| ເພີ່ມທະວີການຮ່ວມມືກ່ຽວກັບແຮງງານ, ວຽກເຮັດງານທຳ ແລະສັງຄົມລະຫວ່າງຫວຽດນາມ ແລະສ.ເກົາຫຼີ | |
| ຮັບປະກັນສິດ ແລະ ຜົນປະໂຫຍດສູງສຸດສໍາລັບຜູ້ອອກແຮງງານ |
ຕາມສຳນັກຂ່າວສານຫວຽດນາມປະຈຳໂຕກຽວ, ໃນວັນທີ 27 ມັງກອນນີ້, ກະຊວງສາທາລະນະສຸກ, ແຮງງານ ແລະ ສະຫວັດດີການຍີ່ປຸ່ນ (MHLW) ໄດ້ປະກາດວ່າ ມາຮອດທ້າຍເດືອນຕຸລາ 2022, ຈຳນວນຄົນຕ່າງປະເທດທີ່ເຮັດວຽກຢູ່ໃນທົ່ວປະເທດ ໄດ້ບັນລຸລະດັບສະຖິຕິ 1.822.725 ຄົນ, ເພີ່ມຂຶ້ນ 5,5% ເມື່ອທຽບໃສ່ໄລຍະດຽວກັນຂອງປີ 2021.
MHLW ໃຫ້ຮູ້ວ່າ ໃນຈຳນວນຄົນຕ່າງປະເທດ 1,82 ລ້ານຄົນທີ່ໄປເຮັດວຽກຢູ່ຍີ່ປຸ່ນ, ສ່ວນໃຫຍ່ແມ່ນຊາວຫວຽດນາມ ເຊິ່ງມີເຖິງ 462,384 ຄົນ, ກວມເອົາ 25,4%. ຖັດຈາກນັ້ນ ແມ່ນພົນລະເມືອງຈີນ (385,848 ຄົນ ກວມເອົາ 21,2%) ແລະ ຟີລິບປິນ (206,050 ຄົນ ກວມເອົາ 11,3%).
 |
ຫວຽດນາມ ແມ່ນກຳລັງແຮງງານຕ່າງປະເທດໃຫຍ່ທີ່ສຸດຢູ່ຍີ່ປຸ່ນ. (ພາບ: TTXVN) |
ສ່ວນພາກສ່ວນຮັບສະໝັກພະນັກງານ, ຈຳນວນຫົວໜ່ວຍທຸລະກິດທີ່ພວມນຳໃຊ້ຄົນງານຕ່າງປະເທດ ໄດ້ເພີ່ມຂຶ້ນສູງລະດັບສະຖິຕິເຖິງ 298.790 ຫົວໜ່ວຍ, ເພີ່ມຂຶ້ນ 4,8%, ໃນນັ້ນ, ຫົວໜ່ວຍທຸລະກິດທີ່ມີພະນັກງານໜ້ອຍກວ່າ 30 ຄົນ ກວມເອົາ 61,4%. ໂດຍຄິດໄລ່ຕາມສະຖານະທີ່ຢູ່ອາໄສ, ຈຳນວນຄົນງານຕ່າງປະເທດທີ່ມີວີຊາຊ່ຽວຊານ ແລະ ວິສະວະກອນ ໄດ້ເພີ່ມຂຶ້ນ 21,7% ເປັນ 479,949 ຄົນ ແລະ ຈຳນວນຄົນທີ່ມີສະຖານະຢູ່ທີ່ຢູ່ອາໄສ ຫຼື ເປັນຜົວເມຍຂອງຄົນສັນຊາດຍີ່ປຸ່ນເພີ່ມຂຶ້ນ 2,6% ເປັນ 595,207 ຄົນ.
ໃນຂະນະນັ້ນ, ຈຳນວນນັກຝຶກອົບຮົມວິຊາການ ຈາກຕ່າງປະເທດໄດ້ຫຼຸດລົງ 2,4% ເປັນ 343.254 ຄົນ. ນີ້ແມ່ນປີທີ 2 ຕິດຕໍ່ກັນທີ່ຈຳນວນນັກຝຶກງານວິຊາການ ໃນທົ່ວປະເທດຍີ່ປຸ່ນໄດ້ຫຼຸດລົງ, ສ່ວນໜຶ່ງແມ່ນຍ້ອນມາດຕະການຄວບຄຸມເຂດຊາຍແດນຂອງລັດຖະບານຍີ່ປຸ່ນ ເພື່ອຄວບຄຸມການແຜ່ລະບາດຂອງພະຍາດໂຄວິດ-19.
ຕາມດ້ານພູມີສາດ, ໂຕກຽວ ແມ່ນບ່ອນທີ່ມີຄົນງານຕ່າງປະເທດຫຼາຍທີ່ສຸດ, ມີ 500,089 ຄົນ. ຖັດຈາກນັ້ນແມ່ນແຂວງ Aichi ຢູ່ພາກກາງມີ 188,691 ຄົນ ແລະ ແຂວງ Osaka ຢູ່ພາກຕາເວັນຕົກມີ 124,570 ຄົນ.
ຄຳຮຸ່ງ
