ແນວ​ໂຮມ​ປະ​ເທດ​ຊາດ ຫວຽດ​ນາມ ແລະ ສະ​ມັດ​ຊາ​ໃຫຍ່ ສັນ​ຕິ​ພາບ​ໂລກ ຄວນ​ເພີ່ມ​ທະ​ວີ​ການ​ຮ່ວມ​ມື​ເພື່ອ​ສັນ​ຕິ​ພາບ

15:44 | 30/11/2022

ຍ​ສ​ໝ - ນີ້​ແມ່ນ​ເນື້ອ​ໃນ​ໂດຍ​ຜູ້​ແທນຫຼາຍ​ທ່ານ​ສະ​ເໜີ​ຢູ່​ການ​ພົບ​ປະ​ຂອງ​ປະ​ທານ​ຄະ​ນະ​ກຳ​ມະ​ການ​ສູນ​ກາງ​ແນວ​ໂຮມ​ປະ​ເທດ​ຊາດ ຫວຽດ​ນາມ ໂດ​ວັນ​ຈຽນ ກັບ ຄະ​ນະ​ຜູ້​ແທນ​ສະ​ມັດ​ຊາ​ໃຫຍ່​ສັນ​ຕິ​ພາບ​ໂລກ ໃນ​ຕອນ​ຄ່ຳ​ວັນ​ທີ 24 ພ​ະ​ຈິກ​ເນື່ອງ​ໃນ​ໂອ​ກາດ​ສະ​ມັດ​ຊາ​ໃຫຍ່​ຄັ້ງ​ທີ 22 ທີ່​ໄດ້​ຈັດ​ຂຶ້ນ​ຢູ່ ຫວຽດ​ນາມ.

ບັນ​ດາ​ຜູ້​ແທນ​ເຂົ້າ​ຮ່ວມກອງ​ປະ​ຊຸມ​ໃຫຍ່​ສະ​ພາ​ສັນ​ຕິ​ພາບ​ໂລກ ຕີ​ລາ​ຄາ​ສູງ​ຕໍ່​ບົດ​ບາດ​ຂອງ ຫວຽດ​ນ​າມ ໃນ​ສະ​ພາ​ສັນ​ຕິ​ພາບ​ໂລກ ບັນ​ດາ​ຜູ້​ແທນ​ເຂົ້າ​ຮ່ວມກອງ​ປະ​ຊຸມ​ໃຫຍ່​ສະ​ພາ​ສັນ​ຕິ​ພາບ​ໂລກ ຕີ​ລາ​ຄາ​ສູງ​ຕໍ່​ບົດ​ບາດ​ຂອງ ຫວຽດ​ນ​າມ ໃນ​ສະ​ພາ​ສັນ​ຕິ​ພາບ​ໂລກ
ສືບ​ຕໍ່ເພີ່ມພູນຄູນສ້າງ​ສາຍ​ພົວພັນ​ມິດຕະພາບ​ອັນ​ຍິ່ງ​ໃຫຍ່, ຄວາມ​ສາມັກຄີ​ແບບ​ພິ​ເສດ ​ແລະ ການ​ຮ່ວມ​ມື​ຮອບດ້ານ​ຫວຽດນາມ - ລາວ ສືບ​ຕໍ່ເພີ່ມພູນຄູນສ້າງ​ສາຍ​ພົວພັນ​ມິດຕະພາບ​ອັນ​ຍິ່ງ​ໃຫຍ່, ຄວາມ​ສາມັກຄີ​ແບບ​ພິ​ເສດ ​ແລະ ການ​ຮ່ວມ​ມື​ຮອບດ້ານ​ຫວຽດນາມ - ລາວ
ແນວ​ໂຮມ​ປະ​ເທດ​ຊາດ ຫວຽດ​ນາມ ແລະ ສະ​ມັດ​ຊາ​ໃຫຍ່ ສັນ​ຕິ​ພາບ​ໂລກ ຄວນ​ເພີ່ມ​ທະ​ວີ​ການ​ຮ່ວມ​ມື​ເພື່ອ​ສັນ​ຕິ​ພາບ
ທ່ານປະ​ທານ​ຄະ​ນະ​ກຳ​ມະ​ການ​ສູນ​ກາງ​ແນວ​ໂຮມ​ປະ​ເທດ​ຊາດ ຫວຽດ​ນາມ ໂດ​ວັນ​ຈຽນ (ພາບ: ທູ​ຮ່າ)

ກ່າວ​ຄຳ​ເຫັນ​ທີ່​ການ​ພົບ​ປະ, ທ່ານ​ໂດ​ວັນ​ຈຽນ ໃຫ້​ຮູ້​ວ່າ: ມູນ​ເຊື້ອ​ອັນ​ລ້ຳ​ຄ່າ​ຂອງ​ຊາດ ຫວຽດ​ນາມ ແມ່ນ​ຮັກ​ແພງ​ສັນ​ຕິ​ພາບ, ມີ​ຄວາມ​ເມັ​ດ​ຕາ​ປາ​ນີ, ຊ່ວ​ຍ​ເຫຼືອ​ເຊິ່ງ​ກັນ​ແລະ​ກັນ, ລະ​ຫວ່າງ​ຄົນ​ກັບ​ຄົນ. ທ່ານ​ປະ​ທານ​ໂຮ່​ຈີ​ມິນ, ນັກ​ຮົ​ບ​ວິ​ລະ​ຊົນ​ປົດ​ປ່ອຍ​ຊາດ, ນັກ​ວັດ​ທະ​ນະ​ທຳ ໂລກ, ຜູ້​ປະ​ດິດ​ສ້າງ​ຄະ​ນະ​ກຳ​ມະ​ການ​ປົກ​ປ້ອງ​ສັນ​ຕິ​ພາບ ຫວຽດ​ນາມ (ປັດ​ຈຸ​ບັນ​ແມ່ນ​ຄະ​ນະ​ກຳ​ມະ​ການ​ສັນ​ຕິ​ພາບ ຫວຽດ​ນາມ) ໄດ້​ສັ່ງ​ສອນ​ໃນ ຈົດ​ໝາຍ​ສົງ​ໄປ​ຍັງ​ກອງ​ປະ​ຊຸມ​ໃຫຍ່​ປະ​ຊາ​ຊົນ​ຫວຽດ​ນາມ ປົກ​ປ້ອງ​ສັນ​ຕິ​ພາບ ໃນ​ວັນ​ທີ 16 ສິງ​ຫາ​ປີ 1958 ແມ່ນ​ຮັກ​ສາ​ສັນ​ຕິ​ພາບ​ແມ່ນ​ໜ້າ​ທີ່​ລວມ​ຂອງ​ທົ່ວ​ປະ​ຊາ​ຊົນ. ປະ​ຊາ​ຊົນ​ຫວຽດ​ນາມ ແຕ່​ລະ​ຄົນ ຕ້ອງ​ແມ່ນ​ນັກ​ຮົບ​ທີ່​ກ້າ​ຫານ​ຕໍ່​ສູ້​ໃຫ້​ແກ່​ສັນ​ຕິ​ພາບ.

ຕາມ​ທ່ານ​ໂດ​ວັນ​ຈຽນ​ ແລ້ວ, ແນວ​ໂຮມ​ປະ​ເທດ​ຊາດ ຫວຽດ​ນາມ ແມ່ນ​ອົງ​ການ​ຈັດ​ຕັ້ງ​ສະ​ຫະ​ພັນ​ດ້ານ​ການ​ເມືອງ, ຕາງ​ໜ້າ​ໃຫ້​ແກ່​ເຈດ​ຈຳ​ນົງ, ຄວາມ​ມຸ່ງ​ຫວັງ​ປາດ​ຖະ​ໜາ, ສິດ ແລະ ຜົນ​ປະ​ໂຫຍດ​ອັນ​ຊອບ​ທຳຂອ​ງ​ປະ​ຊາ​ຊົນ, ແມ່ນ​ໜຶ່ງ​ໃນ​ບັນ​ດາ​ອົງ​ການ​ທີ່​ມີ​ໜ້າ​ທີ່​ປະ​ຕິ​ບັດ​ການ​ເຄື່ອນ​ໄຫວ​ທາງ​ການ​ທູດ ປະ​ຊາ​ຊົນ.

ທ່ານ ໂດ​ວັນ​ຈຽນ​ ປະ​ທານ​ຄະ​ນະ​ກຳ​ມະ​ການ​ສູນ​ກາງ​ແນວ​ໂຮມ​ປະ​ເທດ​ຊາດ ຫວຽດ​ນາມ ຫວັງ​ວ່າ ເນື້ອ​ໃນ​ໂຄງ​ການ​ດຳ​ເນີນ​ງານ​ຂອງ​ກອງ​ປະ​ຊຸມ​ຄັ້ງ​ທີ 22 ຂອງ​ສະ​ມັດ​ຊາ​ໃຫຍ່ ສັນ​ຕິ​ພາບ​ໂລກ ຈະ​ປະ​ກົດ​ຜົນ​ເປັນ​ຈິງ, ເພື່ອ​ໃຫ້​ປະ​ຊາ​ຊົນ​ທົ່ວ​ໂລກ ເວົ້າ​ລວມ, ປະ​ຊາ​ຊົນ ຫວຽດ​ນາມ ເວົ້າ​ສະ​ເພາະ​ຮ່ວມ​ດຳ​ລົງ​ຊີ​ວິດ​ຢ່າງ​ມີ​ມິດ​ຕະ​ພາບ, ຮ່ວມ​ມື, ພ້ອມ​ກັນ​ພັດ​ທະ​ນາ​ໃນ​ບັນ​ຍາ​ກາດ​ສັນ​ຕິ​ພາບ​ຂອງ​ໂລກ.

ທີ່​ການ​ພົບ​ປະ, ທ່ານ​ປະທານ​ສະພາ​ສັນຕິພາບ​ໂລກ​ຄົນ​ໃໝ່ Pallab Sengupta ​ໄດ້​ຂອບ​ໃຈ​ການ​ຕ້ອນຮັບ​ອັນ​ອົບ​ອຸ່ນ​ຂອງ​ຄະນະ​ກຳມະການ​ສູນ​ກາງ​ແນວ​ໂຮມ​ປະ​ເທດ​ຊາດ ຫວຽດນາມ. ທ່ານ Pallab Sengupta ກ່າວ​ວ່າ: ບັນດາ​ເນື້ອ​ໃນໂຄງ​ການ​ດຳ​ເນີນ​ງານ​ຢູ່​ກອງ​ປະຊຸມ​ໃຫຍ່​ໄດ້​ແລກປ່ຽນ​ຢ່າງ​ມີ​ປະສິດທິ​ຜົນ​ຈາກ​ຜູ້​ແທນ​ຂອງ​ບັນ​ດາປະ​ເທດ. ບັນດາ​ຜູ້​ແທນ​ເຂົ້າ​ຮ່ວມ​ກອງ​ປະຊຸມ​ໄດ້​ສ້າງ​ແຫຼ່ງ​ບັນ​ດານ​ໃຈ​ ​ຈາກ​ປະຊາຊົນ​ຫວຽດນາມ, ຈາກ​ບັນດາ​ໝາກຜົນ​ແຫ່ງ​ການ​ຕໍ່ສູ້​ປົກ​ປັກ​ຮັກສາ​ສັນຕິພາບ​ຂອງ​ຫວຽດນາມ ​ໃນ​ອະ​ດີດ. ບັນດາ​ການ​ນຳ​ຂອງ​ສະມັດ​ຊາ​ໃຫຍ່ສັນຕິພາບ​ໂລກ ​ແລະ ຄະນະ​ກຳມະການ​ສັນຕິພາບ​ຂອງ​ທຸກ​ປະ​ເທດ ​ໄດ້​ສະ​ແດງ​ຄວາມ​ເຄົາລົບ ​ແລະ ຮັກ​ແພງ​ປະທານ ​ໂຮ່ຈີ​ມິນ; ຊົມ​ເຊີຍ​ບັນ​ດາ​ປະ​ເພ​ນີ ແລະ ບັນ​ດາ​ຜົນ​ສຳ​ເລັດ​ຂອງ​ຊາດ ແລະ ປະ​ຊາ​ຊົນ​ຫວຽດ​ນາມ ວິ​ລະ​ຊົນ - ສັນ​ຍາ​ລັກ​ແຫ່ງ​ສັນ​ຕິ​ພາບ​ຂອງ​ໂລກ. ທ່ານ Pallab Sengupta ເວົ້າ​ວ່າ:

ຄະນະ​ກຳ​ມະ​ຫານ​ສູນ​ກາງ​ແນວ​ໂຮມ​ປະ​ເທດ​ຊາດ​ຫວຽດນາມ ມີ​ບົດບາດ​ສຳຄັນ​ໃນ​ການ​ຊຸກຍູ້​ຄວາມ​ສາມັກຄີ​ແຫ່ງ​ຊາດ​ຢູ່​ຫວຽດນາມ. ພວກ​ເຮົາ​ຕ້ອງ​ຮ່ວມ​ມືກັນ​ເຮັດ​ໃຫ້​ໂລກ​​ດີ​ຂຶ້ນ.”

ທີ່​ການ​ພົບ​ປະ, ບັນດາ​ຜູ້​ແທນ​ໄດ້​ແລກປ່ຽນ ​ແລະ ມອບ​ຂອງຂວັນ​ມິດຕະພາບ, ອ​ວຍ​ພອນ​ໃຫ້ ສະມັດ​ຊາ​ໃຫຍ່ສັນຕິພາບ​ໂລກ ມີ​ການ​ເຄື່ອນ​ໄຫວ​ທີ່​ນັບ​ມື້​ນັບ​ມີ​ປະສິດທິ​ຜົນ, ​ເປັນ​ກຳລັງ​ແຮງ​ອັນ​ໃຫຍ່​ຫຼວງ​ຂອງ​ປະຊາ​ຄົມ​ໂລກ​ໃນ​ການ​ມານະ​ພະຍາຍາມ​ສັນຕິພາບ​ຂອງ​ໂລກ; ປະ​ຊາ​ຊົນມີຊີວິດທີ່ອີ່ມ​ໜຳ​ສຳ​ລານ ສົມ​ບູນ​ພູມ​ສຸກ.

ກ່ອນ​ໜ້າ​ນັ້ນ, ວັນ​ທີ 23 ພະຈິກ, ທ່ານ​ປະທານ​ປະ​ເທດ ຫງວຽນ​ຊວນ​ຟຸກ ​ແລະ ຜູ້ຕາງໜ້າ​ການ​ນຳ​ນະຄອນ ຮ່າ​ໂນ້ຍ ກໍ່​ມີ​ການ​ພົບ​ປະ​ກັບ​ບັນດາ​ຜູ້​ແທນ​ທີ່​ເຂົ້າ​ຮ່ວມ​ກອງ​ປະຊຸມ​ໃຫຍ່.

ທີ່​ການ​ພົບ​ປະ, ທ່ານ​ປະທານ​ປະ​ເທດ ຫງວຽນ​ຊວນ​ຟຸກ ຢືນຢັນ​ວ່າ ພັກ, ລັດ ​ແລະ ປະຊາຊົນ ຫວຽດນາມ ຍາມ​ໃດ​ກໍ່​ເຄົາລົບ ​ແລະ ຈົດ​ຈຳ​ການ​ໜູນ​ຊ່ວຍ, ຄວາມ​ສາມັກຄີ​ຢ່າງ​ແໜ້ນ​ແຟ້ນ ​ແລະ ການ​ຊ່ວຍ​ເຫຼືອ​ອັນ​ລ້ຳ​ຄ່າ​ຂອງ​ບັນດາ​ອົງການ​ປະຊາທິປະ​ໄຕ ​ແລະ ກ້າວໜ້າ, ​ໃນ​ນັ້ນ​ມີ​ສະມັດ​ຊາ​ໃຫຍ່ສັນຕິພາບ​ໂລກ ​ແລະ ບັນດາ​ອົງການ​ສະມາຊິກ​ໃນ​ຂະ​ບວນການ​​ຕໍ່ສູ້​ເພື່ອ​ເອກະລາດ​ແຫ່ງ​ຊາດ​ຂອງ​ຫວຽດນາມ ກໍ່​ຄື​ໃນ​ການ​ກໍ່ສ້າງ ​ແລະ ປ້ອງ​ກັນ​ປະ​ເທດ​ໃນ​ປະຈຸ​ບັນ. ຫວຽດນາມ ຈະ​ສືບ​ຕໍ່​ປະກອບສ່ວນ​ຢ່າງ​ຕັ້ງໜ້າ​ເຂົ້າ​ໃນ​ການ​ເຄື່ອນ​ໄຫວ​ຂອງ​ສະມັດ​ຊາ​ໃຫຍ່ ​ແລະ ການ​ເຄື່ອນ​ໄຫວ​ຂອງ​ປະຊາຊົນ​ໃນ​ທົ່ວ​ໂລກ ​ເພື່ອ​ສັນຕິພາບ, ເອກະລາດ​ແຫ່ງ​ຊາດ, ປະຊາທິປະ​ໄຕ ​ແລະ ຄວາມ​ກ້າວໜ້າ​ຂອງ​ສັງຄົມ.

ບຸນ​ຄົງ

ເຫດການ