ວັນທີ 29 ມັງກອນນີ້, ຄະນະຜູ້ແທນຂອງສູນແຮງງານຢູ່ຕ່າງປະເທດທີ່ຂຶ້ນກັບກະຊວງແຮງງານ, ທະຫານເສຍອົງຄະ ແລະ ສັງຄົມ ນຳໜ້າໂດຍທ່ານຜູ້ອຳນວຍການໃຫຍ່ຂອງສູນ ດັ້ງຮຸຍຮົ່ງ, ພ້ອມກັບຄະນະຄຸ້ມຄອງແຮງງານ ຫວຽດນາມ ປະຈຳ ສ.ເກົາຫຼີ, ຜູ້ຮັບຜິດຊອບວຽກງານຂອງຫ້ອງການ EPS ໄດ້ໄປຢ້ຽມຢາມ ແລະ ເຮັດວຽກກັບ ສູນສະຫນັບສະຫນູນຄົນງານຕ່າງປະເທດ ຢູ່ Ansan.
ທີ່ກອງປະຊຸມ, ສູນ Ansan ໃຫ້ຫູ້ວ່າ ຢູ່ເມືອງ Ansan, ມີຊາວຕ່າງປະເທດປະມານ 88.000 ຄົນທີ່ມາຈາກ 118 ປະເທດພວມດຳລົງຊີວິດ ແລະ ເຮັດວຽກ, ກວມເອົາ 12% ຂອງປະຊາກອນໃນເຂດນີ້.
 |
ທ່ານ ດັ້ງຮຸຍຮົ່ງ ຕາງໜ້າໃຫ້ຄະນະ ໄດ້ສະແດງຄວາມຂອບໃຈ ສູນ Ansan ທີ່ໄດ້ໜູນຊ່ວຍປະຊາຄົມຄົນງານຫວຽດນາມ
ສູນດັ່ງກ່າວພວມສະໜອງການບໍລິການຫນູນຊ່ວຍໃຫ້ຄຳປຶກສາ, ການເຂົ້າ-ອອກເມືອງ, ການກວດສຸຂະພາບ ... ໂດຍຈຳນວນສະເລ່ຍປະມານ 15,000 ຄົນໄດ້ເຂົ້າເຖິງການບໍລິການໃນແຕ່ລະເດືອນ.
ໃນໄລຍະຜ່ານມາ, ສູນໄດ້ສົມທົບກັບຄະນະຄຸ້ມຄອງແຮງງານ ຫວຽດນາມ ປະຈຳ ສ.ເກົາຫຼີ ແລະ ຫ້ອງການ EPS ຈັດຕັ້ງບັນດາກອງປະຊຸມ ແລະ ປຶກສາຫາລືກ່ຽວກັບວຽກງານແຮງງານ ຫວຽດນາມ ຢູ່ທ້ອງຖິ່ນ.
ທ່ານ ດັ້ງຮຸຍຮົ່ງ ຕາງໜ້າໃຫ້ຄະນະ ໄດ້ສະແດງຄວາມຂອບໃຈ ສູນ Ansan ທີ່ໄດ້ໜູນຊ່ວຍປະຊາຄົມຊາວຕ່າງປະເທດ ເວົ້ົ້າລວມ ແລະ ຄົນງານຫວຽດນາມ ເວົ້າສະເພາະ ໃນວິວັດການດຳລົງຊີວິດ ແລະ ເຮັດວຽກຢູ່ Ansan.
ທ່ານຮົ່ງ ໄດ້ຕີລາຄາສູງຂໍ້ລິເລີ່ມຂອງສູນ Ansan ເຊັ່ນ: ຈຳໜ່າຍວາລະສານ Harmony, ເຮັດຄລິບວີດີໂອການສອນພາສາເກົາຫຼີຂັ້ນພື້ນຖານ, ຈັດຕັ້ງລາຍການສົດອະທິບາຍຢ່າງໂດຍກົງ ກ່ຽວກັບນະໂຍບາຍແຮງງານ; ພ້ອມກັນນັ້ນ, ທ່ານ ຮົ່ງ ຫວັງວ່າ ສູນ Ansan ຈະສືບຕໍ່ສົມທົບກັນຢ່າງແໜ້ນແຟ້ນກັບບັນດາຫົວໜ່ວຍຂອງຫວຽດນາມ ເພື່ອໜູນຊ່ວຍຄົນງານຫວຽດນາມ, ພິເສດແມ່ນຄົນງານທີ່ຫາກໍ່ມາໃໝ່ ເພື່ອດັດປັບການດຳລົງຊີວິດໃຫ້ເຂົ້າກັບ ສ.ເກົາຫຼີ ໂດຍໄວ.
 |
ກໍ່ໃນການໄປປະຕິບັດງານຢູ່ນະຄອນ Ansan, ຄະນະຜູ້ແທນໄດ້ພົບປະກັບຄົນງານຫວຽດນາມ ທີ່ເຮັດວຽກຢູ່ທີ່ນີ້. ຕາງໜ້າໃຫ້ຄະນະຜູ້ແທນ, ທ່ານ ດັ້ງຮຸຍຮົ່ງ ກໍ່ໄດ້ສະໜອງຂໍ້ມູນ ແລະ ນະໂຍບາຍໃໝ່ກ່ຽວກັບຄົນງານ, ພິເສດແມ່ນຈຳນວນຄົນງານຕ່າງປະເທດທີ່ໄດ້ຮັບອະນຸຍາດເຂົ້າເມືອງ ສ.ເກົາຫຼີ ໃນປີ 2023 ມີເຖິງ 110.000 ຄົນ.
ນອກຈາກໄດ້ອະທິບາຍບັນດາຂໍ້ຂ້ອງຄາຂອງພະນັກງານ ກ່ຽວກັບຄວາມຄືບໜ້າການເຂົ້າເມືອງ, ຂັ້ນຕອນການຖອນເງິນຝາກ, ລະບອບປະກັນໄພ ແລະ ອື່ນໆ, ຄະນະຜູ້ແທນກໍ່ຍັງໄດ້ລະດົມໃຫ້ຄົນງານປະຕິບັດຕາມສັນຍາ, ກໍ່ຄືລະບຽບການຂອງ ສປປ ເກົາຫຼີ, ພ້ອມກັນນັ້ນ ກໍໄດ້ສົ່ງຄຳອວຍພອນໃຫ້ອ້ສຍເອື້ອຍນ້ອງຜູ້ອອກແຮງງານ ເນື່ອງໃນໂອກາດບຸນປີໃໝ່ 2023.
ຄຳຮຸ່ງ
