ຫວ່າງແລ້ວນີ້, ຢູ່ຮ່າໂນ້ຍ, ສະຖານທູດ Azerbaijan ປະຈຳ ຫວຽດນາມ ໄດ້ຈັດຕັ້ງພິທີມອບລາງວັນໝາກຮຸກມິດຕະພາບ ເນື່ອງໃນໂອກາດສະເຫຼີມ ສະຫຼອງ 30 ປີແຫ່ງວັນສ້າງຕັ້ງການພົວພັນທາງການທູດ ຫວຽດນາມ ແລະ Azerbaijan (1992 – 2022).
ພິທີມອບລາງວັນໝາກຮຸກມິດຕະພາບ ເນື່ອງໃນໂອກາດສະເຫຼີມສະຫຼອງ 30 ປີແຫ່ງວັນສ້າງຕັ້ງການພົວພັນທາງການທູດ ຫວຽດນາມ - Azerbaijan. ພາບ: thoidai.com.vn
ກ່າວຄຳເຫັນທີ່ພິທີເປີດ, ທ່ານເອກອັກຄະລັດຖະທູດ Azerbaijani ປະຈຳ ຫວຽດນາມ Shovgi Mehdizade ໃຫ້ຮູ້ວ່າ: ປີ 2022 ແມ່ນປີສຳຄັນທີ່ສອງປະເທດສະເຫຼີມສະຫຼອງ 30 ປີແຫ່ງວັນສ້າງຕັ້ງການພົວພັນທາງການທູດ, ມີຫຼາຍເຫດການໄດ້ຈັດຂຶ້ນໃນໂອກາດສຳຄັນນີ້, ໃນນັ້ນແມ່ນ ການແຂ່ງຂັນໝາກຮຸກມິດຕະພາບຈັດຕັ້ງໂດຍສະຖານທູດ Azerbaijan ສົມທົບກັບສະຫະພັນໝາກຮຸກ Azerbaijan ແລະ ສະຫະພັນໝາກຮຸກຫວຽດນາມ.
ກ່ອນໜ້ານັ້ນ, ວັນທີ 4 ທັນວາ ກໍໄດ້ດໍາເນີນການແຂ່ງຂັນໝາກຮຸກມິດຕະພາບລະຫວ່າງຫວຽດນາມ ແລະ Azerbaijan ທາງອອນລາຍ. ນັກກິລາຫວຽດນາມ ເກນອາຍຸ U12 ປີ ຫາ U16 ແຂ່ງຂັນແບບ hybrid, ແຂ່ງຂັນເປັນທີມ ແລະ ຊະນະລວມ 7 – 5 ຮອບ.
ທ່ານເອກອັກຄະລັດຖະທູດ Shovgi Mehdizade ປາດຖະໜາວ່າ ສະຫະພັນໝາກຮຸກ Azerbaijan ແລະ ສະຫະພັນໝາກຮຸກ ຫວຽດນາມ ໃນໄລຍະຈະມາເຖິງ ຈະຈັດຕັ້ງບັນດາການພົບປະແລກປ່ຽນຄະນະ, ກໍ່ຄືການແຂ່ງຂັນມິດຕະພາບເພື່ອໃຫ້ບັນດານັກກິລາໜຸ່ມ ໄດ້ມີໂອກາດໄປຢ້ຽມຢາມ Azerbaijan ທີ່ສວຍງາມ.
ບູນມີ
