 |
| ພາບປະກອບ: TTXVN |
ສື່ມວນຊົນ ສປປ.ເກົາຫຼີ: ຍົກສູງການພົວພັນມິດຕະພາບ ສປປ.ເກົາຫຼີ - ຫວຽດນາມ
ເນື່ອງໃນໂອກາດ 73 ປີແຫ່ງວັນ ສປປ.ເກົາຫຼີ ແລະ ຫວຽດນາມ ສ້າງຕັ້ງການພົວພັນທາງການທູດ (31 ມັງກອນ ປີ 1950 – 31 ມັງກອນ 2023), ວັນທີ 1 ກຸມພາ, ວິທະຍຸກະຈາຍສຽງ ຫວຽດນາມ ໄດ້ອອກບົດຂຽນເຊີດຊູການພົວພັນທີ່ບໍ່ມີການປ່ຽນແປງຜ່ານວັນເວລາ.
ບົດຂຽນໄດ້ເນັ້ນໜັກເຖິງເລື່ອງ ສປປ.ເກົາຫຼີ ແລະ ຫວຽດນາມ ສ້າງຕັ້ງການພົວພັນທາງການທູດ ສ່ອງແສງຄວາມຫວັງລວມຂອງປະຊາຊົນສອງປະເທດ, ນັ້ນແມ່ນຕ້ານລັດທິຈັກກະພັດ, ເພີ່ມທະວີນ້ຳໃຈສາມັກຄີມິດຕະພາບໃນການຕໍ່ສູ້ລວມເພື່ອສັງຄົມນິຍົມ, ເພື່ອພື້ນຖານເອກະລາດ. ປັດຈຸບັນ, ການພົວພັນ ຫວຽດນາມ - ສປປ.ເກົາຫຼີ ໄດ້ພັດທະນາຂຶ້ນສູ່ລະດັບສູງໃໝ່.
ໃນປີ 2022, ການນຳສອງປະເທດໄດ້ສົ່ງສານອວຍພອນເຊິ່ງກັນແລະກັນເນື່ອງໃນໂອກາດບັນດາວັນບຸນໃຫຍ່ຄືການສະເຫຼີມສະຫຼອງ 74 ປີແຫ່ງວັນສະຖາປະນາ ສປປ.ເກົາຫຼີ, ສະເຫຼີມສະຫຼອງ 77 ປີແຫ່ງວັນກຳເນີດ ສສ.ຫວຽດນາມ. ການພົວພັນທີ່ເປັນມູນເຊື້ອມິດຕະພາບລະຫວ່າງສອງປະເທດຈະສືບຕໍ່ພັດທະນາໃນໄລຍະຈະມາເຖິງ, ເໝາະສົມກັບຜົນປະໂຫຍຂອງປະຊາຊົນ. ປະຊາຊົນ ສປປ.ເກົາຫຼີ ມີຄວາມເຄົາລົບຕໍ່ການພົວພັນມິດຕະພາບກັບ ຫວຽດນາມ ເປັນທີ່ສຸດ.
ບຸນຄົງ
