| SCMP: ໂຮ້ຍອ້ານກຽມພ້ອມການຕ້ອນຮັບແຂກທ່ອງທ່ຽວສາກົນ | |
| ງານບຸນລະດູບານໃໝ່ ກົນເຊີນ - ກຽບບາກ ປີ 2023 ຈະດຳເນີນແຕ່ວັນທີ 4 – 13 ກຸມພາ ປີ 2023 |
 |
| ພາບປະກອບ: VOV |
ໃນນັ້ນ, ໂຄງການ “ເສັ້ນທາງແຫ່ງສິລະປະ ແລະ ປະດິດຄິດສ້າງ” ໄດ້ດຶງດູດການເຂົ້າຮ່ວມຂອງນັກສິລະປິນນັບສິບຄົນທີ່ມາຈາກບັນດາໝູ່ບ້ານຫັດຖະກຳ ຢູ່ນະຄອນໂຮ້ຍອານ, ໄດ້ສະແດງ ແລະ ວາງສະແດງບັນດາຜະລິດຕະພັນຫັດຖະກຳຄື: ເຄື່ອງປັ້ນດິນເຜົາ, ແກະຄວັດສະຫຼັກ, ພາບແຕ້ມແພໄໝ.
ນອກຈາກນັ້ນ ຍັງມີບັນດາການເຄື່ອນໄຫວຄື: ງານວາງສະແດງພາບຖ່າຍໂຮ້ຍອານ - ມໍລະດົກ ແລະ ປະດິດຄິດສ້າງ, ພື້ນທີ່ອາຫານການກິນ ເມືອງເກົ່າໂຮ້ຍອານ, ດົນຕີຕາມທ້ອງຖະໜົນ, ບັນດາເຄື່ອງລະຫຼິ້ນພື້ນເມືອງ, ບັນດາການເຄື່ອນໄຫວລົງພຶດຕິກຳຕົວຈິງຕ່າງໆ…
ທ່ານ ຫງວຽນວັນແລງ, ຮອງປະທານຄະນະກຳມະການປະຊາຊົນນະຄອນ ໂຮ້ຍອານ ໃຫ້ຮູ້ວ່າ ນີ້ຈະແມ່ນສະຖານທີ່ຕິດພັນກັບບັນດານັກສິລະປະກອນ. ນີ້ກໍ່ແມ່ນການລະຫຼິ້ນເພື່ອໃຫ້ທຸກຄົນມາພົບປະແລກປ່ຽນ, ເປັນແຫຼ່ງບັນດານໃຈປະດິດຄິດສ້າງ, ແບ່ງປັນ ແລະ ເຊື່ອມໂຍງ ສ້າງບັນດາຄຸນຄ່າທີ່ໄດ້ຄັດເລືອກ ເພື່ອກາຍເປັນຜະລິດຕະພັນການທ່ອງທ່ຽວໃໝ່ຂອງນະຄອນໂຮ້ຍອານ ໃນວິວັດການສູ້ຊົນກາຍເປັນນະຄອນແຫ່ງການປະດິດຄິດສ້າງ.
ບັນດາການເຄື່ອນໄຫວຕ້ອນຮັບປີໃໝ່ 2023 ຢູ່ນະຄອນໂຮ້ຍອານ ລວມມີຫຼາຍການເຄື່ອນໄຫວຄື: ສັບປະດາໂຄສະນາບັນດາຜະລິດຕະພັນເຂດພູສູງຢູ່ແຂວງ ກ໋ວາງນາມ, ວາງສະແດງຜະລິດຕະພັນສິລະປະທີ່ເຮັດຈາກວັດສະດຸທົດແທນ, ຕະຫຼາດນັດ ໂຮ້ຍອານ, ເຂດອາຫານການກິນ ເມືອງເກົ່າໂຮ້ຍອານ, ວັນບຸນສິ່ງຍອດຍິ່ງຊາຫວຽດ, ໂຄງການໂຮ້ຍອານ, ລະດູບານໃໝ່ ແລະ ຊາວໜຸ່ມ. ດ້ວຍບັນດາການເຄື່ອນໄຫວ, ເຫດການວັດທະນະທຳ ທີ່ມີສີສັນສະເພາະ, ມໍລະດົກວັດທະນະທຳໂລກ ໂຮ້ຍອານ ໝັ້ນໝາຍຈະສືບຕໍ່ເປັນໃຈກາງດຶດດູດແຂກໃນໂອກາດວັນບຸນທ້າຍປີ.
ບຸນຄົງ
