| ຫວຽດນາມ ແລະ ລັດເຊຍ ເພີ່ມທະວີການພົວພັນມິດຕະພາບ ແລະ ຄູ່ຮ່ວມມືຍຸດທະສາດຮອບດ້ານ | |
| ເພີ່ມທະວີການພົວພັນມິດຕະພາບ ແລະ ການຮ່ວມມືລະຫວ່າງຫວຽດນາມ - ເວເນຊູເອລາ ນັບມື້ນັບເລິກເຊິ່ງຂຶ້ນຕື່ມ |
ຫວ່າງແລ້ວນີ້, ຢູ່ຮ່າໂນ້ຍ, ສະມາຄົມມິດຕະພາບ ແລະ ການຮ່ວມມື ຫວຽດນາມ - ໂຮນລັງ (ສະມາຄົມ) ໄດ້ຈັດຕັ້ງກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 2 ອາຍຸການ 2022-2027.
ເພີ່ມທະວີການພົວພັນມິດຕະພາບ ແລະ ການຮ່ວມມືໃນຂົງເຂດເສດຖະກິດ. ພາບ: thoidai.com.vn
ກອງປະຊຸມໃຫຍ່ໄດ້ກໍານົດວ່າ: ໃນອາຍຸການຕໍ່ໄປຈຸດສຸມວຽກງານຂອງສະມາຄົມແມ່ນເພີ່ມທະວີການພົວພັນມິດຕະພາບ ແລະ ການຮ່ວມມືໃນທຸກຂົງເຂດ, ພິເສດແມ່ນການພົວພັນເສດຖະກິດ, ການຄ້າ ແລະ ການລົງທຶນ ເພື່ອຜົນປະໂຫຍດຂອງບັນດາວິສາຫະກິດ, ທ້ອງຖິ່ນ ແລະ ປະຊາຊົນສອງປະເທດ.
ເຂົ້າຮ່ວມ ແລະ ກ່າວຄຳເຫັນທີ່ກອງປະຊຸມໃຫຍ່, ທ່ານນາງປະທານສະຫະພັນບັນດາອົງການຈັດຕັ້ງມິດຕະພາບຫວຽດນາມ ຫງວຽນເຟືອງງາ ສະເໜີວ່າ ໃນໄລຍະຈະມາເຖິງ, ສະມາຄົມຈະຕັ້ງໜ້າສະເໜີຂໍ້ລິເລີ່ມ, ກໍ່ສ້າງບັນດາໂຄງການ ແລະ ແຜນການຕະຫຼອດອາຍຸການດ້ວຍບັນດາໂຄງຮ່າງຈັດຕັ້ງການເຄື່ອນໄຫວການທູດປະຊາຊົນ ເພື່ອຂະຫຍາຍ ແລະ ພັດທະນາເຄືອຂ່າຍຂອງເພື່ອນມິດ ແລະ ຄູ່ຮ່ວມມື. ຍາດແຍ່ງທ່າແຮງ ແລະ ຂຸດຄົ້ນຄວາມສາມາດບົ່ມຊ້ອນຮ່ວມມືຂອງສອງປະເທດໃນບັນດາຂົງເຂດຄື ການລົງທຶນ, ການຄ້າ, ກະສິກຳ, ຊົນລະປະທານ, ການຄຸ້ມຄອງແຫຼ່ງນ້ຳ, ການສຶກສາ ແລະ ການທ່ອງທ່ຽວ ເພື່ອປ່ຽນແປງໃໝ່ຮູບແບບ ແລະ ເນື້ອໃນການເຄື່ອນໄຫວຂອງສະມາຄົມ.
ກອງປະຊຸມໃຫຍ່ໄດ້ເລືອກຕັ້ງຄະນະບໍລິຫານງານ, ຄະນະປະຈຳສະມາຄົມມິດຕະພາບ ແລະ ການຮ່ວມມື ຫວຽດນາມ - ໂຮນລັງ ໄລຍະ 2022-2027. ທ່ານ ຮສ.ປອ ດ່າວຊວນຮອກ ສືບຕໍ່ໄດ້ຮັບການເລືອກຕັ້ງເປັນປະທານສະມາຄົມໄລຍະ 2022-2027. ເນື່ອງໃນໂອກາດນີ້, ທ່ານນາງປະທານສະຫະພັນບັນດາອົງການຈັດຕັ້ງມິດຕະພາບຫວຽດນາມ ຫງວຽນເຟືອງງາ ໄດ້ມອບໃບຍ້ອງຍໍຂອງສະຫະພັນບັນດາອົງການຈັດຕັ້ງມິດຕະພາບ ຫວຽດນາມ ໃຫ້ 2 ໝູ່ຄະນະ ແລະ 9 ບຸກຄົນຂອງສະມາຄົມ ຍ້ອນມີການປະກອບສ່ວນຢ່າງຕັ້ງໜ້າເຂົ້າໃນການເຄື່ອນໄຫວການທູດປະຊາຊົນຫຼາຍຢ່າງໃນໄລຍະ 2013-2019.
ບູນມີ
