| ເຄື່ອງນຸ່ງທີ່ເປັນເອກະລັກຂອງຊາວປາຢິ໊ | |
| ສ້າງ ແລະ ພັດທະນາວັດທະນະທຳ ອາຫານການກິນ ຫວຽດນາມ ໃຫ້ເປັນເຄື່ອງໝາຍການຄ້າແຫ່ງຊາດ |
 |
| ວັດຖຸອຸປະກອນການແພດ ຫວຽດນາມ ຢູ່ຕວັກກີ (ພາບ: baophapluat.vn) |
ຕອນບ່າຍວັນທີ 12 ກຸມພາ, ຢູ່ນະຄອນ Adiyaman ປະເທດຕວກກີ, ຄະນະປະຕິບັດງານກູ້ໄພກູ້ຊີບສາກົນຂອງກະຊວງຕຳຫຼວດ ຫວຽດນາມ ໄດ້ມອບເຄື່ອງອຸປະກອນການແພດດ້ວຍປະລິມານ 2 ໂຕນໃຫ້ແກ່ ຕວກກີ ຜ່ານອົງການຮັບມືກັບໄພພິບັດ ແລະ ກໍລະນີຮີບດ່ວນ (AFAD) ຂອງປະເທດນີ້.
ພາຍຫຼັງ ເຄື່ອງອຸປະກອນການແພດ 2 ໂຕນດັ່ງກ່າວໄດ້ສົ່ງໄປຍັງ ຕວັກກີ, ຄະນະປະຕິບັດງານ ຫວຽດນາມ ກໍ່ໄດ້ສົມທົບກັບ AFAD ຂົນສົ່ງຈຳນວນສິນຄ້າໄປຍັງເຂດໄດ້ກຳນົດ, ໃນນັ້ນມີໂຮງໝໍໃໝ່ທີສຸດ Adiyaman, ເພື່ອຮັບໃຊ້ການປິ່ນປົວພະຍາດ, ສ່ວນຍັງເຫຼືອສົ່ງໄປຍັງຄ້າຍເຄື່ອນທີ່.
ຈຳນວນເຄື່ອງອຸປະຖຳດັ່ງກ່າວລວມມີ: ຢຸກຢາສຸກເສີນ, ຢາຈຳເປັນ, ເຄື່ອງວັດຖຸອຸປະກອນການແພດຕ່າງໆ, ຄ້າຍ, ພາຫະນະ, ທາດເຄມີປ້ອງກັນ, ຕ້ານໂລກລະບາດ…. ທ່ານ Isamail Sahin ຮອງຜູ້ອຳນວຍການ ອົງການຮັບມືກັບໄພພິບັດ ແລະ ກໍລະນີຮີບດ່ວນ (AFAD) ປະຈຳ Adiyaman, ໄດ້ຕີລາຄາສູງການໜູນຊ່ວຍຢ່າງທັນການຂອງ ຫວຽດນາມ ແລະ ທ່ານໄດ້ພົບປະກັບທ່ານພັນເອກ ຫງວຽນມິນເຄືອງ ເພື່ອສະແດງຄຳຂອບອົກຂອບໃຈ ຕໍ່ການຊ່ວຍເຫຼືອຂອງລັດຖະບານ ແລະ ປຊຊ ຫວຽດນາມ. ຜູ້ຕາງໜ້າ AFAD ກໍ່ໃຫ້ຮູ້ວ່າ ປະສານງານກັບບັນດາໂຮງໝໍ ແລະ ສູນໜູນຊ່ວຍການແພດ, ເຊິ່ງແມ່ນສະຖານທີ່ພວມຂາດເຂີນຢຸກຢາກໍ່ຄືເຄື່ອງອຸປະກອນການແພດ.
ໄລ່ຮອດເວລາ 9 ໂມງຂອງວັນທີ 13 ກຸມພາ (ຕາມເວລາ ຫວຽດນາມ), ກຳລັງກູ້ໄພກູ້ຊີບ ຫວຽດນາມ ໄດ້ສົມທົບກັບບັນດາອົງການກູ້ໄພກູ້ຊີບສາກົນ ຊອກຫາ ແລະ ນຳເຜົ້າຊາກຜູ້ປະສົບເຄາະຮ້າຍຄົນ ສົບອອກຈາກສະຖານທີ່ເກີດເຫດ.
ບຸນຄົງ
