| ເປີດຕົວສະມາຄົມມິດຕະພາບ ຫວຽດນາມ - ຍີ່ປຸ່ນ ຢູ່ມະຫາວິທະຍາໄລພາສາຕ່າງປະເທດ, ມະຫາວິທະຍາໄລ ດານັງ | |
| ນະຄອນດ່ານັ໊ງ ສົ່ງເສີມໂຄສະນາການທ່ອງທ່ຽວຢູ່ຍີ່ປຸ່ນ |
ທ່ານປະທານຄະນະກຳມະການປະຊາຊົນແຂວງ ເລຫງອກຕ້ວນ ໄດ້ສະແດງຄວາມຍິນດີຕ້ອນຮັບທ່ານຫົວໜ້າກົງສຸນໃຫຍ່ຍີ່ປຸ່ນ ປະຈຳນະຄອນ ດານັງ Yakabe Yoshinori ມາຢ້ຽມຢາມ Kon Tum; ພ້ອມກັນນັ້ນ, ກໍສະແດງຄວາມຊົມເຊີຍທີ່ຫ້ອງການກົງສຸນຍີ່ປຸ່ນ ໄດ້ຮັບການຍົກລະດັບເປັນສະຖານກົງສຸນໃຫຍ່ ປະຈຳນະຄອນດານັງ. ທ່ານປະທານຄະນະກຳມະການປະຊາຊົນແຂວງ ເຊື່ອໝັ້ນວ່າ: ການເປີດສະຖານກົງສຸນໃຫຍ່ ຈະແມ່ນຂົວຕໍ່ສຳຄັນເພື່ອຊຸກຍູ້ການຮ່ວມມືລະຫວ່າງບັນດາຄູ່ຮ່ວມມື ຍີ່ປຸ່ນ ແລະ ບັນດາທ້ອງຖິ່ນຂອງ ຫວຽດນາມ, ໃນນັ້ນມີແຂວງ Kon Tum.
 |
| ສ້າງທຸກເງື່ອນໄຂສະດວກໃຫ້ແກ່ຄູ່ຮ່ວມມື ຍີ່ປຸ່ນ ໄປຊອກຮູ້ ແລະ ລົງທຶນຢູ່ Kon Tum. |
ທີ່ກອງປະຊຸມ, ທ່ານປະທານຄະນະກຳມະການປະຊາຊົນແຂວງ ໄດ້ແຈ້ງໂດຍສັງເຂບກ່ຽວກັບທີ່ຕັ້ງພູມສາດ, ບັນດາຄວາມສາມາດບົ່ມຊ້ອນ, ທ່າໄດ້ປຽບຂອງການພັດທະນາເສດຖະກິດ - ສັງຄົມຂອງແຂວງ. ໃນນັ້ນ, ເນັ້ນໜັກເຖິງຄວາມສາມາດບົ່ມຊ້ອນ ໃນການພັດທະນາປະເພດຢຸກຢາ, ພິເສດແມ່ນໂສມຫງອກລິງ; ທ່າໄດ້ປຽບຂອງການພັດທະນາເສດຖະກິດປ່າໄມ້, ກະສິກຳເຕັກໂນໂລຊີສູງ ແລະ ການທ່ອງທ່ຽວ. ເນື່ອງໃນໂອກາດນີ້, ການນຳແຂວງ ປາດຖະໜາວ່າ ໃນໄລຍະຈະມາເຖິງ, ກົງສຸນ ຍີ່ປຸ່ນ ປະຈຳ ດານັງ ຈະແມ່ນຂົວຕໍ່ໃຫ້ບັນດາວິສາຫະກິດ ຍີ່ປຸ່ນ ສືບຕໍ່ໃຫ້ຄວາມສົນໃຈ ແລະ ຄົ້ນຄ້ວາ ມາລົງທຶນຢູ່ Kon Tum, ພິເສດແມ່ນການລົງທຶນເຂົ້າບັນດາຂົງເຂດການພັດທະນາການທ່ອງທ່ຽວ, ຢຸກຢາໃນບໍລິເວນ. ພ້ອມກັນນັ້ນ, ກໍຢືນຢັນວ່າ: ອຳນາດການປົກຄອງທ້ອງຖິ່ນ ຍາມໃດກໍ່ຈະສ້າງເງື່ອນໄຂສະດວກທີ່ສຸດ ບົນພື້ນຖານບັນດາຂໍ້ກຳນົດຂອງກົດໝາຍ, ໜູນຊ່ວຍບັນດານັກລົງທຶນ ແລະ ຄູ່ຮ່ວມມື ຍີ່ປຸ່ນ ຊອກຫາກາລະໂອກາດ ແລະ ລົງທຶນຢູ່ Kon Tum.
 |
ທ່ານຫົວໜ້າກົງສຸນໃຫຍ່ Yakabe Yoshinori ໄດ້ສະແດງຄວາມຂອບອົກຂອບໃຈ ບັນດາການນຳແຂວງ Kon Tum ທີ່ໄດ້ໃຫ້ການຕ້ອນຮັບຢ່າງສະໜິດສະໜົມ ແລະ ອົບອຸ່ນ ແລະໃຫ້ຮູ້ວ່າ ທ່ານໄດ້ຍົກສູງການພົວພັນມິດຕະພາບທີ່ເປັນມູນເຊື້ອລະຫວ່າງ ຫວຽດນາມ ແລະ ຍີ່ປຸ່ນ ໃນຫຼາຍປີຜ່ານມາ; ພ້ອມກັນນັ້ນ, ໄດ້ຕີລາຄາສູງຄວາມສາມາດບົ່ມຊ້ອນ, ທ່າໄດ້ປຽບຂອງແຂວງ ໃນການພັດທະນາເສດຖະກິດ-ສັງຄົມ; ສະນັ້ນ, ທ່ານມີຄວາມສົນໃຈເປັນພິເສດກ່ຽວກັບບັນດາຂໍ້ມູນຂ່າວສານແຫຼ່ງວັດຖຸດິບ, ທ່າແຮງ, ບັນດາຂະແໜງອາຊີບທີ່ແຂວງຢາກດຶງດູດນັກທຸລະກິດຕ່າງປະເທດມາລົງທຶນ.
ທ່ານ Yakabe Yoshinori ເນັ້ນໜັກວ່າ ໃນຖານະຕຳແໜ່ງໃໝ່ ກໍຈະມານະພະຍາຍາມຊຸກຍູ້ການພົວພັນແລກປ່ຽນ, ການຮ່ວມມືລົງທຶນດ້ານການຄ້າລະຫວ່າງ ຍີ່ປຸ່ນ ແລະ ແຂວງ Kon Tum ເວົ້ົ້າສະເພາະ ແລະ ບັນດາແຂວງ, ນະຄອນພາກກາງເວົ້າລວມ, ປະກອບສ່ວນຢ່າງຕັ້ງໜ້າເຂົ້າໃນການພັດທະນາການພົວພັນຮ່ວມມືທີ່ດີງາມ ລະຫວ່າງ ຫວຽດນາມ - ຍີ່ປຸ່ນ ໃນໄລຍະຈະມາເຖິງ.
 |
ກ່ຽວກັບບັນດາການເຄື່ອນໄຫວສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດລະຫວ່າງ ຍີ່ປຸ່ນ - ຫວຽດນາມ ໃນປີ 2023, ທ່ານຫົວໜ້າກົງສູນໃຫຍ່ ປາດຖະໜາວ່າ ແຂວງ Kon Tum ຈະສົມທົບກັບສະຖານກົງສູນໃຫຍ່ ຈັດຕັ້ງບັນດາໂຄງການແລກປ່ຽນຫຼາຍຢ່າງ ມຸ່ງໄປເຖິງໂອກາດພິເສດນີ້.
ຄຳຮຸ່ງ
