ນັກຮຽນຮູ້ ຈີນ ຖອດລະຫັດກຳລັງໜູນການເຕີບໂຕດ້ານເສດຖະກິດ ຫວຽດນາມ

ຍສໝ - ສຳນັກຂ່າວສານແຖວໜ້າຈີນ ໃນຂົງເຂດການເງິນ - ເສດຖະກິດ YICAI ຫາກໍ່ລົງບົດຂຽນຂອງນັກຮຽນຮູ້ Zhang Rui ສາດສະດາຈານ ເສດຖະສາດ, ຜູ້ອຳນວຍການສະມາຄົມຄົ້ນຄ້ວາຕະຫຼາດ ຈີນ ດ້ວຍຫົວຂໍ້ “GDP ການເຕີບໂຕສູງກ່ວາ 8%, ກຳລັງໜູນຂອງພື້ນຖານເສດຖະກິດ ຫວຽດນາມ ແມ່ນຫຍັງ”

	ການພົວພັນຄູ່ຮ່ວມມືຍຸດທະສາດ ຫວຽດນາມ - ສິງກະໂປ ນັບມື້ນັບພັດທະນາຢ່າງຮອບດ້ານ
	ກອງທັບປະຊາຊົນ ຫວຽດນາມ ຍົກສູງກຳລັງແຮງການຕໍ່ສູ້ດ ຮັກສາຄວາມເຂັ້ມແຂງທາງດ້ານການເມືອງ ເພື່ອປົກປັກຮັກສາປະເທດຊາດ

ນັກຮຽນຮູ້ ຈີນ ຖອດລະຫັດກຳລັງໜູນການເຕີບໂຕດ້ານເສດຖະກິດ ຫວຽດນາມ

ສຳນັກຂ່າວສານແຖວໜ້າຈີນ ໃນຂົງເຂດການເງິນ - ເສດຖະກິດ YICAI ຫາກໍ່ລົງບົດຂຽນຂອງນັກຮຽນຮູ້ Zhang Rui ສາດສະດາຈານ ເສດຖະສາດ, ຜູ້ອຳນວຍການສະມາຄົມຄົ້ນຄ້ວາຕະຫຼາດ ຈີນ ດ້ວຍຫົວຂໍ້ “GDP ການເຕີບໂຕສູງກ່ວາ 8%, ກຳລັງໜູນຂອງພື້ນຖານເສດຖະກິດ ຫວຽດນາມ ແມ່ນຫຍັງ”

ນັບແຕ່ຕອນຕົ້ນຂອງບົດຂຽນ, ຜູ້ຂຽນໄດ້ຢັ້ງຢືນວ່າ ເຖິງວ່າພິຈາລະນາຕາມຂອບເຂດທົ່ວໂລກ ຫຼື ໃນພາກພື້ນ ອາຊີ, ອັດຕາການເຕີບໂຕຂອງພື້ນຖານເສດຖະກິດ ຫວຽດນາມ ລ້ວນແຕ່ໄດ້ຮັບຖືວ່າແມ່ນໄວທີ່ສຸດ, ດ້ວຍລະດັບການໂຕບໂຕ GDP ບັນລຸ 8,02%, ສູງທີ່ສຸດໃນຮອບເວລາ 25 ປີຜ່ານມາ, ລື່ນກາຍການຄາດຄະເນໃນເບື້ອງຕົ້ນເຊິ່ງແມ່ນ 6 – 6,5%.

ພື້ນຖານເສດຖະກິດ ຫວຽດນາມ ມີກຳລັງໜູນພາຍໃນຢ່າງແຮງ ຈາກການຊົມໃຊ້ພາຍໃນປະເທດ, ພ້ອມທັງຄວາມຕ້ອງການພາຍນອກກໍ່ມີຜົນກະທົບບໍ່ໜ້ອຍຕໍ່ພື້ນຖານເສດຖະກິດ, ຈາກນັ້ນ ກໍສ້າງຄວາມສະເໝີພາບການດູ່ນດ່ຽງລະຫວ່າງກຳລັງໜູນພາຍໃນປະເທດ ແລະ ຕ່າງປະເທດ.

ພາບປະກອບ: People.com.cn

ຕາມສາດສະດາຈານ Zhang Rui ແລ້ວ, GDP ຫວຽດນາມ ປີ 2022 ເປັນຄັ້ງທຳອິດທີ່ລື່ນກາຍລະດັບ 400 ຕື້ USD (ບັນລຸ 409 ຕື້ USD), ສະເລ່ຍຕໍ່ຫົວຄົນປະມານ 4.110 USD, ທັງສອງຕົວເລກລ້ວນແຕ່ບັນລຸລະດັບສະຖິຕິ. ສິ່ງສຳຄັນກ່ວານັ້ນແມ່ນ ພື້ນຖານເສດຖະກິດ ຫວຽດນາມ ບໍ່ພຽງແຕ່ມີການເຕີບໂຕກ່ຽວກັບຈຳນວນເທົ່ານັ້ນ, ຫາກຍັງມີການພັດທະນາກ່ຽວກັບຄຸນນະພາບອີກດ້ວຍ.

ໜຶ່ງແມ່ນ ປະຊາຊົນໄດ້ຮັບຜົນປະໂຫຍດຢ່າງຈະແຈ້ງຈາກການເຕີບໂຕ. ພິຈາລະນາຕາມແງ່ມູນເສດຖະສາດແລ້ວ, GDP ແລະ ລາຍຮັບທົ່ວປະເທດ (NI) ແມ່ນ 2 ນິຍາມທີ່ແຕກຕ່າງກັນ. ຖ້າ GDP ສ່ອງແສງບັນດາມຸນຄ່າເສດຖະກິດ ຍ້ອນກຳລັງແຮງງານທົ່ວປະເທດສ້າງຂຶ້ນ, ນັບທັງພົນລະເມືອງຫວຽດນາມ ແລະ ຕ່າງປະເທດ, ສ່ວນ NI ສ່ອງແສງໃຫ້ເຫັນລາຍຮັບຕົວຈິງຂອງປະຊາຊົນປະເທດໜຶ່ງນັ້ນ ຈະມີຄວາມໝາຍແທດຈິງຖ້າບັນລຸໄດ້ລະດັບສູງກ່ວາເມື່ອທຽບໃສ່ກັບ GDP ສະເລ່ຍ.

ລາຍຮັບສະເລ່ຍຂອງປະຊາຊົນບັນລຸ 4,6 ລ້ານດົ່ງ/ເດືອນ, ປະມານ 55,2 ລ້ານ/ປີ, ເພີ່ມຂຶ້ນ 9,5%ເມື່ອທຽບໃສ່ກັບໄລຍະດຽວກັນຂອງປີກາຍ, ລື່ນລະດັບເພີ່ມຂຶ້ນຂອງ GDP, ເສະແດງວ່າ ປະຊາຊົນໄດ້ຮັບສ່ວນຫຼາຍແມ່ນໝາກຜົນຈາກການພັດທະນາເສດຖະກິດ.

ສິ່ງທີ່ເປັນໜ້າສົນໃຈນັ້ນແມ່ນ, ອັດຕາໄພເງິນເຟີ້ພາຍໃນປະເທດພຽງແຕ່ຢູ່ລະດັບ 3,15%, ອັດຕາວ່າງງານ ແມ່ນ 3,3% ສະແດງໃຫ້ເຫັນຄວາມສ່ຽງຫຍໍ້ທໍ້ ເຊິ່ງປະຊາຊົນປະສົບໃນການດຳລົງຊີວິດ ແລະ ວຽກງານຈາກວິວັດການເຕີບໂຕແມ່ນໜ້ອຍພໍສົມຄວນ.

ສອງແມ່ນ, ໂຄງປະກອບເສດຖະກິດມີທ່າອ່ຽງດຸ່ນດ່ຽງ, ກົມກຽວ, ສະແດງໃຫ້ເຫັນລະດັບການເຕີບໂຕ ແລະ ອັດຕາປະກອບສ່ວນໃຫ້ແກ່ພື້ນຖານເສດຖະກິດຂອງທັງ 3 ຂົງເຂດ: ກະສິກຳ, ອຸດສາຫະກຳ ແລະ ການກໍ່ສ້າງ, ການບໍລິການ, ການເຕີບໂຕຢ່າງສະໝ່ຳສະເໝີຢູ່ບັນດາແຂວງ, ນະຄອນ, ເຂດພາກໃນທົ່ວປະເທດ.

ສິ່ງທີ່ເປັນໜ້າສົນໃຈນັ້ນແມ່ນ, ຂະແໜງປຸງແຕ່ງມີການເຕີບໂຕຂຶ້ນເຖິງ 8,1%, ຂອງການເຕີບໂຕດ້ານສະບຽງອາຫານທີ່ເປັນປົກກະຕິ, ສະເລ່ຍຕໍ່ຫົວຄົນບັນລຸກ່ວາ 200 kg, ຍືນຢູ່ອັນດັບທີ 1 ຂອງແຖວໜ້າໃນພາກພື້ນ ອາຊີ, ສ້າງພື້ນຖານຢ່າງໝັ້ນແກ່ນໃຫ້ແກ່ການເຕີບໂຕດ້ານເສດຖະກິດ.

ສາມແມ່ນ ກຳລັງໜູນການເຕີບໂຕຢ່າງແຮງ, ຂະແໜງຂາຍຍ່ອຍເພີ່ມຂຶ້ນ 10,15%, ຍອດມູນຄ່າຂາຍຍ່ອຍບັນດາສິນຄ້າບໍລິໂພກ ແລະ ການບໍລິການເພີ່ມຂຶ້ນ 19,8%, ຍອດວົງເງິນການສົ່ງອອກນຳເຂົ້າເພີ່ມຂຶ້ນ 9,5%, ການສົ່ງອອກເກີນດູນ 11,2 ຕື້ USD, ນຳຫວຽດນາມ ເຂົ້າໃນຈຳນວນ 30 ປະເທດ ແລະ ເຂດແຄ້ວນ ທີ່ມີຍອດວົງເງິນການຄ້າໃຫຍ່ທີ່ສຸດໃນໂລກ.

ກຳລັງໜູນຈາກຫຼາຍມາດຕະການຄົບຊຸດ

ເມື່ອເບິ່ງຄືນອັດຕາການເຕີບໂຕດ້ານເສດຖະກິດ ປີ 2019 ບັນລຸ 7%, ແລ້ວຫຼຸດລົງຢ່າງແຮງຍັງເຫຼືອ 2,91% ແລະ 2,58% ໃນສອງປີທີ່ເກີດພະຍາດໂຄວິດ - 19, ທ່ານສາດສະດາຈານ Zhang Rui ຕີລາຄາວ່າ ຫວຽດນາມ ໄດ້ຍົກເລີກມາດຕະການປ້ອງກັນ, ຕ້ານພະຍາດໂຄວິດ - 19 ແລະ ເປີດປະຕູຄືນໃໝ່, ສ້າງລະດັບການເຕີບໂຕໃໝ່ຂຶ້ນເຖິງ 13,67% ໃນໄຕມາດທຳອິດ, ຈາກນັ້ນຍູ້ GDP ທັງປີເພີ່ມຂຶ້ນສູງລະດັບສະຖິຕິ, ເຊິ່ງພິສູດໃຫ້ເຫັນພື້ນຖານເສດຖະກິດບັນລຸໄດ້ການເຕີບໂຕຫຼັງພະຍາດໂຄວິດ - 19.

ຕາມການອະທິບາຍຂອງນັກຮຽນຮູ້ຈີນ, ສາຍເຫດສຳຄັນຍ້ອນ ສະກຸນເງິນດົງຂອງ ຫວຽດນາມ ຮັກສາໄດ້ກຳລັງໃນສະພາບການເງິນຕາຂອງບັນດາພື້ນຖານເສຖະກິດໃຫຍ່ໃນໂລກ ລ້ວນແຕ່ຫຼຸດລົງຢ່າງແຮງ ເມື່ອສະກຸນເງິນ USD ເພີ່ມຂຶ້ນ. ສະກຸນເງິນດົງ ພຽງແຕ່ຫຼຸດລົງເລັກໜ້ອຍ 4% ໃນປີ 2022, ຍ້ອນອັດຕາໄດ້ຮັບການໜູນຊ່ວຍຈາກພື້ນຖານທີ່ໝັ້ນແກ່ນຈາກການສົ່ງອອກເດີນດູນ ແລະ ວົງການເງິນນຳເຂົ້າ, ສ້າງຄວາມສາມາດບົ່ມຊ້ອນໃນຂົງເຂດທີ່ກວ້າງໃຫຍ່ ເພື່ອໃຫ້ອົງການຄຸ້ມຄອງເງິນຕາສາມາດປັບປຸງນະໂຍບາຍຢ່າງມີໄຫວພິບ ແລະ ແນ່ນອນກ່ວາ. ສອງແມ່ນດັດປັບອັດຕາດອກເບ້ຍຂອງທະນາຄານແຫ່ງລັດ ສະແດງໃຫ້ເຫັນລະດັບຮັດແໜ້ນເງິນຕາຂອງ ຫວຽດນາມ ແມ່ນໜ້ອຍພໍສົມຄວນເມື່ອທຽບໃສ່ພື້ນຖານເສດຖະກິດຕ່າງໆ, ຮັບປະກັນໃຫ້ການຊຳລະຢ່າງເປັນຈຳນວນຫຼາຍ ແລະ ມີສະຖຽນລະພາບສຳລັບພືື້ນຖານເສດຖະກິດມະຫາພາກ, ກໍ່ຄືການໜູນຊ່ວຍຂອງບັນດາເຈົ້າຂອງເສດຖະກິດອາດຈະຟື້ນຟູການຜະລິດ, ດຳເນີນທຸລະກິດ ດ້ວຍຄ່າໃຊ້ຈ່າຍຕ່ຳ.

ສິ່ງທີ່ເປັນໜ້າສົນໃຈນັ້ນແມ່ນ, ສະພາບແວດລ້ອມແຫ່ງຄວາມເສລີທາງການຄ້າທີ່ປອດໂປ່ງ ແລະ ສະດວກ, ໄດ້ເສີມຂະຫຍາຍບົດບາດຊຸກຍູ້ຕໍ່ການສົ່ງອອກນຳເຂົ້າ ແລະ ການເຕີບໂຕດ້ານເສດຖະກິດຂອງຫວຽດນາມ ຢ່າງຈະແຈ້ງ.

ທ່ານ ສາດສະດາຈານ Zhang Rui ໃຫ້ຮູ້ວ່າ ນອກຈາກການບັນລຸສັນຍາການຄ້າເສລີ ກັບສະຫະພາບເອີລົບ, ເປັນສະມາຊິກຂອງ ອາຊຽນ, ຫວຽດນາມ ກໍ່ໄດ້ຮັບຜົນປະໂຫຍດຈາກສັນຍາຄູ່ຮ່ວມມືເສດຖະກິດຮອບດ້ານພາກພື້ນ (RCEP) ທີ່ມີຜົນສັກສິດກວ່າ 1 ປີຜ່ານມາ, ຍ້ອນເຫດນັ້ນ ສິນຄ້າປະເພດສິນໃນນ້ຳ, ຜະລິດຕະພັນກະເສດ ດ້ວຍທ່າໄດ້ປຽບໃນການແກ້ງແຍ້ງຂອງ ຫວຽດນາມ ຈິ່ງສາມາດແຊກຊຶມເຂົ້າຕະຫຼາດໃຫຍ່ດ້ວຍຄ່າໃຊ້ຈ່າຍຕ່ຳ, ຍິ່ງໄປກ່ວານັ້ນແມ່ນ 0.

ພ້ອມກັນນັ້ນ, ດ້ວຍເງິນລົງທຶນຈາກຕ່າງປະເທດເຂົ້າຫວຽດນາມ ດ້ວຍຂອບຂະໜາດໃຫຍ່ກ່ວາ, ເປັນຕົ້ນແມ່ນບັນດາປະເທດຢູ່ອາຊີ ຄື: ສິງກະໂປ, ສ.ເກົາຫຼີ, ຍີ່ປຸ່ນ ແລະ ຈີນ ຕາມລຳດັບແມ່ນ 4 ນັກລົງທຶນ FDI ໃຫຍ່ທີ່ສຸດຢູ່ ຫວຽດນາມ. ໃນບົດລາຍງານຕີລາຄາການກະທົບຈາກ RCEP ແລ້ວ, ສັນຍານີ້ໄດ້ປະກອບສ່ວນກ່ວາ 10% ເຂົ້າໃນການສົ່ງອອກຂອງ ຫວຽດນາມ ໃນປີ 2022, ຊຸກຍູ້ການສ້າງວຽກເຮັດງານທຳ 1,1 ລ້ານວຽກພາຍໃນປະເທດ.

ກົງກັນຂ້າມກັບການຄາດຄະເນຂອງກອງປະຊຸມ ສປຊ ກ່ຽວກັບການຄ້າ ແລະ ການພັດທະນາ ຖືວ່າ ຍອດເງິນລົງທຶນ FDI ທົ່ວໂລກຫຼຸດລົງຫຼື ເທົ່າ 50% ເມື່ອທຽບໃສ່ກັບປີກາຍນີ້. ຫວຽດນາມ ດຶງດູດເງິນລົງທຶນຈາກຕ່າງປະເທດໄດ້ 22,4 ຕື້ USD, ເພີ່ມຂຶ້ນ 13,5%ເມື່ອທຽບໃສ່ກັບປີກາຍນີ້, ບັນລຸລະດັບສະຖິຕິກ່ຽວກັບການດຶງດູນເງິນລົງທຶນຈາກຕ່າງປະເທດໃນຮອບເວລາ 5 ປີມານີ້. ການລົງທຶນນີ້ໄດ້ຊ່ວຍໃຫ້ ຫວຽດນາມ ສ້າງບັນດາຜະລິດຕະພັນທີ່ມີລັກສະນະແກ້ງແຍ້ງ, ຈາກນັ້ນ ກໍ່ແຊກຊຶມເຂົ້າເຄືອຂ່າຍສະໜອງທົ່ວໂລກ, ມີທີ່ຕັ້ງສູງກ່ວາໃນລະບົບຂະແໜງທຳການຜະລິດສາກົນ.

ບຸນຄົງ