 |
| ທ່ານປະທານສະພາແຫ່ງຊາດ ເວືອງດິ່ງເຫ້ວ ມອບຂອງຂວັນໃຫ້ແກ່ສະມາຄົມຊາວຫວຽດນາມ ອາໄສຢູ່ກຳປູເຈຍ. |
ໂດຍສືບຕໍ່ການຢ້ຽມຢາມ ລາຊະອານາຈັກ ກຳປູເຈຍ ຢ່າງເປັນທາງການ ແລະ ເຂົ້າຮ່ວມກອງປະຊຸມສະມັດຊາໃຫຍ່ ລັດຖະສະພາ ອາຊຽນ ຄັ້ງທີ 43 (AIPA - 43), ຕອນບ່າຍວັນທີ 20 ພະຈິກ, ທ່ານປະທານສະພາແຫ່ງຊາດ ເວືອງດິ່ງເຫ້ວ, ຮອງປະທານສະພາແຫ່ງຊາດ ຫງວຽນຄັກດິງ ແລະ ຄະນະຜູ້ແທນຂັ້ນສູງ ສະພາແຫ່ງຊາດຫວຽດນາມ ໄດ້ໄປຢ້ຽມຢາມສະຖານທູດ, ພົບປະກັບຜູ້ຕາງໜ້າວິສາຫະກິດ ແລະ ປະຊາຄົມຊາວຫວຽດນາມ ອາໄສຢູ່ກຳປູເຈຍ.
ທ່ານເອກອັກຄະລັດຖະທູດ ຫວຽດນາມ ປະຈຳ ກຳປູເຈຍ ຫງວຽນຮຸຍຕັງ, ຜູ້ຕາງໜ້າສະມາຄົມຂະແມ - ຫວຽດນາມ ປະຈຳ ກຳປູເຈຍ, ສະມາຄົມນັກທຸລະກິດ ຫວຽດນາມ ແລະ ຜູ້ຕາງໜ້າບັນດານັກສຶກສາ ຫວຽດນາມ ອາໄສ, ຮຳ່ຮຽນ ແລະ ເຮັດວຽກຢູ່ ກຳປູເຈຍ ໄດ້ລາຍງານ ແລະ ແບ່ງປັນບັນດາຂໍ້ສະເໜີຕໍ່ທ່ານປະທານສະພາແຫ່ງຊາດ ແລະ ຄະນະປະຕິບັດວຽກງານຂອງສະຖານທູດ, ການເຄື່ອນໄຫວຜະລິດດຳເນີນທຸລະກິດ, ການຮ່ຳຮຽນຂອງນັກສຶກສາ, ວຽກງານປະຊາຄົມ...
ໂດຍສະແດງຄວາມເຫັນດີເຫັນພ້ອມກັບປະຊາຊົນມີນ້ຳໃຈສາມັກຄີ, ແໜ້ນແຟ້ນ, ມຸ່ງໄປເຖິງບ້ານເກີດເມືອງນອນ ແລະ ປະເທດຊາດ, ທ່ານປະທານສະພາແຫ່ງຊາດ ຫງວຽນຊິງຮຸ່ງ ເນັ້ນໜັກວ່າ ພັກ ແລະ ລັດ ຍາມໃດກໍ່ຖືເປັນສຳຄັນ ແລະ ຖືປະຊາຄົມຊາວຫວຽດນາມ ຢູ່ຕ່າງປະເທດແມ່ນພາກສ່ວນໜຶ່ງທີ່ຂາດບໍ່ໄດ້. ເປັນແຫຼ່ງຊັບພະຍາກອນຂອງປະຊາຄົມແຫ່ງຊາດ ແລະ ເປັນປັດໄຈສຳຄັນທີ່ປະກອບສ່ວນເຂົ້າໃນການເພີ່ມທະວີການພົວພັນຮ່ວມມືມິດຕະພາບທີ່ເປັນມູນເຊື້ອລະຫວ່າງຫວຽດນາມ ກັບບັນດາປະເທດ.
ທ່ານປະທານສະພາແຫ່ງຊາດມອບທຶນໜູນຊ່ວຍການເຄື່ອນໄຫວຂອງຊາວຫວຽດນາມ ອາໄສຢູ່ບັນດາເຂດທະເລ, ແມ່ນ້ຳຂອງໄປດຳລົງຊີວິດຢູ່ແຄມທະເລດ້ວຍມູນຄ່າ 30.000 USD, ແລະ ຫ້ອງວ່າການສະພາແຫ່ງຊາດໄດ້ມອບ 5.000 USD ໃຫ້ສະມາຄົມຊາວຂະແມ - ຫວຽດນາມ ຢູ່ ກຳປູເຈຍ.
ບຸນຄົງ
