ໂດຍປະຕິບັດຕາມຄຳຊີ້ນຳຂອງນາຍົກລັດຖະມົຕີ ກ່ຽວກັບການຢຸດຕິສະພາບການກ່ຳປັ່ນຫາປາຂຸດຄົ້ນແບບຜິດກົດໝາຍກ່ອນວັນທີ 31 ມີນາ ປີ 2023, ບັນດາກະຊວງ, ຂະແໜງການ, ກຳລັງທີ່ມີໜ້າທີ່ຮັບຜິດຊອບ, ທ້ອງຖິ່ນ ໄດ້ ແລະ ພວມຕັ້ງໜ້າເຂົ້າຮ່ວມ ແລະ ຜັນຂະຫຍາຍແຜນການກະທຳຢ່າງຂ້ຽວຂາດໃນໄລຍະ 180 ວັນ ຕັດສິນໃຈແກ້ບັດເຫຼືອງຂອງຄະນະກຳມະການເອີລົບ (EC) ວ່າດ້ານການຕ້ານການຂຸດຄົ້ນສິນທະເລແບບຜິດກົດມາຍ, ບໍ່ລາຍງານ, ບໍ່ປະຕິບັດຕາມຂໍ້ກຳນົດ (IUU), ມຸ່ງໄປເຖິງການຢຸດຕິສະພາບການກຳປັ່ນລະເມີດເຂດທະເລຕ່າງປະເທດຂຸດຄົ້ນແບບຜິດກົດໝາຍ.
ຫວ່າງມໍ່ມານີ້, ຄະນະປະຕິບັດງານຂອງກອງບັນຊາການຕຳຫຼວດທະເລ ຫວຽດນາມ ພ້ອມກັບຜູ້ຕາງໜ້າຂອງ 7 ແຂວງພາກໃຕ້ທາງທິດຕາເວັນຕົກ ໄດ້ລົງກວດກາ, ສຳຫຼວດ, ກຳແໜ້ນສະພາບການປະຕິບັດການຂຸດຄົ້ນ (IUU) ເຂດທະເລຊາຍແດນລະຫວ່າງສາມປະເທດ ຫວຽດນາມ - ໄທ - ມາເລເຊຍ.
 |
| ຄະນະປະຕິບັດງານ ມອບຂອງຂວັນໃຫ້ແກ່ຊາວປະມົງ (ພາບ: vov.vn) |
ຢູ່ເຂດທະເລດັ່ງກ່າວ ໃນຊຸມວັນທ້າຍເດືອນກຸມພາ, ມີພາຍຸລົມແຮງ, ຄື້ນຂຶ້ນສູງ ແຕ່ບັນດານາຍຕຳຫຼວດ, ລູກເຮືອນຢູ່ກຳປັ່ນຂອງກຳລັງຕຳຫຼວດທະເລ ແລະ ກວດກາການປະມົງ ຫວຽດນາມ ຍັງຢຶດໝັ້ນອົດທົນຕໍ່ກັບຄຶ້ນທະເລ, ຢືນຢູ່ລຽບຕາມເສັ້ນຊາຍແດນທະເລ ເພື່ອໂຄສະນາໃຫ້ແກ່ພໍ່ແມ່ປະຊາຊົນທີ່ພວມຂຸດຄົ້ນສິນທະເລຢູ່ເຂດນີ້.
ທ້າວ ຫງວຽນຄັກບິ່ງ, ຫົວໜ້າທິມກຳປັ່ນ KN267 ໃຫ້ຮູ້ວ່າ ຖ້າທຽບໃສ່ກັບເມື່ອກ່ອນ, ປັດຈຸບັນສ່ວນຫຼາຍພໍ່ແມ່ປະຊາຊົນມີສະຕິຄວາມຮັບຮູ້ ປະຕິບັດບັນດາຂໍ້ກຳນົດກ່ຽວກັບການຫາປາເປັນຢ່າງດີ, ສົມທົບກັບກຳລັງກວດກາການປະມົງ. ເຖິງຢ່າງໃດກໍ່ຕາມ ຍັງມີກ່ຳປັ່ນຫາປາທີ່ມີເຈດຕະນາເຂົ້າໄປຍັງເຂດຫວງຫ້າມເພື່ອຫາສິນໃນນ້ຳ, ກຳປັ່ນ KN267 ແລະ ບັນດາກຳປັ່ນລຳຕ່າງໆໄດ້ລົງກວດກາ ແລະ ໂຄສະນາເຜີຍແຜ່ໃຫ້ແກ່ພໍ່ແມ່ປະຊາຊົນເພື່ອເຂົ້າໃຈແຈ້ງກ່ຽວກັບການລະເມີດຂໍ້ກຳນົດໃນການຂຸດຄົ້ນ IUU ພ້ອມກັບຜົນຕາມມາ ເພື່ອໃຫ້ພໍ່ແມ່ປະຊາຊົນປະຕິບັດເປັນຢ່າງດີກວ່າອີກ.
ໃນເວລາປະຕິບັດການລາດຕະເວນກວດກາ, ພວກຂ້າພະເຈົ້າໄດ້ປະຕິບັດບັນດາມາດຕະການໂຄສະນາຢ່າງເປັນປະຈຳ ຄືຂຶ້ນໄປກຳປັ່ນຂອງພໍ່ແມ່ປະຊາຊົນໂດຍກົງເມື່ອມີເງື່ອນໄຂອາກາດທີ່ດີ. ເມື່ອມີຝົນຕົກລົມແຮງ, ພວກຂ້າພະເຈົ້າໄດ້ໂຄສະນາຜ່ານເຄື່ອງສົ່ງສຽງ, ກະຈາຍສຽງ ເພື່ອໃຫ້ພໍ່ແມ່ປະຊາຊົນກຳແໜ້ນບັນດາເຂດຫວງຫ້າມຫາປາ” ທ້າວ ຫງວຽນຄັກບິ່ງ ໃຫ້ຮູ້.
ການລົງກວດກາບັນດາກຳປັ່ນໂດຍກົງຂອງກຳລັງຕຳຫຼວດທະເລ, ກວດກາການປະມົງ… ເພື່ອປະຕິບັດບັນດາໜ້າທີ່ທາງທະເລ, ລົງກຳປັ່ນຫາປາຂອງຊາວປະມົງທີ່ພວມຂຸດຄົ້ນຢູ່ເຂດຊາຍທະເລທີ່ຕິດກັບປະເທດອື່ນ, ຄະນະປະຕິບັດງານໄດ້ຮັບຮູ້ ແລະ ຍ້ອງຍໍຊົມເຊີຍບັນດາໝາກຜົນເຊິ່ງພະນັກງານ, ນັກຮົບ, ລູກເຮືອຂອງກຳປັ່ນດັ່ງກ່າວບັນລຸໄດ້ກໍ່ຄືການສະຕິຄວາມຮັບຜິດຊອບໃນການປະຕິບັດຕາມກົດໝາຍ ແລະ ຂໍ້ກຳນົດວ່າດ້ວຍການຂຸດຄົ້ນຂອງພໍ່ແມ່ປະຊາຊົນໃນໄລຍະຜ່ານມາ.
ບຸນຄົງ
