| ການບູລະນາການທາງເພດພາວະໃນບັນດານະໂຍບາຍແຮງງາານ ແລະ ວຽກເຮັດງານທຳ ມຸ້ງໄປສູ່ຄວາມຍືນຍົງຢູ່ ສສ ຫວຽດນາມ | |
| ຫວຽດນາມ ແລະສ.ເກົາຫຼີ ຍູ້ແຮງການຮ່ວມມືດ້ານຂໍ້ມູນຂ່າວສານ ແລະສື່ສານ |
 |
| ບັນຍາກາດທີ່ກອງປະຊຸມສໍາມະນາ. ພາບ: Vov.vn |
ໃນຕະຫຼອດ 30 ປີຜ່ານມາ, ຫວຽດນາມ ແລະສ.ເກົາຫຼີ ໄດ້ມີການເຄື່ອນໄຫວຮ່ວມມືໃນບັນດາຂົງເຂດແຮງງານ, ວຽກເຮັດງານທໍາ, ການສຶກສາວິຊາອາຊີບ ແລະພັດທະນາຊັບພະຍາກອນມະນຸດ,... ນຳຜົນປະໂຫຍດດ້ານເສດຖະກິດມາໃຫ້ປະຊາຊົນ ແລະວິສາຫະກິດສອງຝ່າຍ.
ທີ່ກອງປະຊຸມສໍາມະນາ, ທ່ານ ຫງວຽນບ໊າຮວານ ຮອງລັດຖະມົນຕີກະຊວງແຮງງານ, ທະຫານເສຍອົງຄະ ແລະສັງຄົມຫວຽດນາມ ໃຫ້ຮູ້ວ່າ: “ກະຊວງແຮງງານ, ທະຫານເສຍອົງຄະ ແລະສັງຄົມຫວຽດນາມ ແລະກະຊວງວຽກເຮັດງານທໍາ ແລະແຮງງານສ.ເກົາຫຼີ ໄດ້ເຊັນຂໍ້ຕົກລົງຮ່ວມມືຫຼາຍສະບັບໃນປີ 2004, 2009, 2013, 2019. ສອງກະຊວງໄດ້ສ້າງຕັ້ງການພົວພັນຄູ່ຮ່ວມມືໄລຍະກາງ, ໄລຍະຍາວ ແລະສືບຕໍ່ເປີດກວ້າງການເຄື່ອນໄຫວຮ່ວມມືຮອບດ້ານໃນຂົງເຂດແຮງງານ, ວຽກເຮັດງານທໍາ ແລະສະຫວັດດີການສັງຄົມ. ພວກຂ້າພະເຈົ້າເຊື່ອໝັ້ນວ່າ ສອງຝ່າຍຈະສືບຕໍ່ຍູ້ແຮງ ແລະເປີດກວ້າງບັນດາໂຄງການສຸມໃສ່ບາງເນື້ອໃນສໍາຄັນ;...
ໃນຂອບເຂດລາຍການ, ບັນດາຜູ້ແທນໄດ້ປຶກສາຫາລືກ່ຽວກັບບັນຫາຮ່ວມມືໃນຂົງເຂດແຮງງານ ແລະແຮງງານອົບພະຍົບ; ການພັດທະນາຊັບພະຍາກອນມະນຸດ ແລະທັກສະ, ຖືນີ້ແມ່ນເສົາຄໍ້າໃນການຮ່ວມມືຫວຽດນາມ-ສ.ເກົາຫຼີ; ການຮ່ວມມືໃນການພັດທະນາຕະຫຼາດແຮງງານ... ພ້ອມກັນນັ້ນ, ແລກປ່ຽນກ່ຽວກັບສັນຍາປະກັນໄພສັງຄົມລະຫວ່າງສອງປະເທດ; ຂົງເຂດພັດທະນາຊັບພະຍາກອນມະນຸດຫວຽດນາມ-ສ.ເກົາຫຼີ, ສະພາບການຮ່ວມມື ODA ແລະແຜນການຜັນຂະຫຍາຍໃນອະນາຄົດ.
ກອງທັບ
