| ພິທີປະດັບຫຼຽນໄຊແຮງງານຂອງ ສປປ ລາວ ໃຫ້ວິທະຍາຄານການແພດກອງທັບຫວຽດນາມ | |
| ກົງສູນໃຫຍ່ ສສ ຫວຽດນາມ ປະຈຳ ລາວ ອວຍພອນ ວັນຊາດ ແຫ່ງ ສປປ ລາວ ຄົບຮອບ 45 ປີ |
ທີ່ການພົບປະ, ທ່ານຮອງປະທານສະມາຄົມມິດຕະພາບຫວຽດນາມ - ລາວ ຫງວຽນຕຽນລອງ ເນັ້ນໜັກວ່າ ການຕ່າງປະເທດປະຊາຊົນແມ່ນໜຶ່ງໃນບັນດາເສົາຄ້ຳສຳຄັນຂອງການທູດຫວຽດນາມ. ສະມາຄົມປາດຖະໜາວ່າ ການພົວພັນມິດຕະພາບ, ການຮ່ວມມືທີ່ເປັນມູນເຊື້ອ, ພິເສດແມ່ນການພົວພັນລະຫວ່າງປະຊາຊົນສອງປະເທດ ນັບມື້ນັບມີບາດກ້າວພັດທະນາຢ່າງໃໝ່. ຍາມໃດສະມາຄົມກໍຈະປະຕິບັດສຳເລັດໜ້າທີ່ເປັນຂົວຕໍ່ໃນການພົວພັນລະຫວ່າງປະຊາຊົນສອງປະເທດ ຫວຽດນາມ ແລະ ລາວ.
ໂດຍສະແດງຄວາມຂອບໃຈຕໍ່ຄວາມຮັກແພງ ແລະ ຄຳອວຍພອນອັນປະເສີດຂອງຄະນະຜູ້ແທນສະຫະພັນບັນດາອົງການມິດຕະພາບຫວຽດນາມ, ສະມາຄົມມິດຕະພາບ ຫວຽດນາມ-ລາວ, ທ່ານ ແສງເພັດ ຮຸ່ງບຸນຍວງ ເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງ ສປປ.ລາວ ປະຈຳ ສສ.ຫວຽດນາມ ຢືນຢັນວ່າ: ເຖິງວ່າຈະໄດ້ຮັບຜົນກະທົບຈາກໂລກລະບາດໂຄວິດ-19 ກໍຕາມ, ແຕ່ຫວຽດນາມ ແລະ ລາວ ກໍຍັງສືບຕໍ່ເສີມຂະຫຍາຍມູນເຊື້ອການພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ກໍ່ຄື ການແບ່ງປັນ, ຊ່ວຍເຫຼືອເຊິ່ງກັນ ແລະ ກັນ, ພິເສດແມ່ນໃນສະພາບການທີ່ປະສົບກັບຄວາມຫຍຸ້ງຍາກ. ໃນໄລຍະຈະມາເຖິງ, ສະຖານທູດລາວ ຫວັງວ່າຈະໄດ້ໄປຢ້ຽມຢາມ, ເຊື່ອມຕໍ່ ແລະ ຮ່ວມມືກັບບັນດາແຂວງ, ນະຄອນຂອງຫວຽດນາມ ຫຼາຍກວ່າອີກ.
 |
| ສະມາຄົມມິດຕະພາບຫວຽດນາມ-ລາວ ຊົມເຊີຍວັນຊາດ ສປປ ລາວ |
ເນື່ອງໃນໂອກາດນີ້, ທ່ານປະທານສະມາຄົມມິດຕະພາບ ຫວຽດນາມ - ລາວ ເຈິນວັນຕູຍ ກໍໄດ້ສົ່ງສານອວຍພອນເຖິງ ທ່ານປະທານສະມາຄົມມິດຕະພາບລາວ - ຫວຽດນາມ ຄຳໃບ ດຳລັດ.
ໃນຈົດໝາຍອວຍພອນ, ທ່ານປະທານສະມາຄົມມິດຕະພາບ ຫວຽດນາມ - ລາວ ເຈິນວັນຕູຍ ໄດ້ຊົມເຊີຍບັນດາຜົນງານອັນໃຫຍ່ຫຼວງ ແລະ ຮອບດ້ານທີ່ປະຊາຊົນລາວບັນລຸໄດ້ໃນ 46 ປີຜ່ານມາ, ພິເສດແມ່ນບັນດາຜົນສຳເລັດອັນດີງາມຂອງກອງປະຊຸມໃຫຍ່ຄັ້ງທີ 11 ຂອງພັກປະຊາຊົນປະຕິວັດລາວ ແລະ ຄວາມພະຍາຍາມຂອງພັກ, ລັດ ແລະ ປະຊາຊົນລາວ ໃນການຮັບມືກັບການແຜ່ລະບາດຂອງພະຍາດໂຄວິດ-19, ຮັກສາການພັດທະນາເສດຖະກິດ, ສະຖຽນລະພາບສັງຄົມ.
ທ່ານ ເຈີ່ນວັນຕູຍ ເຊື່ອໝັ້ນວ່າ ພາຍໃຕ້ການຊີ້ນຳນຳພາຂອງພັກປະຊາຊົນປະຕິວັດລາວ, ໂດຍທ່ານເລຂາທິການໃຫຍ່, ປະທານປະເທດ ທອງລຸນ ສີສຸລິດ, ປະເທດລາວຈະປະຕິບັດບັນດາໜ້າທີ່ທີ່ກອງປະຊຸມໃຫຍ່ຄັ້ງທີ XI ກຳນົດໄວ້ໃຫ້ປະສົບຜົນສຳເລັດ ແລະ ສືບຕໍ່ຍາດໄດ້ໄຊຊະນະໃໝ່ ແລະ ໃຫຍ່ຫຼວງຫຼາຍຢ່າງ ໃນພາລະກິດຂອງການປ້ອງກັນ, ສ້າງສາ ແລະ ພັດທະນາປະເທດຊາດ.
ໃນໄລຍະທີ່ຜ່ານມາ, ສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ຫວຽດນາມ-ລາວ ສືບຕໍ່ພັດທະນາຢ່າງເຂັ້ມແຂງ, ພິເສດແມ່ນຜົນສຳເລັດຂອງການຢ້ຽມຢາມຂອງບັນດາການນຳຂັ້ນສູງສອງປະເທດ ໃນເດືອນ ມິຖຸນາ ແລະ ເດືອນກໍລະກົດ 2021, ອັນໄດ້ສ້າງພື້ນຖານຄວາມໝັ້ນຄົງທາງດ້ານການເມືອງ ແລະ ຊຸກຍູ້ການຮ່ວມມືໃນທຸກຂົງເຂດລະຫວ່າງ ຫວຽດນາມ ແລະ ລາວ ຕື່ມອີກ.
 |
| ທ່ານຮອງປະທານສະມາຄົມມິດຕະພາບຫວຽດນາມ - ລາວ ຫງວຽນຕຽນລອງ ເນັ້ນໜັກວ່າ ການຕ່າງປະເທດປະຊາຊົນແມ່ນໜຶ່ງໃນບັນດາເສົາຄ້ຳສຳຄັນຂອງການທູດຫວຽດນາມ. |
ທ່ານປະທານສະມາຄົມມິດຕະພາບ ຫວຽດນາມ - ລາວ ເຈິນວັນຕູຍ ປາດຖະໜາວ່າ ໃນໄລຍະຈະມາເຖິງ, ບັນດາອົງການມິດຕະພາບຂອງສອງປະເທດ ຈະພ້ອມກັນຜ່ານຜ່າຄວາມຫຍຸ້ງຍາກ, ສົມທົບກັນຢ່າງແໜ້ນແຟ້ນ, ຈັດຕັ້ງບັນດາການເຄື່ອນໄຫວທີ່ແທດຈິງ ແລະ ມີປະສິດທິຜົນ. ພິເສດແມ່ນສົມທົບກັນຈັດຕັ້ງບັນດາການເຄື່ອນໄຫວໃຫ້ເປັນຢ່າງດີ ເພື່ອສະເຫຼີມສະຫຼອງ 60 ປີແຫ່ງວັນສ້າງຕັ້ງການພົວພັນທາງການທູດຫວຽດນາມ - ລາວ (5/9/1962 – 5/9/2022) ແລະ ຄົບຮອບ 45 ປີແຫ່ງວັນເຊັນສົນທິສັນຍາມິດຕະພາບ ແລະ ການຮ່ວມມືຫວຽດນາມ - ລາວ (18 ກໍລະກົດ 1977 – 18 ກໍລະກົດ 2022), ປະກອບສ່ວນຢ່າງຕັ້ງໜ້າເຂົ້າໃນການປົກປັກຮັກສາ ແລະ ເພີ່ມພູນຄູນສ້າງສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານຫວຽດນາມ - ລາວ.
ແລະກໍ່ໃນວັນດຽວກັນ, ຄະນະຜູ້ແທນຂອງວາລະສານ ຍຸກສະໄໝ ນຳໂດຍ ທ່ານຮອງຫົວໜ້າບັນນາທິການ ຟ້າມດິ່ງຫາຍ ໄດ້ໄປຢ້ຽມຢາມ ແລະ ອວຍພອນສະຖານທູດລາວ ປະຈຳ ຮ່າໂນ້ຍ ເນື່ອງໃນໂອກາດສະເຫຼີມສະຫຼອງ 46 ປີແຫ່ງວັນຊາດ ສປປ ລາວ.
ທ່ານຮອງຫົວໜ້າບັນນາທິການ ຟ້າມດິ່ງຫາຍ ໄດ້ສະແດງຄວາມຊົມເຊີຍຜົນສຳເລັດຂອງກອງປະຊຸມໃຫຍ່ຄັ້ງທີ 11 ຂອງພັກປະຊາຊົນປະຕິວັດລາວ; ອວຍພອນໃຫ້ທ່ານເອກອັກຄະລັດຖະທູດ ແລະ ພະນັກງານສະຖານທູດລາວ ປະຈຳ ຫວຽດນາມ ສືບຕໍ່ເກັບກ່ຽວເອົາຜົນສຳເລັດໃໝ່ຫຼາຍຢ່າງ, ປະກອບສ່ວນກໍ່ສ້າງການພົວພັນລະຫວ່າງສອງປະເທດ ໃຫ້ນັບມື້ນັບສວຍສົດງົດງາມ.
 |
| ວາລະສານ ຍຸກສະໄໝ ຊົມເຊີຍວັນຊາດ ສປປ ລາວ. |
ໃນຫຼາຍປີມານີ້, ວາລະສານ ຍຸກສະໄໝ ໄດ້ເຜີຍແຜ່ຂໍ້ມູນຂ່າວກ່ຽວກັບຫວຽດນາມ ຢ່າງທັນການ, ຖືກຕ້ອງ ແລະ ດຶງດູດໃຈເຖິງບັນດາຜູ້ອ່ານຊາວລາວ, ກໍ່ຄືບັນດາຂໍ້ມູນຂ່າວສານຂອງລາວ ເຖິງບັນດາຜູ້ອ່ານຊາວຫວຽດນາມທີ່ຮັກແພງ ແລະ ສົນໃຈປະເທດລາວ. ວາລະສານ ຍຸກສະໄໝ ຍັງໄດ້ຈັດຕັ້ງງານກິລາ ແລະ ພົບປະແລກປ່ຽນວັດທະນະທຳກັບພະນັກງານສະຖານທູດ; ຈັດຕັ້ງການຢື້ຢາມຖາມຂ່າວ, ໃຫ້ກຳລັງໃຈ, ມອບຂອງຂວັນໃຫ້ນັກສຶກສາລາວຢູ່ຫວຽດນາມ ແລະ ບັນດາໂຄງການບໍລິຈາກ ແລະ ໜູນຊ່ວຍຄົນເຈັບລາວທີ່ມີຄວາມຫຍຸ້ງຍາກໄປປິ່ນປົວຢູ່ຫວຽດນາມ...
ທ່ານເອກອັກຄະລັດຖະທູດ ແສງເພັດ ຮຸ່ງບຸນຍວງ ໄດ້ຕີລາຄາສູງບົດບາດ ແລະ ບັນດາການປະກອບສ່ວນຂອງ ວາລະສານ ຍຸກສະໄໝ ໃນການພົວພັນລະຫວ່າງ ຫວຽດນາມ - ລາວ. ດ້ວຍບັນດາຜະລິດຕະພັນຂ່າວສານ, ວາລະສານຍຸກສະໄໝ ທີ່ເປັນພາສາລາວ ກໍໄດ້ເຜີຍແຜ່ພາບພົດປະເທດຊາດ ແລະ ປະຊາຊົນລາວເຖິງເພື່ອນມິດຫວຽດນາມ ແລະ ສາກົນ.
ສະຖານທູດ ລາວ ປະຈຳ ຫວຽດນາມ ຢືນຢັນ ຍາມໃດກໍ່ຈະເອົາໃຈໃສ່, ສະໜັບສະໜູນ ແລະ ເພີ່ມທະວີການຮ່ວມມືກັບ ວາລະສານ ຍຸກສະໄໝ ເວົ້າສະເພາະ ແລະ ສື່ມວນຊົນຫວຽດນາມ ເວົ້າລວມ, ພິເສດແມ່ນໃນປີ 2022 - ຄົບຮອບ 60 ປີແຫ່ງວັນສ້າງຕັ້ງການພົວພັນທາງການທູດ ແລະ 45 ປີແຫ່ງວັນລົງນາມໃນສົນທິສັນຍາມິດຕະພາບ ແລະ ການຮ່ວມມືລະຫວ່າງຫວຽດນາມ ແລະ ລາວ.
ຄຳຮຸ່ງ
