| ທະນາຄານໂລກ: ຄາດຄະເນວ່າ ເສດຖະກິດ ຫວຽດນາມ ຈະເຕີບໂຕ 7,5% ໃນປີ 2022 | |
| ໜັງສືພິມເຢຍລະມັນ: ຫວຽດນາມ ພັດທະນາໃນພື້ນຖານທີ່ໝັ້ນຄົງ |
ເພື່ອຮັກສາອັດຕາແລກປ່ຽນເງິນຕາ ແລະ ມູນຄ່າເງິນກີບເປັນປົກກະຕິ, ທະນາຄານແຫ່ງ ສປປ.ລາວ (BOL) ໄດ້ອອກມະຕິສະບັບໃໝ່ ກ່ຽວກັບການກຳນົດອັດຕາແລກປ່ຽນ ເພື່ອຊີ້ນຳໃຫ້ບັນດາທະນາຄານການຄ້າ ໃນການດຳເນີນທຸລະກິດເງິນຕາຕ່າງປະເທດ.
ຂໍ້ກຳນົດຂອງ BOL ອະນຸຍາດໃຫ້ທະນາຄານການຄ້າ ມີຄ່າເໜັງຕີງຢ່າມີໄຫວພິບໃນການຊື້-ຂາຍເງິນຕາຕ່າງປະເທດ, ຈາກນັ້ນຈະຊ່ວຍຮັກສາຄ່າເງິນກີບເປັນປົກກະຕິ. ລະອຽດ, ທະນາຄານການຄ້າ ໄດ້ຮັບອະນຸຍາດໃຫ້ກໍານົດອັດຕາແລກປ່ຽນໃນແຕ່ລະມື້ໂດຍອີງໃສ່ອັດຕາອ້າງອີງທີ່ BOL ກໍານົດ.
 |
ທະນາຄານແຫ່ງ ສປປ.ລາວ ພະຍາຍາມຮັກສາອັດຕາແລກປ່ຽນເງິນຕາໃຫ້ເປັນປົກກະຕິ. (ພາບ: Laoedaily) |
ຕາມນັ້ນແລ້ວ, ອັດຕາການຊື້-ຂາຍເງິນກີບ/USD ຂອງທະນາຄານການຄ້າ ຈະບໍ່ໄດ້ຜິດດ່ຽງກັນຫຼາຍກ່ວາ +/-4.5% ເມື່ອທຽບໃສ່ອັດຕາອ້າງອີງຂອງ BOL.
ການກຳນົດໃຫມ່ ບໍ່ໄດ້ຈໍາກັດລະດັບການເໜັງຕີງຜິດດ່ຽງໃນອັດຕາແລກປ່ຽນ ລະຫວ່າງເງິນກີບ ແລະ ເອີໂຣ, ບາດ, ຢຽນ ແລະ ສະກຸນເງິນອື່ນໆ, ອະນຸຍາດໃຫ້ມີການແຕກຕ່າງກັບອັດຕາອ້າງອີງຂອງ BOL.
ຢ່າງໃດກໍ່ຕາມ, ໃນຂໍ້ກຳນົດບັນດາອັດຕາແລກປ່ຽນເງິນຕາທັງຫມົດ, ຊ່ອງຫວ່າງລະຫວ່າງອັດຕາການຊື້ ແລະ ການຂາຍບໍ່ຄວນເກີນ 1%. ໃນແຕ່ລະມື້, ບັນດາທະນາຄານການຄ້າ ມີໜ້າທີ່ລາຍງານມູນຄ່າການຊື້ຂາຍເງິນຕາຕ່າງປະເທດ ໃຫ້ທະນາຄານແຫ່ງລັດ, ໂດຍມີບົດລາຍງານແຍກຕ່າງຫາກ ສໍາລັບແຕ່ລະສະກຸນເງິນ.
ສື່ມວນຊົນລາວລາຍງານວ່າ ໃນຊຸມປີທີ່ຜ່ານມາ, ເພື່ອຮັກສາລະດັບອັດຕາແລກປ່ຽນເງິນຕາເປັນປົກກະຕິ, ເງິນກີບ ແລະ ສະກັດກັ້ນອັດຕາເງິນເຟີ້, BOL ໄດ້ປະຕິບັດມາດຕະການຫຼາຍຢ່າງ. ໃນເດືອນແລ້ວນີ້, BOL ກໍໄດ້ຮຽກຮ້ອງໃຫ້ຫົວໜ່ວຍແລກປ່ຽນເງິນຕາ 113 ແຫ່ງທີ່ຂຶ້ນກັບທະນາຄານການຄ້າ ຢຸດການດຳເນີນທຸລະກິດ ຫຼັງຈາກໄດ້ຖອນໃບອະນຸຍາດດຳເນີນທຸລະກິດ.
ໃນປີ 2023, ລັດຖະບານລາວ ໄດ້ໃຫ້ຄໍາໝັ້ນສັນຍາຈະເຮັດການແລກປ່ຽນເງິນຕາເຄັ່ງຄັດຕື່ມອີກ ໂດຍອີງໃສ່ກົນໄກທາງດ້ານຕະຫຼາດ ແຕ່ພາຍໃຕ້ການຄຸ້ມຄອງຂອງລັດ. ຕາມນັ້ນແລ້ວ, ລັດຖະບານລາວ ຈະບັງຄັບໃຊ້ກົດໝາຍວ່າດ້ວຍການຄຸ້ມຄອງເງິນຕາຕ່າງປະເທດ ໂດຍອະນຸຍາດໃຫ້ທະນາຄານການຄ້າສາມາດຊື້-ຂາຍເງິນຕາຕ່າງປະເທດໄດ້ ແລະ ຢຸດຕິການຊື້ຂາຍໃນຫົວໜ່ວຍແລກປ່ຽນເງິນຕາ ທີ່ບໍ່ເປັນທາງການ.
ລັດຖະບານລາວ ຈະເພີ່ມທະວີການຄວບຄຸມແຫລ່ງເງິນຕ່າງປະເທດ ທີ່ໄດ້ຮັບຈາກການສົ່ງອອກ ແລະ ກະແສຂອງເງິນຕາຕ່າງປະເທດ ຈາກການລົງທຶນຕ່າງປະເທດໃຫ້ຫລາຍຂຶ້ນ ເພື່ອນຳເງິນຕາຕ່າງປະເທດ ເຂົ້າສູ່ລະບົບທະນາຄານຫລາຍຂຶ້ນ.
ຄຳຮຸ່ງ
