 | |
|
ນະທີ່ນີ້, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ປາດຖະໜາວ່າ ໂຮນລັງ ແລະ ບໍລິສັດຄຸ້ມຄອງທ່າກ່ຳປັ່ນ Rotterdam ຮ່ວມມືກັບ ຫວຽດນາມ ໃນຂົງເຂດຂົນສົ່ງທາງທະເລ ແລະ ທ່າກ່ຳປັ່ນທະເລ. ທ່ານນາຍົກລັດຖະມົນຕີ ສະເໜີໃຫ້ ບໍລິສັດຄຸ້ມຄອງທ່າກ່ຳປັ່ນ Rotterdam ສົມທົບກັບບັນດາກະຊວງ, ຂະແໜງການ, ທ້ອງຖິ່ນຕ່າງໆຂອງ ຫວຽດນາມ ສືບຕໍ່ຄົ້ນຄວ້າຄວາມສາມາດບົ່ມຊ້ອນກ່ຽວກັບທີ່ຕັ້ງພູມສາດ, ປະລິມານສິນຄ້າ… ຂອງ ຫວຽດນາມ ແລະ ພາກພື້ນ; ດ້ວຍຄວາມປາດຖະໜາຢາກສ້າງທ່າກ່ຳປັ່ນຄ່ຽນຖ່າຍສິນຄ້າສາກົນ ຢູ່ ຫວຽດນາມ ທີ່ມີຄວາມເຂັ້ມແຂງຢ່າງພຽງພໍເພື່ອແກ້ງແຍ້ງກັບບັນດາສູນຄ່ຽນຖ່າຍສິນຄ້າໃນພາກພື້ນ.
ຕາມທ່ານນາຍົກລັດຖະມົນຕີ ຟ້າມມິງຈິ໊ງ ແລ້ວ, ວົງເງິນນຳເຂົ້າ ແລະ ສົ່ງອອກຂອງຫວຽດນາມ ຈະບັນລຸ 700 ຕື້ USD ໃນປີ 2022; ຕັ້ງຢູ່ໃນເສັ້ນທາງຂົນສົ່ງລະຫວ່າງປະເທດທີ່ມີຫຼາຍກວ່າ 60% ຂອງສິນຄ້າຂອງໂລກຜ່ານພາກພື້ນ. ເມື່ອຕອບຄຳຊັກຖາມຂອງນາຍົກລັດຖະມົນຕີ ກ່ຽວກັບວ່າ ຫວຽດນາມ ສາມາດສ້າງທ່າເຮືອຂົນສົ່ງສາກົນໄດ້ຫຼືບໍ່ ແລະ ບໍລິສັດຄຸ້ມຄອງທ່າເຮືອ Rotterdam ສາມາດຮ່ວມມືກໍ່ສ້າງທ່າກຳປັ່ນຂົນສົ່ງສາກົນໄດ້, ຜູ້ຕາງໜ້າທ່າກຳປັ່ນ Rotterdam ໃຫ້ຮູ້ວ່າ, ຫວຽດນາມ ມີທ່າແຮງ ແລະ ສາມາດສ້າງທ່າກຳປັ່ນຂົນສົ່ງໂລກໄດ້. ບໍລິສັດຄຸ້ມຄອງທ່າເຮືອ Rotterdam ປາດຖະໜາຢາກຮ່ວມມືກັບຫວຽດນາມ ພັດທະນາທ່າເຮືອຢູ່ ຫວຽດນາມ, ແຕ່ຕ້ອງສົມທົບກັນ, ຄົ້ນຄວ້າ ແລະ ພິຈາລະນາວິທີການ ແລະ ຂອບຂະໜາດການຮ່ວມມື.
ນີ້ແມ່ນການເຄື່ອນໄຫວສຸດທ້າຍຂອງທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໃນການຢ້ຽມຢາມລາຊະອານາຈັກ ໂຮນລັງ. ຫຼັງຈາກນັ້ນ, ທ່ານນາຍົກລັດຖະມົນຕີ ຟ້າມມິງຈິງ ພ້ອມດ້ວຍຄະນະຜູ້ແທນຂັ້ນສູງ ຫວຽດນາມ ຈະເດີນທາງໄປຢ້ຽມຢາມລາຊະອານາຈັກ ແບນຊິກ ຢ່າງເປັນປະທາງການ, ເຂົ້າຮ່ວມກອງປະຊຸມສຸດຍອດ ສະເຫຼີມສະຫຼອງວັນສ້າງຕັ້ງສາຍພົວພັນ ອາຊຽນ - ສະຫະພາບເອີຣົບ (ອີຢູ) ຄົບຮອບ 45 ປີ ຢູ່ ແບນຊິກ.
vovworld.vn
