ໃນຂອບເຂດການຢ້ຽມຢາມມາເລເຊຍ ແລະ ອົດສະຕາລີ, ແຕ່ວັນທີ 6-10 ພະຈິກ, ຄະນະຜູ້ແທນຄະນະກຳມະການແຫ່ງລັດກ່ຽວກັບຊາວຫວຽດນາມ ອາໄສຢູ່ຕ່າງປະເທດ ໂດຍທ່ານ ມາຍຟານຢຸງ ຮອງຫົວໜ້າຄະນະກໍາມະການ ໄດ້ນຳໜ້າຄະນະໄປຢ້ຽມຢາມ ອົດສະຕາລີ, ເຮັດວຽກກັບບັນດາອົງການຜູ້ຕາງໜ້າຫວຽດນາມ ຢູ່ທີ່ນີ້ ແລະ ໄດ້ດຳເນີນການໂອ້ລົມສົນມະນາ ແລະ ພົບປະກັບບັນດາຜູ້ແທນ 8 ສະມາຄົມຊາວຫວຽດນາມ ອາໄຫສຢູ່ ອົດສະຕາລີ.
ຮັບຮູ້ຫຼາຍຄວາມຄິດເຫັນ ແລະ ການປະກອບສ່ວນຢ່າງແທດຈິງຂອງນັກຊ່ຽວຊານ ແລະ ປັນຍາຊົນ
ທີ່ບັນດາການພົບປະ, ຄະນະປະຕິບັດງານໄດ້ແລກປ່ຽນກັບປະຊາຊົນກ່ຽວກັບຂໍ້ມູນຂ່າວສານສະພາບການຂອງປະເທດ; ບັນດາການເຄື່ອນໄຫວຂອງຄະນະກຳມະການແຫ່ງລັດກ່ຽວກັບຊາວຫວຽດນາມ ອາໄສຢູ່ຕ່າງປະເທດ, ພິເສດແມ່ນບັນດາກິດຈະກໍາການເຄື່ອນໄຫວ ເພື່ອແນໃສ່ເພີ່ມທະວີຄວາມສາມັກຄີ, ອະນຸລັກຮັກສາວັດທະນະທຳ ແລະ ພາສາຫວຽດ ໃຫ້ຊາວຫວຽດນາມ ອາໄສຢູ່ຕ່າງປະເທດ, ເຊື່ອມຕໍ່ ແລະ ເສີມຂະຫຍາຍແຫຼ່ງກໍາລັງແຮງຂອງນັກທຸລະກິດ ແລະ ປັນຍາຊົນທີ່ອາໄສຢູ່ຕ່າງປະເທດ; ນະໂຍບາຍກ່ຽວກັບມະຫາສາມັກຄີ ແລະ ສະຫນັບສະຫນູນສະມາຄົມຊາວຫວຽດນາມ ອາໄສຢູ່ຕ່າງປະເທດ; ວຽກງານປົກປ້ອງພົນລະເມືອງ; ກ່ຽວກັບວຽກງານຂ່າວສານສຳລັບຊາວຫວຽດນາມ ອາໄສຢູ່ຕ່າງປະເທດ.
 |
| ທ່ານ ມາຍຟານຢຸງ ຮອງຫົວໜ້າຄະນະກໍາມະການ ໄດ້ຕີລາຄາສູງບັນດາການປະກອບສ່ວນ ແລະ ຄວາມກະຕືລືລົ້ນຂອງບັນດາຜູ້ແທນ, ນັກທຸລະກິດ, ປັນຍາຊົນທີ່ເຄື່ອນໄຫວໃນບັນດາອົງການຈັດຕັ້ງສະມາຄົມ. ພາບ: thoidai.com.vn |
ຄະນະປະຕິບັດງານໄດ້ໃຊ້ເວລາສ່ວນຫຼາຍເພື່ອແລກປ່ຽນ ແລະ ຮັບຮູ້ຄວາມຄິດເຫັນປະກອບ ແລະ ການປະກອບສ່ວນຂອງບັນດານັກຊ່ຽວຊານ, ປັນຍາຊົນ ຄື: ຂໍ້ສະເໜີເຊື່ອມຕໍ່ສິ່ງຍອດຍິ່ງທາງພູມປັນຍາຊາວຫວຽດນາມ ອາໄສຢູ່ຕ່າງປະເທດກັບບັນດາວິສາຫະກິດຢູ່ພາຍໃນປະເທດ ເພື່ອແນໃສ່ສ້າງເງື່ອນໄຂການນຳໃຊ້ການຄົ້ນຄວ້າວິທະຍາສາດເຂົ້າໃນສະພາບຕົວຈິງ (ທ່ານ ສາດສະດາຈານ ງຽມດຶກລອງ; ທ່ານ ປະລິນຍາເອກ ເວືອງວັນກວານ); ກໍ່ສ້າງກົນໄກຂໍ້ມູນຂ່າວສານທີ່ລະລຸລ່ວງ: ລະອຽດລະຫວ່າງການປະກອບສ່ວນຂອງປັນຍາຊົນຫວຽດນາມ ແລະ ຄວາມຮຽກຮ້ອງຕ້ອງການຂອງປະເທດຊາດ (ທ່ານ ປະລິນຍາເອກ ຮົ່ງໂດຫວຽນ); ຊຸກຍູ້ການຖ່າຍທອດພູມປັນຍາແທນທີ່ການຖ່າຍທອດເຕັກໂນໂລຊີ, ເພາະວ່າພູມປັນຍາສາມາດຖ່າຍທອດໄດ້ງ່າຍດາຍ, ວ່ອງໄວ ແລະ ບໍ່ມີບັນຫາລິຂະສິດຄືເຕັກໂນໂລຊີ (ທ່ານ ປະລິນຍາເອກ ຫງວຽນແທ່ງວິ້ງ); ຍູ້ແຮງການເຄື່ອນໄຫວຕົວຈີງເພື່ອແນໃສ່ປົກປັກຮັກສາວັດທະນະທຳ ແລະ ພາສາຫວຽດ ໃຫ້ແກ່ລູກຫລານຂອງຊາວຫວຽດນາມ ອາໄສຢູ່ຕ່າງປະເທດ (ທ່ານ ປະລິນຍາເອກ ບຸ່ຍບິ່ງ); ບັນດາບັນຫາກ່ຽວກັບກິດຈະກໍາເຄື່ອນໄຫວຂອງ ຊາວຫນຸ່ມ ເຍົາະຊົນຫວຽດນາມ ຢູ່ອົດສະຕາລີ (ສະມາຄົມຊາວຫວຽດນາມ ຢູ່ອົດສະຕາລີ, Sydney, Canberra); ບັນດາບັນຫາການເຄື່ອນໄຫວຂອງສະມາຄົມ (ທະນາຍຄວາມ ເຈິ່ນບ໊າຟຸກ); ບັນຫາການສອນ ພາສາຫວຽດ ໃຫ້ແດ່ດັກນ້ອຍຊາວຫວຽດນາມ ຢູ່ ອົດສະຕາລີ (ທ່ານ ປະລິນຍາເອກ ເຈິ່ນຮົ່ງເວິນ);...
ແກ້ໄຂຄວາມຫຍຸ້ງຍາກ, ຂໍ້ຄົງຄ້າງ ແລະ ໜູນຊ່ວຍຢ່າງແທດຈິງໃຫ້ແກ່ຊາວຫວຽດນາມອາໄສຢູ່ຕ່າງປະເທດເປັນເທື່ອລະກ້າວ
ໂດຍຕາງໜ້າໃຫ້ການນຳຄະນະກຳມະການແຫ່ງລັດກ່ຽວກັບຊາວຫວຽດນາມ ອາໄສຢູ່ຕ່າງປະເທດ ທ່ານ ມາຍຟານຢຸງ ຮອງຫົວໜ້າຄະນະກຳມະການແຫ່ງລັດກ່ຽວກັບຊາວຫວຽດນາມ ອາໄສຢູ່ຕ່າງປະເທດ ໃຫ້ຄຳໝັ້ນສັນຍາວ່າ ດ້ວຍບົດບາດເປັນອົງການຄຸ້ມຄອງແຫ່ງລັດໃນຂົງເຂດວຽກງານຊາວຫວຽດນາມ ອາໄສຢູ່ຕ່າງປະເທດ, ຄະນະກຳມະການແຫ່ງລັດກ່ຽວກັບຊາວຫວຽດນາມ ອາໄສຢູ່ຕ່າງປະເທດ ຈະເຮັດຈົນສຸດຄວາມສາມາດຂອງຕົນເພື່ອແກ້ໄຂຄວາມຫຍຸ້ງຍາກ, ຂໍ້ຄົງຄ້າງ ແລະ ໜູນຊ່ວຍຢ່າງແທດຈິງໃຫ້ແກ່ຊາວຫວຽດນາມອາໄສຢູ່ຕ່າງປະເທດ ເວົ້າລວມ, ຢູ່ ອົດສະຕາລີ ເວົ້າສະເພາະເປັນເທື່ອລະກ້າວ ເພື່ອສາມາດໄດ້ຮັບຄວາມສະດວກສະບາຍກວ່າໃນຂະບວນການເຊື່ອມໂຍງ ແລະ ພັດທະນາຢູ່ປະເທດປະຈໍາຖິ່ນ ແລະ ມຸ່ງໄປສູ່ບ້ານເກີດເມືອງນອນ.
 |
| ຄະນະຜູ້ແທນໄດ້ຖ່າຍຮູບເປັນທີ່ລະນຶກກັບສະມາຄົມນັກສຶກສາຫວຽດນາມ ຢູ່ ອົດສະຕາລີ. ພາບ: thoidai.com.vn |
ທີ່ບັນດາການເຮັດວຽກກັບບັນດາອົງການຜູ້ຕາງໜ້າ ຫວຽດນາມ ປະຈຳ ອົດສະຕາລີ, ທ່ານ ມາຍຟານຢຸງ ຮອງຫົວໜ້າຄະນະກຳມະການແຫ່ງລັດກ່ຽວກັບຊາວຫວຽດນາມ ອາໄສຢູ່ຕ່າງປະເທດ ຮຽກຮ້ອງບັນດາອົງການຕາງໜ້າໃຫ້ເອົາໃຈໃສ່ ແລະ ຍູ້ແຮງວຽກງານຊາວຫວຽດນາມ ອາໄສຢູ່ຕ່າງປະເທດກວ່າອີກ ແລະ ສົມທົບກັນຜັນຂະຫຍາຍບັນດາກິດຈະກໍາເຄື່ອນໄຫວ ເນື່ອງໃນໂອກາດສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດລະຫວ່າງຫວຽດນາມ ແລະ ອົດສະຕາລີ, ຕິດພັນກັບໂຄງການເຊີດຊູພາສາຫວຽດ ເຊິ່ງຫາກໍ່ໄດ້ຮັບການອະນຸມັດຈາກນາຍົກລັດຖະມົນຕີເມື່ອວັນທີ 3 ສິງຫາ ທີ່ຜ່ານມາ.
ກໍ່ທີ່ການໂອ້ລົໃສົນທະນາ, ພົບປະກັບຜູ້ຕາງໜ້າ 8 ສະມາຄົມ ຫວຽດນາມ ຢູ່ ອົດສະຕາລີ, ຄະນະໄດ້ເຜີຍແຜ່ໃຫ້ພໍ່ແມ່ປະຊາຊົນຮັບຊາບກ່ຽວກັບບັນດານະໂຍບາຍ, ລະບຽບກົດໝາຍກ່ຽວກັບຊາວຫວຽດນາມ ອາໄຫສຢູ່ຕ່າງປະເທດເວົ້າລວມ, ນະໂຍບາຍສົ່ງເສີມນັກທຸລະກິດ ແລະ ປັນຍາຊົນຊາວຫວຽດນາມ ອາໄສຢູ່ຕ່າງປະເທດ ກັບເມືອເຮັດວຽກ, ລົງທຶນ ແລະ ດຳເນີນທຸລະກິດຢູ່ ຫວຽດນາມ. ພິເສດແມ່ນເລື່ອງຄະນະກຳມະການແຫ່ງລັດກ່ຽວກັບຊາວຫວຽດນາມ ອາໄສຢູ່ຕ່າງປະເທດພວມສະເໜີແນະໃຫ້ອົງການເຈົ້າໜ້າທີ່ພິຈະລະ ນາເປີດກວ້າງສິດທິຂອງຊາວຫວຽດນາມອາໄສຢູ່ຕ່າງປະເທດວ່າດ້ວຍທີ່ດິນ ແລະ ທີ່ຢູ່ອາໄສ, ລະອຽດແມ່ນອະນຸຍາດໃຫ້ຊາວຫວຽດນາມ ອາໄສຢູ່ຕ່າງປະເທດໄດ້ຮັບການໂອນສິດນຳໃຊ້ທີ່ດິນນອກໂຄງການພັດທະນາເຮືອນຢູ່ເພື່ອກໍ່ສ້າງ ແລະ ກໍາມະສິດເຮືອນຢູ່ ຄືຊາວຫວຽດນາມ ຢູ່ພາຍໃນປະເທດ.
 |
| ທ່ານ ມາຍຟານຢຸງ ຮອງຫົວໜ້າຄະນະກຳມະການແຫ່ງລັດກ່ຽວກັບຊາວຫວຽດນາມ ອາໄສຢູ່ຕ່າງປະເທດ ມອບປຶ້ມສອນພາສາຫວຽດ ໃຫ້ທ່ານນາງ ຮົ່ງເວິນ. ພາບ: thoidai.com.vn |
ກ່ຽວກັບບັນຫາສັນຊາດ, ຄະນະກຳມະການແຫ່ງລັດກ່ຽວກັບຊາວຫວຽດນາມ ອາໄສຢູ່ຕ່າງປະເທດ ກໍ່ສະເໜີແນະໃຫ້ອົງການເຈົ້າໜ້າທີ່ພິຈະລະນາດັດປັບຂໍ້ກໍານົດວ່າດ້ວຍການເຂົ້າ ແລະ ກັບຄືນສັນຊາດຫວຽດນາມ ຕາມທິດສະດວກກວ່າ ພ້ອມທັງຍັງຮັກສາສັນຊາດຕ່າງປະເທດ, ບັນຫາຢັ້ງຢືນສັນຊາດຫວຽດນາມ ແລະ ໃບແຈ້ງເກີດ ໃຫ້ລູກຊອດຫວຽດນາມ, ເດັກຫວຽດນາມ ທີ່ເກີດຢູ່ຕ່າງປະເທດ...
ບູນມີ
