ຕອນເຊົ້າວັນທີ 10 ຕຸລາ, ທີ່ກອງ 871 (ກົມໃຫຍ່ການເມືອງ), ວິທະຍາຄານຍຸດທະສາດປ້ອງກັນຊາດ ໄດ້ຈັດພິທີປິດຊຸດຝຶກອົບຮົມການຄົ້ນຄວ້າ ຍຸດທະສາດ ການທະຫານໃຫ້ແກ່ກະຊວງປ້ອງກັນປະເທດລາວ, ຊຸດທີ 5.
 |
 |
| ສະຫາຍພົນຈັດຕະວາ, ຮຈ.ປອ ຫວູເກືອງກວ໊ຽດ ຫົວໜ້າ ວິທະຍາຄານຍຸດທະສາດປ້ອງກັນຊາດ |
 |
 |
| ຜູ້ຕາງໜ້າວິທະຍາຄານຍຸດທະສາດປ້ອງກັນຊາດ ມອບໃບຢັ້ງຢືນໃຫ້ນັກສໍາມະນາກອນ. ພາບ: ຕູແອງ |
ກ່າວຄຳເຫັນທີ່ພິທີປິດ, ສະຫາຍພົນຈັດຕະວາ, ຮຈ.ປອ ຫວູເກືອງກວ໊ຽດ ຫົວໜ້າ ວິທະຍາຄານຍຸດທະສາດປ້ອງກັນຊາດ ຢັ້ງຢືນວ່າ ຊຸດຝຶກອົບຮົມດັ່ງ ກ່າວໄດ້ຈັດຂຶ້ນເປັນ ເວລາ 1 ເດືອນ ແນໃສ່ບໍາລຸງຄວາມຮູ້, ຍົກສູງລະດັບ ແລະ ວິທີການຄົ້ນຄວ້າໃຫ້ແກ່ນາຍທະຫານຄົ້ນຄວ້າຂັ້ນຍຸດທະສາດ ຂອງກອງທັບປະຊາຊົນລາວ.
ພາຍຫຼັງການຄົ້ນຄວ້າ, ຮໍ່າຮຽນໃນໄລຍະ 1 ເດືອນ ດ້ວຍຄວາມຮັບຜິດຊອບສູງ ແລະ ຄວາມມານະພະຍາຍາມຂອງຄູອາຈານ, ນັກສຳມະນາກອນ ແລະ ບັນດາ ອົງການ ຮັບປະກັນ, ຮັບໃຊ້, ຊຸດຝຶກອົບຮົມໄດ້ປະຕິບັດສຳເລັດໜ້າທີ່ ທີ່ໄດ້ວາງອອກດ້ວຍຄຸນນະພາບສູງ. ສະຫາຍພົນຈັດຕະວາ ຫວູເກືອງກວ໊ຽດ ຫວັງວ່າ ຜ່ານຊຸດຝຶກອົບຮົມຢູ່ຫວຽດນາມ, ບັນດານາຍທະຫານກອງທັບ ປະຊາຊົນລາວ ຈະນຳໃຊ້ບັນດາບົດຮຽນຄວາມຮູ້ທີ່ໄດ້ຄົ້ນຄວ້າ, ຮ່ຳຮຽນຢ່າງມີຫົວ ຄິດປະດິດສ້າງເພື່ອປະຕິບັດ ສຳເລັດໜ້າທີ່ເຊິ່ງໄດ້ຮັບມອບໝາຍໃຫ້ເປັນຢ່າງດີ.
ສະຫາຍພັນໂທ ບົວໄທ ມິ່ງເມືອງອາດ, ຫົວໜ້າຄະນະພະນັກງານກົມ ວິທະຍາສາດ-ປະຫວັດສາດການທະຫານ, ກະຊວງປ້ອງກັນປະເທດລາວ ໃຫ້ຮູ້ວ່າຊຸດຝຶກອົບຮົບແມ່ນໂອກາດທີ່ດີເພື່ອຮັບເອົາຄວາມຮູ້ພື້ນຖານຂອງຍຸດທະສາດການທະຫານ, ພ້ອມທັງ ຢັ້ງຢືນວ່າ ຈະຕັ້ງໜ້າເສີມຂະຫຍາຍ ແລະ ນຳໃຊ້ບັນດາຄວາມຮູ້ທີ່ໄດ້ຮໍ່າຮຽນຢູ່ ຫວຽດນາມ ເຂົ້າໃນການປະຕິບັດວຽກງານຕົວຈິງ, ປະກອບສ່ວນຊຸກຍູ້ສາຍພົວພັນສາມັກຄີ, ມິດຕະພາບສະໜິດຕິດ ພັນລະຫວ່າງສອງຊາດ ແລະ ກອງທັບສອງປະເທດ ຫວຽດນາມ-ລາວ.
ບູນມີ
