ວັນທີ 15 ມັງກອນ, ຢູ່ແຂວງບິ່ງເຟືອກ, ສະມາຄົມນັກຮົບເກົ່າແຂວງບິ່ງເຟືອກ ສົມທົບກັບຄະນະກໍາມະການສະຫະສະມາຄົມນັກຮົບເກົ່າແຂວງ Kratie (ກໍາປູເຈຍ) ຈັດຕັ້ງກອງປະຊຸມພົບປະ, ແລກປ່ຽນສະພາບການປະຕິບັດວຽກງານຂອງສະຫະສະມາຄົມໃນໄລຍະຜ່ານມາ.
 |
| ສອງແຂວງບິ່ງເຟືອກ ແລະ ແຂວງ Kratie ເຊັນບົດບັນທຶກຊ່ວຍຈໍາ. ພາບ: baobinhphuoc.com.vn |
ທີ່ກອງປະຊຸມ, ສອງກົມກອງໄດ້ເຫັນດີເປັນເອກະພາບຕີລາຄາວ່າ ໃນຊຸມປີຜ່ານມາ, ສະມາຄົມນັກຮົບເກົ່າແຂວງບິ່ງເຟືອກ ແລະ ຄະນະກໍາມະການສະຫະສະມາຄົມນັກຮົບເກົ່າແຂວງ Kratie ຍາມໃດກໍ່ເປັນເຈົ້າການສ້າງການສົມທົບກັນເຄື່ອນໄຫວຮ່ວມມືທີ່ບັນລຸຫຼາຍໝາກຜົນສໍາຄັນ, ປະກອບສ່ວນສ້າງການຈັດຕັ້ງສະມາຄົມຂອງແຕ່ລະທ້ອງຖິ່ນຢ່າງເຂັ້ມແຂງ; ພິເສດແມ່ນຮ່ວມມືສ້າງເສັ້ນທາງຊາຍແດນສັນຕິພາບ, ມິດຕະພາບ, ຮ່ວມມື, ພັດທະນາ ແລະ ແລກປ່ຽນຂໍ້ມູນຂ່າວສານກ່ຽວກັບຂຸມສົບນັກຮົບອາສາສະໝັກທີ່ເສຍສະຫຼະຊີວິດໃນການປະຕິບັດໜ້າທີ່ສາກົນຢູ່ກໍາປູເຈຍ, ຜ່ານນັ້ນ ກໍຍົກສູງຄຸນນະພາບປະສິດທິຜົນວຽກງານຊອກຫາ, ທ້ອນໂຮມອັດຖິນັກຮົບທີ່ເສຍສະຫຼະຊິວິດເພື່ອຊາດ. ສອງກົມກອງກໍ່ເຫັນດີເປັນເອກະພາບຜັນຂະຫຍາຍຫຼາຍມາດຕະການຮ່ວມມືໃນໄລຍະຈະມາເຖິງ, ໃນນັ້ນ ສຸມໃສຍູ້ແຮງວຽກງານໂຄສະນາ; ສ້າງແຜນການສົມທົບກັນເຄື່ອນໄຫວລະອຽດ; ແລກປ່ຽນຂໍ້ມູນຂ່າວສານຢ່າງເປັນປະຈຳ...
ບູນມີ
