| ບັນດາກິດຈະກໍາເຄື່ອນໄຫວເບິ່ງແຍງດູແລໃຫ້ຜູ້ອອກແຮງງານ, ນັກສຶກສາລາວ ແລະກໍາປູເຈຍ ຕ້ອນຮັບບຸນປີໃໝ່ | |
| ຫວຽດນາມ ມີຜູ້ອອກແຮງງານຫຼາຍກວ່າ 32 ລ້ານຄົນ ໄດ້ຮັບຜົນສະທ້ອນຫຍໍ້ທໍ້ຈາກໂລກລະບາດໂຄວິດ - 19 |
ການສົນທະນາ ໄດ້ແກ້ໄຂຫຼາຍຂໍ້ຂ້ອງໃຈຂອງຄົນງານ, ຢືນຢັນຄວາມເອົາໃຈໃສ່ຂອງພັກ, ລັດ, ລັດຖະບານ, ທ່ານນາຍົກລັດຖະມົນຕີ, ຜູ້ອອກແຮງງານ ແລະ ປະຊາຄົມສັງຄົມ ສໍາລັບຜູ້ອອກແຮງງານ.
ຕາມທ່ານລັດຖະມົນຕີກະຊວງແຮງງານ, ທະຫານເສຍອົງຄະ ແລະ ສັງຄົມ ດ່າວງອກຢຸງ ແລ້ວ, ຫວຽດນາມ ໄດ້ປະຕິບັດຫຼາຍນະໂຍບາຍທີ່ກ່ຽວຂ້ອງເຖິງການໜູນຊ່ວຍຜູ້ອອກແຮງງານໃນ 2 ປີຜ່ານມາ ເຊັ່ນ: ມະຕິເລກທີ 68 ກ່ຽວກັບນະໂຍບາຍໜູນຊ່ວຍຜູ້ອອກແຮງງານ ໃນການຕ້ານພະຍາດໂຄວິດ-19; ມະຕິ 116 ກ່ຽວກັບການໜູນຊ່ວຍຄົນງານ ຈາກກອງທຶນປະກັນໄພຫວ່າງງານ. ມີ 55 ລ້ານເທື່ອຄົນໄດ້ຮັບຜົນປະໂຫຍດ ຈາກນະໂຍບາຍດັ່ງກ່າວ ດ້ວຍຍອດຈຳນວນ 81.000 ຕື້ດົ່ງ.
 |
| ຮັບປະກັນສິດ ແລະ ຜົນປະໂຫຍດສູງສຸດສໍາລັບຜູ້ອອກແຮງງານ. (ພາບ: vov) |
ການໜູນຊ່ວຍລູກຫຼານຜູ້ອອກແຮງງານທີ່ໄດ້ຮັບຜົນກະທົບຈາກການແຜ່ລະບາດຂອງພະຍາດໂຄວິດ-19 ແມ່ນບັນຫາທີ່ໜ້າສົນໃຈໃນການພັດທະນານະໂຍບາຍ. ເດັກກໍາພ້າໃນລະຫວ່າງການເກີດລະບາດ ລ້ວນແຕ່ໄດ້ມີນະໂຍບາຍສະເພາະ; ເດັກນ້ອຍທີ່ແມ່ແມ່ນ F1, F0 ທີ່ເກີດໃນໄລຍະເວລານັ້ນກໍ່ໄດ້ຮັບການຫນູນຊ່ວຍ.
ທ່ານ ດ່າວງອກຢຸງ - ລັດຖະມົນຕີກະຊວງແຮງງານ, ທະຫານເສຍອົງຄະ ແລະ ສັງຄົມ ໃຫ້ຮູ້ວ່າ: ໃນການປັບປຸງກົດໝາຍວ່າດ້ວຍປະກັນສັງຄົມ, ກະຊວງໄດ້ປະຕິບັດສຳເລັດເອກະສານລະບຽບການ ແລະ ຂັ້ນຕອນດ້ວຍ 11 ກຸ່ມນະໂຍບາຍປະກັນສັງຄົມ, ພິເສດແມ່ນການປັບອາຍຸກະສຽນບຳນານ ໄດ້ສ້າງສຳເລັດ ແລະ ຈະຍື່ນສະເໜີຕໍ່ສະພາແຫ່ງຊາດໃນປີ 2023. “ພວກເຮົາຈະຄ່ອຍໆຫຼຸດເວລາຈ່າຍຄ່າປະກັນສັງຄົມ. ກ່ອນໜ້ານີ້ ໄດ້ກຳນົດ 20 ປີ, ຮ່າງກົດໝາຍສະບັບນີ້ຄ່ອຍໆຫຼຸດລົງເປັນ 15 ປີ ແລະ ອາດຈະມຸ່ງໄປເຖິງ 10 ປີ, ບົນຈິດໃຈ “ຈ່າຍຫຼາຍ ກໍໄດ້ຮັບຜົນປະໂຫຍດຫຼາຍ, ຈ່າຍໜ້ອຍ ກໍໄດ້ຮັບຜົນປະໂຫຍດໜ້ອຍ” ຍ້ອນຫຼັກການປະກັນສັງຄົມບົນຈິດໃຈຍຸດຕິທຳ ແລະ ແບ່ງປັນ. ນອກນັ້ນ, ຮ່າງກົດໝາຍ ກໍເພີ່ມທະວີການເຊື່ອມຕໍ່ລະຫວ່າງກຸ່ມປະກັນສັງຄົມ, ຮັບປະກັນ”.…/.
ຄຳຮຸ່ງ
