕ່າງມີຄວາມສົນໃຈກ່ຽວກັບມະຫາສະໝຸດ, ການປ່ຽນແປງຂອງດິນຟ້າອາກາດ, ການຫັນປ່ຽນດ້ານພະລັງງານ ແລະ ເສດຖະກິດສີຂຽວ, ພິເສດແມ່ນໃນສະພາບທີ່ 2 ປະເທດໄດ້ເຂົ້າຮ່ວມສັນຍາຄູ່ຮ່ວມມືການຫັນປ່ຽນດ້ານພະລັງງານຢ່າງສະເໝີພາບ (JETP).
2 ຝ່າຍເຫັນດີສືບຕໍ່ຊຸກຍູ້ການຮ່ວມມື ແລະ ສະໜັບສະໜູນເຊິ່ງກັນ ແລະ ກັນຢູ່ບັນດາເວທີປາໄສຫຼາຍຝ່າຍ, ພິເສດແມ່ນຢູ່ກົນໄກສະຫະປະຊາຊາດ ກໍ່ຄື ໃນຂອບການຮ່ວມມືລະຫວ່າງ ອາຊຽນ ແລະ ນອກແວ.
ຄຳຮຸ່ງ
