| ຫວຽດນາມ ມອບເຄື່ອງອຸປະກອນການແພດ 2 ໂຕນໃຫ້ແກ່ ຕວກກີ | |
| ແບ່ງປັນບົດຮຽນປະສົບການສ້າງ ແລະ ປະຕິບັດນະໂຍບາຍພັດທະນາຊາວໜຸ່ມພາກພື້ນ ອາຊຽນ |
 |
| ພະນັກງານຫວຽດນາມ ມອບເຄື່ອງໃຫ້ແກ່ຊາວຕວັກກີ (ພາບ: TTXVN) |
ບັນດາຖ້ຽວຂົນສົ່ງເຄື່ອງທີ່ເຕັມໄປດ້ວຍນ້ຳໃຈສາມັກຄີ, ການແບ່ງປັນໃນເຫດໄພພິບັດ
ເຫດໄພພິບັດທີ່ໂຫດຮ້າຍຢູ່ ຕວັກກີ ແລະ ຊີຣີ ເຮັດໃຫ້ມີຜູ້ເສຍຊີວິດນັບໝຶ່ນຄົນ ແລະ ຜູ້ຕົກເຂົ້າສູ່ສະພາບການບໍ່ມີບ່ອນພັກພາອາໄສນັບແສນຄົນ. ດ້ວຍຈິດໃຈ “ຮັກແພງຊ່ວຍເຫຼືອເຊິ່ງກັນແລະກັນ”. ຫວຽດນາມ ໄດ້ຮ່ວມແຮງຮ່ວມໃຈພ້ອມກັບປະຊາຄົມສາກົນສະໜອງການຊ່ວຍເຫຼືອທີ່ຈຳເປັນເພື່ອຊ່ວຍເຫຼືອປະຊາຊົນຕວັກກີ ຜ່ານຜ່າໄລຍະປະສົບກັບຄວາມຫຍຸ້ງຍາກຄືໃນປັດຈຸບັນ
ທ່າມກາງອາກາດທີ່ໜາວຈັດ, ເຄື່ອງຂອງໜູນຊ່ວຍເຊິ່ງຄະນະປະຕິບັດງານ ກອງທັບປະຊາຊົນ ຫວຽດນາມ ເຂົ້າຮ່ວມວຽກງານກູ້ໄພກູ້ຊີບສົ່ງໃຫ້ປະຊາຊົນຢູ່ແຂວງ Hatay - ໜຶ່ງໃນ 3 ທ້ອງຖິ່ນທີ່ໄດ້ຮັບຜົນເສຍຫາຍຢ່າງໜັກໜ່ວງທີ່ສຸດພາຍຫຼັງເຫດແຜ່ນດິນໄຫວທີ່ເກີດຂຶ້ນໃນວັນທີ 6 ກຸມພາ ທີ່ຜ່ານມາ ຄືຂອງຂວັນທີ່ອົບອຸ່ນ, ເຕັມໄປດ້ວຍນ້ຳໃຈສາມັກຄີ, ແບ່ງປັນຂອງລັດຖະບານ, ປະຊາຊົນ ຫວຽດນາມ ດ້ວຍຄວາມຫວັງຕວັກກີ ຈະຜ່ານຜ່າຄວາມເຈັບປວດ, ຄວາມເສຍຫາຍຢ່າງໜັກໜ່ວງນີ້ໂດຍໄວ.
ເມື່ອແບ່ງປັນກັບນັກຂ່າວສານ ຫວຽດນາມ ທີ່ໄດ້ລົງຂ່າວຈາກ Hatay ເມື່ອມາຮັບເຄື່ອງໜູນຊ່ວຍຂອງຄະນະປະຕິບັດງານກອງທັບປະຊາຊົນ ຫວຽດນາມ, ອ້າຍ Levent Cetin ຊາວບ້ານ Gorentas ແຂວງ Hatay ຮູ້ສຶກຕື້ນຕັນໃຈ ເມື່ອໄດ້ຮັບຂອງຂວັນທີ່ເຕັມໄປດ້ວຍນ້ຳໃຈຈາກຫວຽດນາມ. ອ້າຍໃຫ້ຮູ້ວ່າ ຄອບຄົວຂອງອ້າຍ ແລະ ທຸກຄົນ ປັດຈຸບັນພວມຕ້ອງພັກຊົ່ວຄາວຢູ່ຕູບຕ່າງໆ ແລະ ບໍ່ມີຜູ້ໃດກ້າກັບເມື່ອເຮືອນເອົາເຄື່ອງ ເພາະວ່າຍ້ອນຍັງມີຄວາມສ່ຽງອັນຕະລາຍ. ໃນສະພາບການຂາດເຂີນເຄື່ອງຂອງຫຼາຍຢ່າງຄື ອາຫານການກິນ, ບ່ອນພັກພາອາໄສ, ບັນດາຖ້ຽວຂົນສົ່ງເຄື່ອງຂອງ ລວມມີ ອາຫານການກິນ, ຖົງນອນ, ຜ້າຫົ່ມໝອນ, ເຕັ້ນ… ເຊິ່ງ ຫວຽດນາມ ສົ່ງມາ ແມ່ນມີຄວາມໝາຍສຳຄັນທີ່ສຸດຕໍ່ປະຊາຊົນທີ່ປະສົບເຄາະຮ້າຍຢູ່ແຫ່ງນີ້.
ອ້າຍ Cetin ໃຫ້ຮູ້ວ່າ ຈະນຳເອົາເຄື່ອງຂອງໜູນຊ່ວຍໄປແບ່ງປັນກັບບັນດາຄອບຄົວ, ບັນດານ້ອງນ້ອຍໃນໝູ່ບ້ານ. ກ່ອນທີ່ຈະກັບເມືອ, ອ້າຍກໍ່ສະແດງຄວາມຂອບອົກຂອບໃຈຢ່າງເລິກເຊິ່ງຕໍ່ຫວຽດນາມ ເພື່ອການໜູນຊ່ວຍຢ່າງທັນການ, ພ້ອມທັງສະແດງຄວາມຫວັງວ່າ ຈະບໍ່ມີຜູ້ໃດຖືກຕົກເຂົ້າສູ່ສະພາບຄືເຂົາເຈົ້າ.
ບຸນຄົງ
